建議重組 74X 75X，增設 75A 經獅隧及城河東往來九龍城

S3BL100 發表於 2024-9-26 21:20
75A 本身就快過 75X，兜沙田果段比起沙田路直去只係慢五分鐘，但最大好處係可以用來做低多兩條線，又可以 ...

74D入白石角出觀塘都係比74X直飛吐露港公路只係用多約十分鐘
但廣福道同廣福邨都唔會有人搭佢出觀塘
寧願等架隨時冇位坐既74X

再講下N271
N271兜落沙田又係用多十分鐘左右
但唔少大埔人都好想佢飛甩沙田

74A衰啲乜搞到冇客
除咗因為班次問題
第一個係大埔公路
第二個係來回入運頭塘總站
第三個就係經沙田

所以唔好成日同我講埋只係用多幾分鐘既偉論
如果大埔人真係唔介意用多五至十分鐘兜多個地方再出巿區
就根本唔會有上述既事發生

長途路線從來只有特快先至吸到客
75A呢類半流水路線基本上唔會吸到啲咩客
仲搞到土瓜灣變慢咗
土瓜灣班客肯定會流晒去火車度
唔會陪你去沙田遊車河

kmb71k 發表於 2024-9-26 23:05
74D入白石角出觀塘都係比74X直飛吐露港公路只係用多約十分鐘
但廣福道同廣福邨都唔會有人搭佢出觀塘
寧願 ...

再重複一次：75A 並無令大埔往來九龍城車程變慢，實情係兜果段沙田比起 75X 兜鑽石山黃大仙仲快 5-10 分

全程公路快得來唔夠客又有乜意思？其實 75A 個模式根本咪同 B8 79 差唔多，做新界東區間特快，分別係 B8 79 係做北區 - 大埔 - 沙田，75A 就做大埔 - 沙田 - 九龍，反正今時今日大埔往來九龍城需求多唔多得過新東區間特快都係一個好問題。唔夠客就順路前提下兜多個區囉，同 75X 分別係兜黃大仙 vs 兜沙田。既然兜沙田原來比起而家兜黃大仙仲快，又有咩問題？

調返轉 W3 中間要停兩區但沙田區只停一站又原路出入就真係差左少少，停一區已經好夠。所以點解上次個 post 我索性 W3 做多少少沙田但飛起大埔，大埔搵 271A (W3A) 同 274 代。274 同樣又係呢類區間特快因為頭尾未必夠客，所以中間唔花多太多時間前提下停多區既例子

再強調一次，275X 係快，但夠唔夠客？就算畀你全日，聯合道係咪打算完全唔理？然後你諗住倒走成個樂富，定係由得 74X 永世繼續回程兜新蒲崗，定係叫新蒲崗客行返去荷李活廣場坐 75X 就算？呢幾個問題你有咩答案？淨係識得嘈咩一定唔可以兜，直去九龍城吸最多客。但如果真係講直去唔兜路，74X 回程唔兜路迫切性同需要點都高過九龍城好多

S3BL100 發表於 2024-9-26 23:26
再重複一次：75A 並無令大埔往來九龍城車程變慢，實情係兜果段沙田比起 75X 兜鑽石山黃大仙仲快 5-10 分
...

B8個北區叫香園圍
79個北區叫沙頭角公路同皇后山

75A個九龍叫樂富、九龍城(宋皇臺)、土瓜灣

75X真系縮到黃大仙體怕要槍晒82X/85M/286M老九先肯...

其實day one條75X基本上就系你條75A咁行...

75A/75X/275X又唔拉上富蝶，冇ground去做重組喎...

74X有咩必要全日提速呢? 非繁好爆咩?

BTW，你個方案有冇phase 2架?

有75A，唔搞72A/74A?

Ravenclaw 發表於 2024-9-27 20:41
75X真系縮到黃大仙體怕要槍晒82X/85M/286M老九先肯...

其實day one條75X基本上就系你條75A咁行...

