九巴72X延長路線

1181174166 發表於 2024-11-16 22:21
272E有排都未加到班
如果以272E改就唔係經白石角
去葵興芳亦因青沙，唔一定得大埔

青沙<>葵青，沙田240X客量都好過大埔條272P，
人哋班次多過你，客量又多過你，
玩大條240X都未輪到你大埔條272P。

tt777 發表於 2024-11-16 22:36
青沙葵青，沙田240X客量都好過大埔條272P，
玩大條240X都未輪到你大埔條272P。

如果240X玩大都好，葵芳有青沙，未吖嘛
有240X全日就無所謂，大埔去邊都重疊

而且唔打算好似272P咁入白石角，對大埔吸引多啲

1181174166 發表於 2024-11-16 22:21
如果以272E改就唔係經白石角
去葵興芳亦因青沙，唔一定得大埔

係87A轉287X變大循環線
沙田開出過青沙後先經佐敦（循環點），油麻地，旺角（包括柏景灣）最後大角咀後上青沙回程
原87A服務由86A/89B轉乘87B(出市區）；87B轉乘86A/89B(入沙田)代替🙄

4eyesryo 發表於 2024-11-16 22:52
係87A轉287X變大循環線
沙田開出過青沙後先經佐敦（循環點），油麻地，旺角（包括柏景灣）最後大角咀後上 ...

當然知287X由來、客量改善等等

係回應「得返邊個區無車落旺角」其實應該拎穗禾嚟講嘅

1181174166 發表於 2024-11-16 22:21
如果以272E改就唔係經白石角
去葵興芳亦因青沙，唔一定得大埔

我都無講過要 272E 加經白石角，實際亦無理由要經。反正只要 271A 改經大埔太和路、廣福同白石角做半全日，272E 直接維持原來走線已經可以，兩條都差唔多覆蓋晒成個大埔

反正 272E 仲有理由抽 72 72X 同 271 資源去做，但你要做葵興芳就已經無現成路線有足夠理據畀你咁樣抽資源

72 有少少水位減但唔代表可以因為 272E 而殺線，情況根本同 86C 286C 呢 pair 幾似，充其量係減落半粒鐘一班然後仲要諗埋大埔同埔公落沙田巿中心係咪有理由得返半粒鐘一班就算（唔想離題，但你明白當日點解我建議 74X 75X 重組會劃左條 75A 落一落沙田未？）

272X 你可以話本來應該以旺角為主菜，但首先就算飛起白石角都唔快得過 72X，其次白石角唔做都做左，旺角客觀效果亦的確無乜客。你咁鍾意做青沙落旺角，但問題係 287X 同 272X 行車時間、班次同收費差距，穗禾個少數乘客係完全無理由去到轉車站死等 272X 落旺角囉

除非你成條 72X 殺線，但可能嗎？

反正道路網計，落尖沙咀同深長荔都好做過落旺角。落一落大角咀呢件事已經改變唔到，W3 政治任務又無得唔做，落得大角咀就應該係跟 W3 271A 去到高鐵站再跟 271A 去尖沙咀就算，就算你話尖沙咀有 271 280X 都係咁話。唔好忘記 287X 本身就比起 280X 密好多，280X 亦做唔到尖西

但就因為你堅持一定要 272X 模式大角咀之後入旺角，明知大角咀客量唔多、旺角就算 72X 都唔係特別多客，就偏要鐘個頭埋去。於是條 W3 唔郁得，繼續要停大埔，一方面繼續同 272X 攬炒，另一方面亦鎖死左條本身客量麻麻 W3 唔可以用來轉營，飛起大埔但增加沙田覆蓋，強化區間特快功能

結論係因為你既堅持，搞到要付出好大代價

S3BL100 發表於 2024-11-17 00:13
我都無講過要 272E 加經白石角，實際亦無理由要經。反正只要 271A 改經大埔太和路、廣福同白石角做半全日 ...

