氫能低地台輕鐵列車抵港

Fuk19805 發表於 2024-6-27 22:06
潮流興緊氫能，俾佢哋做吓馬騮show咪算數囉
無啦啦玩低地台輕鐵已經神奇啦，除非係為咗東九龍輕軌/啟德輕 ...

講到明係睇運作數據﹐睇下日後用唔用得著﹐所以有D怪物做測試﹐唔係什麼神奇事。

東九好似話用云巴﹐極大機會唔會用這款車。
啟德都仲有D機會﹐都係睇政府取態。

有部低地台實物都係一件好事﹐即管睇下日後會唔會引入這類低地台車﹐特別係啟德發展區<>觀塘商貿區。


再FF大D﹐個測試月台就係想試高低地台輕鐵一齊混跑營運﹐會帶來幾多問題﹐同埋有無得解決。
之後就有機會洪水橋新線先引入﹐再擴展到現有路線。

kei_hk 發表於 2024-6-27 22:52
這部野擺明係試﹐加上之有新聞提及過係租的﹐所以新車的機會比較低。

當個塗裝都同上面某市差不多一樣﹐ ...

TGM1救唔救得返已經係一大問題，畢竟佛2後通段仲搞緊，一日未通到車，前者要焗住脫網運營，未能有效接入廣佛地鐵線網。

反正政府俾錢試玩，咪試下玩囉。

如果計過條數，長遠係慳到電費、電杆電纜保養維修成本，咪換得過囉，順便當換新車廂。係重做低月台個度唔知可以點搞法

lrv1092 發表於 2024-6-28 01:25
反正政府俾錢試玩，咪試下玩囉。

如果計過條數，長遠係慳到電費、電杆電纜保養維修成本，咪換得過囉，順便 ...

如果解決唔到混跑期間﹐月台與車廂高低大差距的問題。

以現時列車數量來講﹐咪叫車廠特別做一批高地台車出來﹐就處理到月台問題。

問題只是有一批車服役年期比較短﹐咁快又換新車﹐唔合經濟原則。


ps. 減少外來車輛 KO 供電系統﹐都係一個好處。

DIH 發表於 2024-6-27 22:04
我都唔係好明，軌道交通有固定路線，用架空電纜或其他與路軌共建的間歇性充電技術（例如停站升弓、總站充電 ...

返車廠充氣不是問題﹐最重要係充氣後﹐續航力有幾長﹐夠唔夠大半日以上的營運需要。

如果夠一日營運需要﹐需要返廠充氣就更加不成問題。
夠大半日所需﹐有條件日段安排換車返廠充氣 (包括繁忙時間的加班車回廠)。

而且洪天路緊急月台﹐都係適合做充氣站。
亦可再搵一些地方去加建充氣站﹐唔一定需要返到屯門車廠才可充氣的。

都估到係直接從高明攞部氫車黎香港試
查實呢批車而家擺多過行，每天大概只有繁時對開兩班車——所以咪好似部新車咁咯
（希望保養無問題掛，就好似頭批九公主都擺咗6-7年先出街）
題外話：佛山南海起緊另一條氫能電車線，到時可以先將批高明車送過去頂檔？

hellomato 發表於 2024-6-28 11:23
都估到係直接從高明攞部氫車黎香港試
查實呢批車而家擺多過行，每天大概只有繁時對開兩班車——所以咪好 ...

你講緊里水有軌？
但最快都要2025年初先開通到