大老山未通車果陣條 75X 同今次條 75A 分別係 75A 會落一落大涌橋路停幾個站

但當年獅隧塞到傻，75X 當日改行大老山係正路，唔代表隔左三十幾年後今日依然係理想選擇。而且九龍城當日比而家旺，同觀塘差距無今日咁大，75X 客量都係麻麻。早前有版友貼過八十年代末九巴各路線賺蝕排名，75X 係蝕多過 74X 好多，74X 只係微蝕

唔見得重組就一定要拉一條上富蝶。其他區大把重組都唔會預埋新區

反正富蝶呢個位都有少少麻煩，道路網關係一定做頭站，要外面路線兜入去轉一圈又太兜都未必咁易。而總站位得咁多，75A 75X 絕對唔係佢地最需要既野。反正而家條 72X 都膠着，之後應該都唔可能再拉多條經廣福道舊全日線上去，小巴一定發癲，見過鬼唔怕黑咩

因為規模太大所以今次唔會捆綁其他路線去做，但我咁畫得條 75A 出來，下一步係一定會搞埋 72A 74A，至低限度兩條都唔使再做乙明邨，想像空間好大

幾年前有諗過 72A 74A 合併全日改經沙中同大老山慳一車，但有 75A 後亦無需要特登再做埋沙田圍，甚至唔使留 74A 全日，反正今時今日 72A 應該遠比 74A 好做。我暫時最終想見到既野，係 72A 來回改經沙中、大埔區內改經南運路入富亨轉一圈，同 72 聯合班次，釋放資源做 272E 半全日；然後 74A 只留兩繁各三班，半粒鐘一班改經第一城入大老山，再經九龍灣商貿區拉去觀碼，屎溝糖

已經唔計之後一定會搞埋條 85A

S3BL100 發表於 2024-9-26 23:26
再重複一次：75A 並無令大埔往來九龍城車程變慢，實情係兜果段沙田比起 75X 兜鑽石山黃大仙仲快 5-10 分
...

大埔人話知你五分鐘定十分鐘
只要條線要兜落沙田同停站
足以令佢哋全部去晒搭鐵
唔會同你乖乖遊沙田停沙田

你而家個做法係犧牲土瓜灣走去做沙田區特快
土瓜灣係唔多客
但係有一定客量
而B8 79沙田特返往返大埔係咪多客到做唔晒
值得厹犧牲土瓜灣去做呢個位？

點解厹要搞條275X出嚟？
因為厹從來覺得特快先至吸到客
咪搞條75X特快版出嚟試水溫
事實係275X客量唔差
下繁可以坐滿返大埔

其實聯合道呢個位唔難解決
75X繼續九龍城碼頭
但來回改行木廠街同馬頭角道
土瓜灣至紅磡用全日275X解決
拉疏75X少少班次嘔幾架車出嚟
並聯合75A所有資源放落去275X度
好過搞條三不像兼好似開嚟同人爭地盤既75A出嚟

1、75A/75X 飛起龍翔道同富美街，得翻黃大仙總站同聯合道唔怕倒客落鐵？

2、富豪花園 <> 大埔一路都係得條一個鐘一班嘅 74A，
乙明 <> 大埔多條 72A 都淨係開 20/25/30，依家又有 79 分客，
紅巴真係會覺得呢班客重要到不惜要分拆 75X 去保呢啲位？

3、用 75A 代 85A 做沙田圍 <> 樂富、九龍城未免有點牽強，
75A 行大涌橋路，85A 行沙角街，兩者響沙田圍嘅覆蓋不一，
似乎難以令人相信 75A 足以取代 85A 響沙田圍嘅角色。

SE7378 發表於 2024-9-28 00:37
1、75A/75X 飛起龍翔道同富美街，得翻黃大仙總站同聯合道唔怕倒客落鐵？

2、富豪花園  大埔一路都係得條一 ...