272E 收得 $14.4 就唔好兜佢入白石角，盡力拉開同 72 的車程優勢先係正路。

反而 72X 上左富蝶，成個 picture 唔同晒，而 74、271A 都係完全出唔到客，271A 收費太低唔吸引，九巴大條道理 hea 做。不過富蝶呢個位又真係應該要諗點樣駁通青沙同老隧兩大轉車站，本身富亨亦都係乜都冇。

論改動較少，其實係 272E 上富蝶盡量掠水做全日，同 72X 同樣來往富蝶旺柏，聯合派車，九巴付出極少額外資源就可以搶返大埔來往深長荔的市場份額，270B 成功案例在前，272E 絕對唔需要擔心客量。72 其實只係一條埔公接駁 + 72A / 86 upgrade 路線，車都唔太需要抽佢，借大埔出深水埗分流後有剩餘空間接沙田客之名陰 86 仲開心。

而 272X 在同 72X 同價，兼有 W3 的情況下，借完大埔市過橋收 $11.1，大條道理縮去白石角做白石角邨巴自生自滅，想加班做好，就麻煩兜埋大學站用 272A / 272K 供車自給自足，272A 同 582 100% 重疊，根本好無謂。其實科學園大學站直達青沙去海達南昌應該有得做，亦都唔駛大執 86 系列，又可以收大埔價，符合九巴口味。新 272X 執執埋埋一堆餅碎，餓唔死都唔太差。

S3BL100 發表於 2024-11-17 00:13
我都無講過要 272E 加經白石角，實際亦無理由要經。反正只要 271A 改經大埔太和路、廣福同白石角做半全日 ...

我無講過你話272E入白石角，而係大埔要全日去葵青唔應該入，你混淆了
抽車亦唔需要現成路線


如果推動272E全日，我指出係72倒埋落去會更有效率啫
至於75A同72比較，睇返之前75A幾十頁，加埋服務重疊(72/272E vs 75A/新75X)、價錢差距，懶得又幾十頁啦不作評論
272E比270B條件差之下爭在幾耐先全日到啫

272X有兩個問題
1 出入旺角避大角咀可能性-跟701
2 不停白石角以取消72X(富蝶當拉埋上去)
我覺得係有趣議題

271A
尖沙咀280X唔算太好，271A行尖西當避開，都係懶得又幾十頁不作評論
如果大埔去西九係屎溝糖入白石角就唔使啦，叫人直接上271，反正都係兜

2076 發表於 2024-11-17 01:09
272E 收得 $14.4 就唔好兜佢入白石角，盡力拉開同 72 的車程優勢先係正路。

反而 72X 上左富蝶，成個 pi ...

272X縮白石角其實有得諗㗎，仲要你都提議272X入大學站、72陰86，呢度都可以踢走272A 3架車，86陰走1-2架車，甚至再抽272K一架車，直接用6架車做272X絕對可行，問題係點樣令272X可以有客，即使272X用雙向分段取代272A，一樣保證唔到出九龍嗰節有人坐

2076 發表於 2024-11-17 01:09
272E 收得 $14.4 就唔好兜佢入白石角，盡力拉開同 72 的車程優勢先係正路。

反而 72X 上左富蝶，成個 pi ...

我本身對 272X 直接縮白石角唔係好抗拒

但講返你個方案，272E 就咁拉上富蝶，其實唔係好理想；好似你咁太和擦邊、甚至停舊墟公園就當做左大埔中心，都好難過到骨

而且咁樣之後，大埔加白石角本來係 W3+272X 全日落青沙，變左 W3+272X+272E 三條，資源運用係咪真係咁有效率，值得商榷。我本身其中一個目標就係要 W3 最終唔需要畀大埔綁起，要繼續做高鐵站同大角咀固然係一件事，但新界段本身可以轉營做其他野

72X 拉上富蝶其實對富蝶要駁通青沙同大老山兩大轉車站 big picture 都未必有好大影響。大老山有條現成 74，我做法會同 271A 差唔多，將富蝶、大埔舊墟同白石角串埋一齊（但因為無 W3 包袱唔使落廣福邨）。不過問題係觀塘道流量，74 行緊商貿區。全日線想掟返出觀塘道，就要扯埋 74D 落水一齊玩。不過反正 74 系拆得太散，適當整合、減少分支數目，唔係壞事

1181174166 發表於 2024-11-17 01:39
我無講過你話272E入白石角，而係大埔要全日去葵青唔應該入，你混淆了
抽車亦唔需要現成路線

272X 本來唔應該落白石角係一件事，但做左收唔返，除非你好似 2076 版友整條白石角青沙專線

但我要強調 272E 做半全日前提下，271A 並唔存在迫大埔出西九兜白石角問題。反正富蝶本來無，就算好似 2076 版友個 idea 拉條 272E 上富蝶都好，唔兜齊太和同舊墟都好難旨意過到關，埋單唔會快過 271A 直行大埔太和路停廣福然後入一入白石角

而你好似都仲唔明白我咁樣搞 271A 到底係想做到咩效果，覺得可以由得其他路線繼續搞到個網絡支離破碎就算