邊境線最近收視有所轉變

福田地理位置太好，對岸兩線地鐵，仲要係一線直達深圳北站呢個重要車站，老九喺北環線通車前真係未驚過

GD1570 發表於 2025-2-23 09:36
深圳北站嚟講呢，
其實西九龍站去深圳北站20分鐘左右，計埋開車前要45分鐘入站，都係60分鐘。
重點係唔駛 ...

但新界東、西居民根本唔會用西九龍嘛

dennis28a 發表於 2025-2-23 12:22
睇吓你最終起點係邊，
本身屯門要去到福田再上長途車，
真係隨時跳上 260X 去西九龍搭都無咁把火。

問題係西九龍中長途車唔夠深圳北密，價又貴一截

我坐B1由元朗起步到落馬洲20分，同樣我用月票落柯士甸都係20分，B1仲貴過月票，但我都唔會用西九龍。
福田係北上過深圳海關機要行10分鐘，兩邊出入境條隊其實夾埋都係10分鐘內做晒，成個過關過程預20分鐘。

之後比多5蚊深圳黨鐵預15分鐘就到深圳北，我到深圳北即係全程大約55分鐘。
當然，你可以話深圳北上車前30分要入站，再多埋呢個數上去，都係85分。

相反，若果我去柯士甸，20分加45分鐘前要入閘，即係65分，再外加大約15-20分鐘車程先到深圳北，已經100-105分。

未計算西九龍至深圳北呢段比兩邊割韭菜收費。

siupy 發表於 2025-2-23 14:43
高鐵搭短途當然係韭菜價
但中長途的差距就無咁明顯
深圳北去長沙南RMB421.5

都差200+一位，二人同行，400蚊夠晒由香港關口坐的士去九龍

Ricky403 發表於 2025-2-23 18:41
其實實際上唔多人一路搭到去深圳北
4號線福田口岸上車，福民已經落1/3~1/2，會展中心再落埋1/3~1/2，遠少 ...

皇崗好視乎新口岸點樣，繼續鬆章比黃巴士保留跑狗，定比開新B線
其實深業上城都好多香港人去，10號線獨家，所以北環線未通車之前B1都係生金蛋。

FBI2 發表於 2025-2-23 20:12
3號線去鬼到關口,去深業上城一定係10號線.

不過,10號線客量極差,非繁長期接近10分鐘一班,仲要抽車接近全 ...

而家非繁忙時間係6分一班，同對面豚馬班次一樣，客量亦唔算差喎

GD1570 發表於 2025-2-23 22:02
淨係搭深圳地鐵要搬過篋上去過安檢依吓我已經寧願畀韭菜價啦...

都仲未計過福田人多到過安檢機又係要轉 ...

2個人400，夠我來回坐綠的+深圳call車，都仲有找。
仲要2等已經差400，一等甚至商務座價格差仲大。

某程度上呢個韭菜價差，亦係W車做唔起原因。

Ricky403 發表於 2025-2-23 22:05
同4號線福田口岸個收視就無得比啦
10號線好多時得車尾對正扶手電梯嗰卡企人埋福田口岸
4號線講緊六卡入面 ...

始終兩條線分流，差好遠，而且10號線可以轉到11號線快速去深圳機場，我見過有人坐ANA飛深圳班機，然後坐11號線轉10號線去福田過關返香港

violet 發表於 2025-2-24 18:16
2014年開始安檢

飲過嘅水先要獨立過機，未飲過唔駛拎出黎