觀塘線同荃灣線今非昔比

觀塘線未到收車時間已經7分鐘一班
去到太子轉車送車尾又要等多6分鐘
仲話鼓勵夜繽紛開咁疏

變成地獄3號線

以港島綫金鐘站做標準, 繁忙時間班班車都上吾到港鐵都認為未超負荷無問題, 其他車站一班車上得晒月台啲人, 班次係足夠有突! 迫? Sorry無數據!

HU6455 發表於 2025-2-14 16:42
以港島綫金鐘站做標準, 繁忙時間班班車都上吾到港鐵都認為未超負荷無問題, 其他車站一班車上得晒月台啲人,  ...

再唔係咪loop番早幾年啲artist嘅錄音囉
等多班車啦傻__

紅綠兩線星期四晚間非繁係5分鐘一班，太子綠轉紅一般可以無縫轉車。
你個case似係綠線下行上一班車早開 > 綠線你搭嗰班大遲到 > 紅線你搭嗰班遲少少。
綠線晚間非繁真係成日出現班次不穩case，一時可以早成分幾兩分鐘，又有時遲成兩分鐘以上。
相比紅線晚間非繁班次多數較穩定。

不過飯後散場時段（9點至10點半）係麻煩少少，無論巴士定地鐵，都出現下繁後另一客流高峰。
只係公司班次安排上唔會考慮有咁個peak，甚至比啱啱下繁後疏車，依樣疫前就已經係咁。
就算班次好彩同下繁後一樣，9點至10點半一般好客過7點半至9點時段。
紅綠兩線一至四晚7點半到8點半先減到3.5分鐘一班，8點半後再收到5分鐘，但一收到5分鐘時段冇耐又多人返。

利申：5分鐘時段常客，九龍塘綠線下行逢1、6字尾到站，太子綠轉紅兩線逢5、0字尾到站。

TA7343@N241 發表於 2025-2-14 18:48
紅綠兩線星期四晚間非繁係5分鐘一班，太子綠轉紅一般可以無縫轉車。
你個case似係綠線下行上一班車早開 >  ...

而家好似荃灣綫觀塘綫七點半至八點半係3.5分鐘一班
觀塘綫下行九點幾班次不穩似乎係3.5>5個收車次序有問題
上下繁後全黃埔車，然後到何文田就塞入站同等上一班車返黎，每班車遲多2分鐘，個問題好似無解決過🤭

不過發覺何文田個signal好似效率好低
唔知係咪防overrun，何文田出站去黃埔要無上行車開緊返黎先畀下行車入站，但係就得下行車，又到黃埔開出黎嘅上行車要去到中間停低或黃埔hold，等架後車停正開門後先轉岔繼續行
咁玩法基本上上行實遲到，如果撞正收車時段唔夠turnaround就連下轉下行都遲埋，只係係因為上一單下行塞入何文田定係因為黃埔開車/開車後要等後車埋何文田 (或者兩者同時發生🤭)