建議重組 74X 75X，增設 75A 經獅隧及城河東往來九龍城

1181174166 發表於 2024-9-29 23:01
拆兩條20出嚟但係75A畀出嚟快嘅效果唔明顯，對大埔嚟嚟無必要拆
特別係依家仲有12分鐘，一嘢要落兩格

但今次其中一個前提係透過 75X 拆線代 74X 做新蒲崗回程，並唔係 75X 單純自拆咁簡單。觀塘區返大埔全日唔使再兜新蒲崗鑽石山，當中效益亦應該一併考慮

S3BL100 發表於 2024-9-29 23:32
但今次其中一個前提係透過 75X 拆線代 74X 做新蒲崗回程，並唔係 75X 單純自拆咁簡單。觀塘區返大埔全日 ...

唔拆係咪唔飛得起?74X抽一半班次直上隧道又是否不可行?
而且最大問題係拆線唔代表要兜沙田

始終75A紅土獅隧沙田路直上應該最快，比世運入彩虹道易搞

非常理解樓主今次呢盤數點計，所以我會咁問：

乙明已經有 79 B8 往來大埔，日後地區人士唔放手嘅位會唔會係埔公同工業邨？

1181174166 發表於 2024-9-30 01:36
唔拆係咪唔飛得起?74X抽一半班次直上隧道又是否不可行?
而且最大問題係拆線唔代表要兜沙田

明明觀塘到彩虹段人數遠超紅土至樂富兩倍，點解要為左紅土樂富段再快多五分鐘而留一半 74X 慢車？更何況抽一半班次直上隧道，74X 大部分時段見到慢車唔上上快車都會快過前一班慢車入隧道，但快車到時叻極都係三個字一班，然後慢車變成浪費資源燒油，效果相當唔理想

最初 74B 274X 分家果陣下繁都仲留十幾分一班 74X，而家都全部變晒 274X 了。想再進一步但又行返回頭路做一半唔做一半根本就唔可能

拆線當然唔代表要兜沙田，但反正都係快過今時今日 75X 兜黃大仙，我真係唔想放棄呢個難得方便日後其他路線重組既機會

流星☆雨 發表於 2024-9-30 02:50
非常理解樓主今次呢盤數點計，所以我會咁問：

乙明已經有 79 B8 往來大埔，日後地區人士唔放手嘅位會唔會 ...

我承認無法 100% 保證乙明邨到時唔會放手條 72A 去工業邨，但至低限度盡可能喺可以做到範圍內，減少日後重組阻力

反正如果 72A 74A 兩條只留一條，工業邨一段一定要留，又要（同 72 一齊）做埋沙中接駁線，沙乙博同美林大圍都只能二揀一。之前我諗過一個方案係 72A 74A 合併，工業邨經埔公，沙中/沙田站後經田園閣入大老山去九龍灣，咁就搞掂左沙乙博往返大埔問題

美林固然有半條 72，但睇返 72A 客量應該點都多過 74A 唔少，盤數都係；放棄美林至大圍一段，受影響人數估計點都多過沙乙博。有左 75A 後，都無乜需要棄美林大圍了，尤其是圍方開左之後就更加，72A 做緊地區接駁角色，亦未必咁容易放棄

況且如果留 72A 然後 74A 用另一個形式只做兩味，非繁都比起留 74A 斬 72A 出少兩部車

如果真係好大反對，可以 72A 大埔方向上繁所有班次跟返而家過兩次河，其餘班次就行返沙中果邊。但乙明邨同時有齊 75A 79 B8，72A 仲有幾多存在價值，大家都好清楚

S3BL100 發表於 2024-9-30 09:08
明明觀塘到彩虹段人數遠超紅土至樂富兩倍，點解要為左紅土樂富段再快多五分鐘而留一半 74X 慢車？更何況 ...

「為紅土快5分鐘而留一半74X」
問幾個問題唔係非黑即白全部啱或全部錯
留一半74X又何須拆75X?兩個alternative嚟，無需要一齊執行

樂謙樓->獅子山隧道 8分鐘
獅子山獅道->富豪花園 9分鐘
禾輋邨->廣福邨 11分鐘
車程係咪比沙田路只係多5分鐘，實際上停一支燈近兩分鐘，我會抱有疑問
全順燈都好，5分鐘未及吸引去做，班次上又抵消車程
而班次問題，又涉及74X一車不過75X
分拆74X理論上較合理，當然因應74B客量問題先講抽一半

撇除紅土，單係新蒲崗已經係純班次損失
即使74X客源多，75X亦比74A/85A多
紅土唔夠客，以上地方更唔夠客，變咗多數就少數

計數上用車數好似好啲，不過呢幾版不乏對路線需繞經沙田疑問，唔難預視地區反對


不再多作評論，間中都有版友回應，已經心中有數

S3BL100 發表於 2024-9-29 23:32
但今次其中一個前提係透過 75X 拆線代 74X 做新蒲崗回程，並唔係 75X 單純自拆咁簡單。觀塘區返大埔全日 ...

