大埔綠小又搞事

KE7066 發表於 2024-8-25 08:03
獨市會導致「hea 做」已經係一個預設立場啦，咁嘅評分標準仲稱唔稱得上崇優？

然後你提出允許交重組當標 ...

直接/惡性競爭係壞事
但一個區多於一間巴士公司做，造成間接競爭/比較
對長遠一區既交通發展，至為重要

真實例子唔少
如果皇后山78A俾埋城巴做，你估佢仲會唔會咁積極搞長途線？
掉返轉，葵盛圍人口攀升，但近二十年服務不斷倒退
唔係有城巴930B出現，又點會無啦啦賺到37X？

你上面講既 “預設立場”
係指內定 城巴 定 九巴，然後招標當作window dressing
但避免一個區獨市，並唔等同內定
只係鼓勵一個新區招標四五條線入面，要有多於一間公司
並無內定邊條線係邊間公司做，甚至 鐵巴 嶼巴 綠小 都可以係考慮之列

份重組牽涉到其他區嘅改動唔洗諮詢？
其他區唔滿意唔比推係咪焗住比另一家做？

其他地區聲音，一樣可以納入評分標準
現有公司透過重組舊線服務新區，有好處，亦有風險，自己衡量返

castanopsis 發表於 2024-8-24 22:32
唔太明你問題
速度、班次、覆蓋、對現有經營者影響、會否造成獨市
反正無論如何都有主觀成分，直接用返呢 ...

因為你去到今日都唔明最大問題唔係巴士公司無左自主權，而係凱婷點諗。

根本點評分唔係重點，凱婷諗法已經左右到評分標準既設計。巴士公司為左要贏，就只會係凱婷定出黎既標準下，去劃線。換言之，巴士公司交出黎既走線唔會有好大分別。用你最不滿既皇后山為例子，凱婷話要招皇后山-九東，最多一間咪擺觀碼，一間擺藍田北。跟住凱婷話行繁忙路段要扣分，又要配合CBD2發展。咁大家咪入哂去偉業街囉。結果係你套偉大改革方案下，走線差既問題一樣存在，只係變左巴士公司做醜人。

如果凱婷肯放手比巴士公司自由畫線入舊區同行繁忙路段，咁點解唔可以凱婷直接畫？不過你就最鍾意搞一大輪野先安樂既。

S3BL100 發表於 2024-8-25 08:32
不如咁講啦，雖然招標線出到巿區奇奇怪怪走線未必直接同招標有關，例如老母道呢幾年的確無新線，新線點都 ...

當大家日日批評凱婷決策差，我就唔明白香港行TfL個套會有幾好啦。到時肯定區區都只有駁鐵線係全日，區外線想全日就難過登天

castanopsis 發表於 2024-8-25 09:48
直接/惡性競爭係壞事
但一個區多於一間巴士公司做，造成間接競爭/比較
對長遠一區既交通發展，至為重要

同舊線重組有扣分風險，點解入標時要搞重組？輸左點算？

最後舊公司都一樣唔會同舊線重組。要重組咪中左先講囉。多餘。

s3n370 發表於 2024-8-25 08:16
1. 你始終迴避緊一樣野，就算俾巴士公司畫線考慮哂你要考慮嘅野，
只要係運輸署評審，佢就會set運輸署認 ...

