運輸署拒絕係粉錦公路開新線出市區

sunhoo 發表於 2024-7-15 15:28
班次問題想改善，牽涉因素太多，唔係咁易。我就著重睇轉車站嘅基建。
以香港標準，有上下層嘅轉車站一定 ...

以欖轉既人流
你起lift只會排曬長龍，然後班客最後都係逼住行斜路
反而扶手電梯會實際好多
沿途有冷氣當然更好，但呢個改動規模就更大

至於 粉錦-市區 呢啲case
你用豪華巴士模式搞，幾肯定會有巴士公司有興趣
朝早條粉錦條NR917開緊10分鐘一班出中環，你話完全無客又唔係
只係用返standard價位巴士公司寧願做其他嘢

castanopsis 發表於 2024-7-16 06:32
你用豪華巴士模式搞……

豪華巴士唔係唔可以有，但係而家呢條路新增嘅人口唔係在自由市場揀樓住嘅，佢地係住affordable housing，唔可以無視呢類乘客對交通可負擔性嘅需求。專營巴士先啱佢地。
開綫直出市區係唔容易，但至少應該有可靠服務駁去欖轉。
巴士公司覺得無肉食？視乎觀點角度囖。

一種視角係，如果唔車佢地去欖轉，佢地都會以自己方法去欖轉，因為要提供bbi，開接駁綫唔會有新增收入，不如唔好開。
另一種視角係，如果唔車佢地去欖轉，佢地會搭鐵出市區，甚至唔返市區工，只返新界工。咁，開接駁綫係可以為自己嘅各條大欖貴價綫增加客量，整盤數睇會多左。

asv98.kw131 發表於 2024-7-16 03:04
唔使改班次，只係要改個 app。
但好明顯，呢個會涉及 ETA 嘅問題，以九巴嘅配套，要整到好似城巴咁嘅話， ...

現時乘客已經可以自行得知在轉車站要等幾耐。上第一程車之前已經睇到你擬搭班次同擬轉班次分別幾時到轉車站。

sunhoo 發表於 2024-7-16 10:17
現時乘客已經可以自行得知在轉車站要等幾耐。上第一程車之前已經睇到你擬搭班次同擬轉班次分別幾時到轉車 ...

如果係公路線轉公路線就冇問題，好多時上車之後 60 分鐘之內已經到轉車站。

但係公路線轉鄉郊線會有問題，舉例你喺灣仔搭 968 / 978 去到元朗 / 上水轉 77K 嘅話，第一程可能超過 60 分鐘之後先至到轉車站，即係上車嘅時候睇唔到轉車要等幾耐。
更加唔好講，鄉郊居民有機會要轉兩次車，第二次轉車好多時唔會係 60 分鐘內嘅事。

仲有極端嘅例子：你可能上車之前見到要轉車嘅線係 21 分鐘、44 分鐘有車，但你第一程搭嘅線要 47 分鐘之後先到站，而你根本唔知到站之後要等幾耐，尤其係大包圍班次嘅路線（例 20 - 25 分鐘一班）。

仲有，你 plan 唔到行程。城巴個 app 可以揀出發日期同時間，你前一晚 plan 定行程都得，九巴就做唔到。
即係咁，如果你住嘅地方鄰近「八鄉少訊中心」，聽日約咗朋友 16:30 喺西灣河等，咁你應該搭邊班車？轉車要等幾耐？

asv98.kw131 發表於 2024-7-16 13:29
如果係公路線轉公路線就冇問題，好多時上車之後 60 分鐘之內已經到轉車站。

但係公路線轉鄉郊線會有問題 ...

城巴有資訊俾人預早計劃，的確係。小弟就經常用佢去plan搭邊班車去趕早機，係N線尾車定A/E線頭車。

asv98.kw131 發表於 2024-7-15 15:07
認同，而家啲郊區轉車真係嚇窒唔少人。

點解有 79X 就唔再搭 78K 轉 270B 或者鐵？本身 78K 轉乘 270B 或 ...

最大分別係我由沙公去如心廣場，厹坐78/9K轉278X，會浪費近半個鐘行勻聯和墟、粉嶺先上公路，但係79X加西鐵唔駛，件事調轉放落78X/277A度就見到另一個故事。

asv98.kw131 發表於 2024-7-16 03:08
嗰度大概有幾多人 / 幾多伙？要睇下個盤幾多人先得，至少都要有返西沙 Go Park 個規模。
況且，要去觀塘都 ...

柏瓏 1652伙，二期未招標。加埋隔離廿一棟公屋九千伙 (人口25200)，恒莆新苑二千人，要上三萬唔難。

就算入哂伙之後都未開到線住，咁中鐵線開之前，洪水橋/屯南開之後應該就係樽頸位，源頭減人都有理據啲。

sunhoo 發表於 2024-7-16 10:13
豪華巴士唔係唔可以有，但係而家呢條路新增嘅人口唔係在自由市場揀樓住嘅，佢地係住affordable housing， ...

從來無話過affordable housing一定要有平車搭
何況宜家又唔係取消77K，只係要搵誘因加額外服務
有豪華巴士收費既直車，好過乜都無

當然你話要改善欖轉接駁我係同意
呢點之前討論251A/B既時候，都有講過

TML朝早錦上路出市區都係一路鬧一路搭，仲要唔夠荃灣西上車嗰班咁塞得入
當然TML車車廂設計都比較難塞爆人嘅🤭千九/IKK始終係廿五年前設計，C車就只係千九劣化版，唔同東鐵綫R車真係設計得空間感好足，可以pack得好實，加上東鐵綫太和至沙田仲有有利於塞滿人嘅左右輪流開門

至於巴士八鄉路/大欖轉車可以係一個選擇但上繁整體唔太有用
大欖南行大部分路線都起碼坐滿哂，搭巴士要企起碼20分鐘嘅話，得番車程或者車錢可以同鐵競爭，但以上繁路況都好難打贏鐵
最有利變咗係返葵涌班客，堆M線上繁叫做幾密又多特班，天水圍M又會有人落車轉其他車，企10分鐘到荃景圍天橋愉景新城要搵位坐下唔難
現階段大西北搭屯馬綫轉車返葵涌都幾災難下 (雖然有人又真係咁搭🤭)，但北環綫一通到落九龍塘，就唔一樣了