隱憂除了 75A 大埔唔肯兜沙田之外，鑽石山站由 74X + 75X 兩飛超密車，變成單吊 75X 循環回程。我怕鑽石山排 74X + 75X 的人龍會跌晒落 MTR，呢個位係同 MTR 直接對打，九巴一路以來都唔大搞 274X 可能就係因為呢一點。

74D 同 272X 例子見到大埔人對新界兜多一區係相當敏感。固然 75A 唔會慢過 75X 到聯合道同九龍城，但居民覺得兜沙田慢過飛晒吐公之後兜新蒲崗/鑽石山，一啲都唔出奇。

最後就係有營運上的疑問，75X 循環里數近 40 km，比起九巴最長循環線 287X 仲要長 10 km，當年 72X 大循環都被拉倒，75X 大循環唔易實行，尤其是吐露港公路以及大老山隧道的早繁塞車問題會令回程冇班次，可能要考慮做雙向路線泊黃大仙總站。

1181174166 發表於 2024-9-30 12:59
「為紅土快5分鐘而留一半74X」
問幾個問題唔係非黑即白全部啱或全部錯
留一半74X又何須拆75X?兩個alternat ...

係架，留一半 74X 唔改 75X 都係一個選擇架，但問題係效果真係好差囉

我就一定唔會為左唔搞 75X 或者為左遷就 275X 全日而搞到使用量多一大截既 74X 飛唔走新蒲崗鑽石山，後者就真係多數遷就少數啦

行大涌橋路比起直行沙田路到底慢幾多，我諗你可以參考一下呢一刻九巴網站數據，72X 獅隧收費廣場往廣福約 15 分。老實我最初見到只係慢 5 分都有少少驚訝，但我之後做左幾次同樣比較，得出條數都係差唔多

既然 75A 已經快過 75X，咩我要紅土大埔客遷就少數 74A 85A 客、多數遷就少數之說已經不能成立，至少唔係好似你果D為左少數人而鑽穿多數人一個大窿，要多數人行多幾個街口搭車然後變相趕客落地底、搞到喺 B2 版畀人圍住黎鬧既方案。新蒲崗都仲有得嘈下，但只要 74X 飛起新蒲崗，係一定要面對呢個問題，講到尾咪又係應唔應該要觀塘客兜多十分鐘遷就佢地，而呢個問題本版其實早有共識，大部分人都想飛起，問題只係點樣處理新蒲崗

都係果句，反正 75A 快過 75X，我唔想放棄呢個大好機會鋪路做其他重組

2076 發表於 2024-9-30 15:59
隱憂除了 75A 大埔唔肯兜沙田之外，鑽石山站由 74X + 75X 兩飛超密車，變成單吊 75X 循環回程。我怕鑽石 ...

我承認呢點可能係隱憂。但我又好有興趣想知，鑽石山回程乘客，到底有幾多係由新蒲崗行上去，又有幾多係由其他地區，例如港島東，搭鐵去鑽石山再轉 74X/75X 返大埔？

九巴現時里數最長循環線好似係 85M（有錯請指），但 85M 錦英苑至大隧口之間車程都只係比 75X 少幾分鐘。上繁的確會受吐露港同大老山塞車影響，但其他時間班次可能比起今日 75X 由九龍城碼頭開出來仲要穩定。反而如果 75X 唔做循環，新蒲崗全部客要行去鑽石山搭車，都會係問題

而下繁我係無搞過 74B，亦唔打算搞，至低限度最多人返大埔時間，鑽石山依然可以叫兩飛密車

點都好，只要 74X 回程飛起鑽石山同新蒲崗，呢個問題係一定要面對。我同意厹可能因為咁而無大搞 274X，但另一方面可能佢地自己都會擔心 74B 非繁客量就真。不過應唔應該做，講到尾都係到底能唔能夠做到利大於弊；而因為觀塘至彩虹段實在太多客，我個答案係肯定的

S3BL100 發表於 2024-9-30 21:46
係架，留一半 74X 唔改 75X 都係一個選擇架，但問題係效果真係好差囉

我就一定唔會為左唔搞 75X 或者為 ...

又嚟鱔稿式回覆
要鬧呢，班次避而不談，心照
內街走客係錯，75X拆線咪又係錯

所以呢個post，我已經多言
見到你一式一樣覆大埔版友已經冷笑

反正連區會都過唔到，尤你發夢闖關無妨