唔同
運輸署只可以畫一條走線，俾所有入標既公司
舉個例，運輸署畫條78X出來，要擔心埋會否影響277X既路線專營權
但明明九巴無需要考慮呢樣嘢

就算同一套marking scheme，唔同公司畫出來既走線，都肯定有大差別

講到呢度，插嘴覆埋呢句

話就拆牆鬆綁，但係所有角色就定哂型
九巴一定要送客去城隧，唔俾“做大”青沙轉車概念股？

我想講既係
兩間公司既網絡好唔同
同一個市場（e.g. 新界東<>荃葵），兩間公司考慮既嘢會唔一樣
選擇既走線，亦自然會有分別

唔好捉著個假設性例子打稻草人
你係咪覺得兩間公司prefer既走線會一樣，都係招標個條？
恕我唔同意

2. 招標嘅本質，就係公開搵個client認為最合適嘅承辦商。 就住巴士線招標，中標嘅根本有修改甚至開新線權。

3. 中標後、開線前就修改根本就有先例，甚至間間都做過咁滯 （好似係投得最少嘅嶼巴無？），你話唔太可行嘅理據何在呢？

宜家個制度係，人人睇住你標書條走線入標
幾間公司衡量完，覺得自己可以做到乜嘢 價錢/班次/轉乘，提交標書

喺你既世界入面
原來招標條線，可以再同現有路線重組一輪先開線
咁當初支標條走線有乜嘢意思？

同持份者商討完，小改係一回事，線都未開就大改，唔啱規矩

宜家問題係，唔同公司中標，optimal既走線唔同
咁不如打從一開始，就將幾間公司optimal既走線，擺曬出來打分
而唔係中標之後，即刻大改，架空原有招標程序
或者改唔到搞到suboptimal十年八載都執唔返正

4. 甚至招標最基本嘅，as long as巴士公司有權唔入， 入得標嘅就至少入果刻，已經認為支標做得過，肯承擔風險先至會入。 包括賺蝕，甚至城巴中佐元天線後後棄標嘅後果。 條線唔靚你覺得啫，唔靚嘅唔見巴士公司唔投，好似最近賣地反應冷淡咁？ 城巴棄元天九巴肯食喎。真係有數圍好，定係捱義氣搏下單中都好， 總之九巴肯食你理得佢？

No，巴士公司入標，係因為地區專營名亡實存
佢唔係認為支標做得過，而係擔心一旦唔入標，以後成個區都唔關佢事
更嚴重既係，路線專營權個龍門不斷飄移
見住950/55一步一步蠶食原有客源，你係九巴，你唔驚？

有無人知72x最後拉唔拉到上富蝶 lol

KU_7002 發表於 2024-8-25 09:58
同舊線重組有扣分風險，點解入標時要搞重組？輸左點算？

最後舊公司都一樣唔會同舊線重組。要重組咪中左 ...

呢個係一個取捨
重組舊線，有扣分風險，同時有加分既空間
因為你可以靠舊區客，令支標靚過對家好多
同人鬥新線，現有經營者無優勢

可以想像，會出現既情況
係細標有利重組舊線（因為開新線做唔密/做唔到全日）
大標有利開新線（自己夠客直出，重組有機會得罪既得利益者扣分）
呢個正正係大家想要既嘢
而唔係乜叉都開新線，然後搞到啲線嚴重碎片化

KU_7002 發表於 2024-8-25 09:55
當大家日日批評凱婷決策差，我就唔明白香港行TfL個套會有幾好啦。到時肯定區區都只有駁鐵線係全日，區外 ...

我唔認為TfL個套可以照搬落香港
本身香港交通賺到錢，件事已經好唔同

但要留意既係，倫敦個道路網，極少市區公路
長途線，時間一定輸俾鐵，駁鐵線多長途線少，係必然結果
呢個同制度無關

事實上，除咗定價之外，倫敦流水線係做得好好，好過香港好多

KU_7002 發表於 2024-8-25 09:52
因為你去到今日都唔明最大問題唔係巴士公司無左自主權，而係凱婷點諗。

根本點評分唔係重點，凱婷諗法已 ...

下面佢有個回覆話唔會大家差唔多

但如果巴士公司背後打籠通入標？
出左事又要改規則
咁就睇唔到有咩優越性

連最壞情況都唔先考慮點處理
剩係一味講好處壞處就話唔會既無事既
當大家既疑慮無到
呢d根本唔係討論而係hard sell

castanopsis 發表於 2024-8-25 10:44
呢個係一個取捨
重組舊線，有扣分風險，同時有加分既空間
因為你可以靠舊區客，令支標靚過對家好多

新線=疏？新線=新公司有優勢？點解
反正中左之後減班無後果，點解入標一定寫疏車
定又諗住加個新要求，中左之後唔比減班啊？
仲有你未答我問題，既然凱婷肯改變mindset比人劃線，咁點解唔直接自己畫？