昨天有人坐九巴中暑暈到

昨天新聞, 好心九巴較返低個冷氣溫度.

落馬洲站有得選擇, 頂唔順可以搭小巴, 有冷氣有位坐, 長者嘅話一樣係$2(樂遊卡計)到元朗, 排隊時間另計.

冷氣係自動冇得較如果搭B1都暈係深圳搭啲細車應該暈得仲快

前日搭四架車，三架MMC要Port冷氣，反而V6B就雪房mode

係"暈倒"唔係暈到

九巴回覆《香港01》表示，今日（8月25日）未有收到類似乘客求助個案，正在搜尋資料，暫未能確定事發經過、詳情及起因。

九巴強調，一直致力為乘客提供舒適車廂環境，同時響應政府呼籲節能減排，根據指引將車廂的室內溫度維持在24至26度；九巴早前因應季節天氣變化，把全線巴士車廂的冷氣設定溫度調低，而為統一所有巴士車廂環境，車長在駕駛時不能自行調節溫度或風速設定；本公司會繼續追查事發經過，分析成因和跟進。

原文網址: 九巴妹妹疑中暑暈倒　車長被鬧拒開大冷氣　真相曝光網民力撐司機 | 香港01 https://www.hk01.com/article/105 ... utm_medium=referral

X962 發表於 2024-8-26 17:55
九巴回覆《香港01》表示，今日（8月25日）未有收到類似乘客求助個案，正在搜尋資料，暫未能確定事發經過、 ...

慳皮就慳皮啦

響應環保

24－26點舒適啊

DKLM

太陽照射下, 體感溫度比較高是常識, 加上巴士人潮如鯽, 群情洶湧導致心緒不定, 也會引致體溫上升, 種種原因都足以證明, 一架口岸巴士的車廂溫度理應比其他路線要調低一些, 不能夠一句話冇接到相關報告, 就繕稿了事.

24度鬼夠，叫班高層坐下揸下

記得之前係坑口坐 98C 上山，一上車就覺得好似蒸爐咁，諗住可能架車係總站曬左好耐至開車，可能陣間會好啲呢。。。

但沿途有人上車都表示好焗，紛紛向司機投訴，但都不獲理會。。。

最後可能連司機都頂唔順，噠左幾次車至開返冷氣，到差唔多落車就已經 feel 到冇咁焗，但都係勁熱，好彩我係山上落左車，如果叫我坐到旺角應該熟左都似。。。