的士、客貨車能否在機場「和平共存」?

和平共處, 小弟覺得係好難達成的

而家唔只係兩方面 (等候的士 與 客貸車) 的鬥爭
什至係有第三者的出現 (電召服務, 又有傳實質係折扣黨)

等候的的士又話電召的士搶其客
電召的士又話上落客點不便
同一時間, 的士行業又話客貨車牌費什低而的士牌費卻什高

兩方面爭鬥都已經傾唔掂數
而家有3個利益集團......和平共處看來是一件不可能的事

運輸署面對公眾乘車基本需要。往往都是鴕鳥政策，本末倒置。其實這件的士打的士，的士打貨van的問題根源在於機場本身的置，與及交通配套安排。機場本身位置位於香港最東。無論香港任何一個地方往返機場，用既有的士收費模式，的士司機無疑是會獲豐厚利潤。這是第一群既得利益者。
第二群的士司機，有大批熟客。熟客找相熟司機是理所當然。人介紹人，這便是幾何級數的客源。有相熟的司機，便有折頭，有折頭的士，正常的人又為何會乘搭正價的士﹖要注意的，就是折頭的士來往機場收費，所得的利潤是依然豐厚。這不是單單機場問題，而是多數長途的士的問題。
貨車司機也加入戰圈。用再低的價錢，去吸引乘客。不介意質素的，貨車也是好選擇，當然也不會選的士。

結論如下。機場只有巴士及機鐵。巴士及利帶行李乘客。機鐵所到地方有限。這便令點到點服務有空間。點到點服務向來都是的士的天下。奈何，用傳統收費模式的的士，所賺的利潤，是天價。如此，便引來割價促銷的競爭。這就是折頭的及貨車。
在下認為，解決機場困局，可循兩個方法去走。第一，是利便帶行李交通工具。二，是合理價錢。

將機場的士收費模式改變，便是二合為一的解決方法之一。如下︰
將機場的士對外收費按區份劃一。收費應在酒店巴士之上，在七折的之下。吸引更多客源。令機場的士流轉更快。使機場的士不用扎死馬。更快的流轉減少輪候時間，節省的士司機營運機會成本。令車費可向下調。如此，再無折的與排隊的士的問題。貨車空載到機場接客價錢因此要進一步調低才有生意，但未必會有利潤。如此是一與三得。不過。這令大部份機場排隊的的士車主兼司機工作摸式改變，未必受的士車主兼司機歡迎。

作為一個普通小市民，無行李或一兩件就坐巴士
多行李就用貨van啦，我就唔想我0的行李靠條橡根繩，仲要踩成百幾km/h

從來都無諗過坐的士... 然而新機場唔係的士杯茶

原帖由 arhang2001 於 2007-7-16 22:33 發表


而家做白牌個d，全部都領正出租牌，買正保險先做，唔使同班的士貨Van 爭。

我舊年去完日本，有個阿伯在地面運輸中心兜客，見同A車轉的士差唔多價，
諗住一程HIACE算啦.......

點知，坐中架廿幾年歷史，上青嶼行60都有問題，全程"車震"嘅大BENZ。

原帖由 letchan 於 2007-7-18 01:54 發表
貨車司機也加入戰圈。用再低的價錢，去吸引乘客。不介意質素的，貨車也是好選擇，當然也不會選的士。

如果你坐過，你就會發覺你口中既貨車，乘坐感仲好過的士。

原帖由 nwfb23 於 2007-7-18 09:02 發表
作為一個普通小市民，無行李或一兩件就坐巴士
多行李就用貨van啦，我就唔想我0的行李靠條橡根繩，仲要踩成百幾km/h

從來都無諗過坐的士... 然而新機場唔係的士杯茶 ...

聽都聽過好多次，話d的士行行下跌幾件出黎，賠都冇得賠!

貨van 打個電話就知價錢，有晒預算，搭長途的，個錶跳一下個心就跳一下，
除非袋住一千幾百出街啦，唔係我就覺得好冇安全感。

同埋依家呢件事只係一件更大的事中的一點，
就係的士的角色。

點解的士一定仲要係一架私家車咁款?
點解的士仲係最多只可以載五個?
點解的士一定要係環保車?

係，依家我地見到開始有Alphard Hybrid準備行，
但係點解仲要有呢種限制...

其次就係車主同開車的係唔同人...
點解會有人一做折頭，
就係因為有的士牌的，
只會覺得用依家起錶及跳錶的價錢可以保障自己收入，
但係無諗過做果班就做唔到佢地個租...
為左維皮，俾我都可能要做折頭俾人啦...

原帖由 virus 於 2007-7-18 02:04 發表
最好既解決方法就係咩都唔好理。

香港非專營/個體公交的管理，
以不變應萬變就最好。
運輸署或機管 ...

唔係講笑, 最好真係咩都唔好理
政府幫的士咩, 客貨車司機又話政府 "打擊機場合法載貨" , "歧視" 等等
幫客貨車咩, 的士佬又咋型話大家牌費差9條街唔公平
講真個句, 真係由得市場主導好過囉


邊個服務好價格相宜, 市民就自然識選擇適合自己的
上面有板友都話, 租van仔的價錢, 自己心中有數, 唔駛 "一跳一驚心"
有晒聯絡電話聯絡輕鬆又方便又快捷
行李箱特大, 加上好多van仔都裝左個d好豪華的座椅
真係, 坐van仔分分鐘舒服過坐的士

總係覺得家陣的士同客貨車既對立局面
都有d 似中東以巴兩邊既衝突咁
雖然又未致於要置對方於死地
但都係好難會有一方肯屈服...