建議 106 縮短至鰂魚涌, 106P全日, 116 改經東隧去北角番慈雲山

9977 發表於 2024-12-22 23:04
我想講係話西行近乎沒有載客，東行多客都係港島流水，真正過海客比較少。

東行柴斜部分，大約有半車都係 ...

你最初就係無講西行，但我要指出既係無論東行西行都係有唔少客，並非你所指沒有載客。
而且佢本身就係具過海+流水雙用途既路線，所謂一程三四水就係咁樣。
班次點會過密？我次次等106都黎幾架82+n架118都未有106。
月票乘客係唔會同你轉乘，本身已經要夾時段，仲要同你夾時段轉乘係不設實際，咁搞法106/P時段實更改嚴重影響本身月票客。
我指的流水客係維園炮北至太西筲沿線，的確102都做到，但同樣106都做好多，證明係有需求。
仲有非繁點樣紅土去東區有全日特快需求？你睇下106P下繁去九龍二車先講啦...

依家事實係116班次多106班次少，3-4分鐘有架其實只係116，106一般都要10-15分鐘先有，過於頻密的只係116，唔係兩線，唔好搞錯。

106116_1023 發表於 2024-12-23 00:19
你最初就係無講西行，但我要指出既係無論東行西行都係有唔少客，並非你所指沒有載客。
而且佢本身就係具過 ...

九巴月票不應會成為此次106/116重組既障礙。
因為在港島有月票既都應該係主要出入九龍/新界上班/居住既市民。而此次重組中，106X往返九龍的車程明顯加快丶108往寶馬山亦會增加班次及車程亦明顯加快。同時，616X亦為彩虹丶九龍灣新增特快往北角丶銅鑼灣的服務，方便在港島上班/居住並使用月票的乘客。
從新界東丶新界西出發的乘客可嘗試新的出行模式，以往乘搭673/961/968等線轉乘106往北角丶太古丶筲箕灣的乘客亦可乘搭其他九巴路線，例如 260X 往紅磡轉乘106X 丶 268C / 277X往彩虹轉乘 616X，從而前往目的地。

舉個極端搭車方法的例子：柴灣/小西灣的居民往銅鑼灣大可以乘搭118往紅隧轉車站轉乘往港島方向的108/112，所以靈活D 就可以了

9977 發表於 2024-12-23 01:10
九巴月票不應會成為此次106/116重組既障礙。因為在港島有月票既都應該係主要出入九龍/新界上班/居住既市民 ...

月票無限制一定要出入九龍新界，月票乘客都係乘客，影響到就真係影響到。
不論車程如何，非繁無需求既話就唔值得全日，而108從來都無人話需要加快。
九商、觀繞亦會塞車，仲要先經北角，出銅鑼灣比行紅隧慢。
新界東西已有678、960X、968X直出東商根本唔洗左轉右轉，非繁就無需求

其實106 116比應該116比106更好做
116車程短
而且大家認為無客既鰂魚涌
其實都有堆人會搭102 116過海

今時今日呢D時勢
要大改take既risk太大

9977 發表於 2024-12-22 23:48
有心者不怕難，110西行改快同118不經北角就係過去成功例子。但今時今日的成功率如何就係第二件事……
...

個問題係當年118改快都仲有110做替死鬼做電氣道

而家你106/116兩條客量都唔係細

就算客跌都係唔細

你可以掉堆客去邊?你個方案寫107/108

107你掉得到但條線連銅鑼灣市中心都唔入, 倒落108即係話成舊客送畀對家

116上路客量唔係差既情況下, 紅巴肯黃巴都唔會肯


仲有, 106P早繁北行派12.8都未識坐滿既時候

憑咩繁忙時間開7-12, 非繁10-15分班?

個建議寫要116改做慈雲山開，行東隧過港島之後大循環去到銅鑼灣行紅隧返九龍，點處理班次穩定性

qunow 發表於 2024-12-25 00:38
個建議寫要116改做慈雲山開，行東隧過港島之後大循環去到銅鑼灣行紅隧返九龍，點處理班次穩定性 ...

樓主那個慈雲山冇乜人坐去鰂魚涌係偽命題

完美忽視上路過海（包括銅鑼灣北角鰂魚涌）的客源而刻意只提慈鰂然後介定冇人坐，所以要用行東隧去健康（仲完滿 cut 晒鰂魚涌段後叫人東隧轉 608 613 呢啲非繁疏到震嘅車）

106X 改行上路去代替 116
上路去銅炮北都冇晒
上下路唔係個個站好似浙江街咁距離唔遠遠
唔理解呢個補償的好處在哪

cky 發表於 2024-12-25 21:26
樓主那個慈雲山冇乜人坐去鰂魚涌係偽命題

完美忽視上路過海（包括銅鑼灣北角鰂魚涌）的客源而刻意只提慈 ...

慈雲山去鰂魚涌的乘客客觀上係有人既，我Plan緊這個重組時都有考慮過。我只係覺得佢哋會接受比宜家116快，即係搭616X去東隧轉608/613 丶甚至版友所講既606或者682。因為這個方法其實同喺慈雲山駁小巴去鑽石山搭港鐵，到鰂魚涌嘅時間應該差不多。

其實，宜家建議嘅106X ，九龍區總站絕對可以改為延長至慈雲山（中），但我會建議佢係鳳德邨果邊上山會比較直接。

往小西灣方向改為在 慈雲山（中）開出，停以下的巴士站
慈雲山（中）        
慈正邨正暉樓
慈正邨正康樓
德愛中學
蒲崗村道公園
硃鳳樓
鑽石山鳳鑽苑
彩虹道遊樂場，在彩虹道返回原線

往慈雲山方向在彩虹道，改為停靠以下的巴士站
天主教伍華中學        
東頭邨泰東樓        
黃大仙警署
富祐大廈        
蒲慈里        
蒲蘅里        
德愛中學        
慈民邨
慈安苑        
慈正邨正暉樓
慈雲山（中）


但係拉106X上山後，回程就幾乎會同116重疊，同埋無得慳車
——————
其實106X經馬頭圍道，係想試下馬頭圍道去港島東的需求，因為馬頭圍道往返港島西有101同111，兩者在馬頭圍道客量都不過不失，所以估計上路去港島東都有需求。