Flight Report CX255 爾雅商務艙 HKG-LHR 04-02-2025

喺香港玩咗大約兩個星期之後，小弟終於要返英國。本身小弟喺出發前半年用亞洲萬里通換咗CX253嘅商務艙機票，但係臨出發前幾日見到CX255會用爾雅商務艙嘅77W， 小弟就決定改簽CX255
飛行日期：04-02-2025
座位：20K
機型: B777-300ER
註冊號: B-KQH
飛行時間：14小時50分鐘
ETD: 23:35, ATD: 23:31 (GMT +8)
ETA: 06:20, ATA: 06:21 (GMT)

到咗機場之後時間尚早，所以小弟決定去65號閘口隔離嘅玉衡堂。
正值農曆新年貴賓室門口都放咗一大盆桃花。






一行入去就係自助餐區，呢度提供各種熱食，沙律同埋cold cuts


再行入去，你就會見到酒吧，小弟就叫咗杯 Cathay Delight (AKA 國泰碧玉)

Cheers to a great flight ahead.


再入去就見到國泰貴賓室招牌嘅Noodle Bar


小弟就試咗佢哋嘅擔擔麵、燒賣同埋燒味雙拼。特別欣賞佢燒肉個皮好脆。
擔擔麵唔知係咪國泰特色，佢哋個湯都做得好杰， 有少少似撈麵嘅感覺，但係反而小弟比較鍾意。



再行入去就係Teahouse 茗茶坊， 入面有茶藝師幫你沖茶(茶葉係Jing嘅產品)



另外有啲點心同埋能量果汁。

貴賓室有淋浴間，都多人要排隊。

沐浴用品就由Bamford提供
順帶一提，小弟沖完涼發現有幾隻蚊喺淋浴間入邊。 之後都同職員反映番呢個問題，佢哋就話天氣熱返，所以就多咗啲蚊。
後來CX255終於有閘口資料，嗰晚班機用1號閘。 換言知小弟就要山長水遠由65號閘行返去1號閘。於是小弟決定早少少行去Borading Gate

行去閘口途中見到漢莎嘅A340-600

翻新緊嘅The Bridge 逸連堂。


今次載小弟返倫敦嘅B-KQH，2013年機，本身有頭等，不過翻新嘅時候拆左。 順帶一提，頭幾架國泰翻新嘅77W 都係本身有頭等嘅。
Flight loeading:
J: 45/45
Y+: 32/48
Y: 182/268

小弟嘅座位20K，終於都體驗到爾雅商務艙實物。同上一代商務艙唔同， 今次呢張凳Collins Aerospace生產，唔係之前嘅 Zodiac Aerosapce (已被Safran收購)

坐落感覺上窄咗少少，但係可以接受。 同上一代商務艙比較最大嘅分別係加裝左一道趟門， 道門係滑行，起飛同降落期間要保持開啟並由空中服務員鎖上。起飛後，佢哋就會解鎖返。


娛樂系統亦都換上24 吋 4K Mon， 另外亦支援藍牙耳機連接。 座椅除咗提供無線叉電(電話殼太厚嘅話未必感應到)，亦設有一個插座，2個Type C 同1個 USB 接口。 乘客亦都可以喺螢幕上知道洗手間嘅使用狀況。

櫃桶入邊亦都配備左一支Evian水同埋過夜包，另外仲有耳機


過夜包就由Bamford提供

扶手要好大力先至可以拉高或者放低，小弟初頭以為佢爛咗。


翻新咗嘅77W係機頭放置咗一幅藝術作品。




今次航班嘅餐單及飲品單

航班係23:31離開閘口並且喺23:53起飛。 起飛後大約空中服務員走過來點餐另外亦都再次確認我之前喺網上選餐嘅選項。

主菜: 油封羊肩配香料肉汁及小麥沙律。羊肩炆得好淋同埋唔騷，賣相得體。

食完主菜之後，空中服務員走嚟問需唔需要甜品。小弟於是揀咗個薑汁奶凍。奶凍甜甜地辣辣地，食落真係有啲似薑汁撞奶。


食完飯冇耐小弟就將座椅設置成Bed Mode 鋪床瞓覺。呢張凳唔係完全平躺，有一兩度升起，但係瞓落嘅時候唔係好覺。

瞓咗大概八個鐘頭之後小弟醒咗，但係又未夠鐘派早餐，於是小弟叫咗兩個蛋撻。 蛋撻係即叫即整新鮮整熱。

降落前大概個半鐘頭兩個鐘頭，機艙服務員 就開始派早餐，早餐有五個選項， 我就揀咗西式早餐。

派完早餐之後，Cabin Crew就開始Landing Check，將趟門鎖上同確保手枕已經降下。航班係06:15 touch down 並且係06:21到閘口。

上次在PP體驗過, 平躺都係鍾意A350產品多D