1. 本身75X服務範圍就唔近鐵，黃大仙總站候車環境甚至舒服過龍翔道，所以黃大仙客影響應該唔太大；富美街變咗要行去聯合道就真係會倒客落鐵，因為行去樂富站仲近過行去樂謙樓

2. 樓主早前講過，拆75X嘅同時想改快埋74X/殺半條85A，剩返嘅85A第一城/廣源段就併入82X
所以拆75X嘅主要目的唔係做城河東<>大埔，而係為咗其他路線慳更多車

3. 沙角街來往樂富、九龍城已經大量倒落豚馬線
繼續提供75A比沙田圍，應該主要都係俾唔肯搭鐵嘅居民行去乙明邨站搭巴士？

kmb71k 發表於 2024-9-28 00:10
大埔人話知你五分鐘定十分鐘
只要條線要兜落沙田同停站
足以令佢哋全部去晒搭鐵

你依然貫徹你一路以來思維，以偏概全，非黑即白，淨係揀對自己有利論點來講

咁我又問你，今日 75X 兜鑽石山黃大仙，兜走晒九龍城土瓜灣客趕晒佢地落鐵未？

喺你心入面，淨係得「兜路」同「唔兜路」兩種可能性，好似唔會有層次分別，好似凡親兜路就一定趕客走，但明明原來 75A 仲快過 75X，甚至乎呢一刻我計到 75A 北行比 75X 仲要快足足十分鐘，你就視而不見

點解 75A 快過 75X 反而會倒客走，75X 就唔倒客，你講得通先算啦。你覺得 75A 兜落沙田會趕客係一件事，但問題係你論據本身就講唔通囉。上次你同我嘈 W3 又係咁，講到好似大埔往來高鐵站一定要用一條叫做 W3 既高鐵專線去做，用其他線做到相同功能都唔可以

根本呢個世界好多野就唔係二元對立，黑與白中間就有好多可能性。但你就覺得乜都係非黑即白，然後因為一件事你認定一定係黑或者白所以就一定點點點，於是咪搞到你堆論據前後矛盾囉

75A 係唔係兜本來係有空間討論，但我反對既係你論據同論證過程

至於你話咩不如 75X 改行木廠街然後 275X 全日，首先你問下自己，九龍城土瓜灣得咁多客，有無可能左攬 75X 右攬 275X 兩條全日線往來大埔？

然後 75X 咁行，叻極行車時間都只會同我條 75A 打和，然後 275X 呢一刻我按照九巴網站數據，計到兩個方向分別要 61.4 同 55.3 分，至低限度一轉時間比起我建議循環版 75X 唔使 90 分行完一轉，點都長唔少

我 75A+75X 兩條非繁開廿分班係預 14 部車夠做，你咁條淨係比而家短少少條 75X，再加一轉連休要 150-160 分既 275X，想用 14 部車跑，睇怕其中一條非繁應該都要開 25 甚至 30 分一班，你又制唔制？想做兩條廿分班就要比我個方案出多至少兩部車

行車時間縮短的確有助增加吸引力，但問題係一條線頭尾段無客，其實十次有起碼六、七次都係本身頭尾段唔夠客，就算畀你曉飛都好，新增客量都支持唔到全日線，因為本身就無咁多客要往來兩區。夠客做兩繁，亦唔代表夠客做全日

然後問左你至少兩次，你都係無答過：你咁搞法，74X 兜新蒲崗問題，你到底係咪諗住永世唔處理？定係叫人直接行去荷里活廣場就算？你大大方方話係架，叫人行路就算，都好過你而家咁樣避而不答


最基本問題你避而不答，好難有說服力囉

SE7378 發表於 2024-9-28 00:37
1、75A/75X 飛起龍翔道同富美街，得翻黃大仙總站同聯合道唔怕倒客落鐵？

2、富豪花園  大埔一路都係得條一 ...

如果打算直接叫新蒲崗客行去鑽石山搭車既話，75X 都仲可以考慮擺樂富唔做循環，時間唔會同循環方案差好多

用 75A 打返 B8 79 只係順手，從來唔係今次重組主要目的，行大涌橋路方便日後重組先係重點

另外沙角街本身就喺正條鐵隔離，停出面乙明邨可能仲好。反正停出面都仲係一條直路，但入一入沙角街已經有分別，純粹路過跨區線根本無理由入沙角街