邊境線最近收視有所轉變

ccchhhuuunnn 發表於 2025-2-18 00:44
東鐵大鑊過B1
所以上面已經提出會唔會新皇崗-新界東巴士要唔要「讓賽」
如果有新皇崗至元朗巴士，道義上 ...

睇初步設計，巴士落車，上一次扶手電梯，包埋過關行200米，落一到兩次扶手電梯，就到7號線

B1衰就衰在肯定有接近完全平行既路線

東鐵保唔保到，我傾向保唔到，為保鐵限制新東皇崗口岸線，等於限制兩地交流，睇下邊個敢食呢隻鑊落肚
（皇崗開張時設計容量就係每日二十萬人次，長遠係四十萬，一個關頂七個關，特登唔用盡佢真係可大可小）
港鐵宜家仲唔快快手手搞掂北環線支線，真係要送晒D客先知死咩

仲有成個關都由深圳出錢起，港鐵完全無理由收"口岸稅"，直接衝擊成個過境票價體系
（其實港鐵死拖都無用，穗深同20號線將來拉去新皇崗，到時就算限住專利唔比做，非專都會大爆發，我都唔係好明點解已經水浸眼眉仲有咁多人死抱之前果套，宜家再唔調整過境票價，唔洗幾年港鐵食焦了）

dennis28a 發表於 2025-2-18 00:56
我指 B7 B8 都搞到 B1 跌左一轉客。

B7 B8 都跌左一轉客 << 出現喺同一句, 當中冇任何標點符號
正常人都會理解為呢2條線跌左一轉客而唔係 B1
你識唔識架 ?

LRT1027 發表於 2025-2-18 01:02
B7 B8 都跌左一轉客

其實都講左 Cut and Paste 打漏幾個字，又唔係無解畫。

Toz 發表於 2025-2-18 00:59
睇初步設計，巴士落車，上一次扶手電梯，包埋過關行200米，落一到兩次扶手電梯，就到7號線

B1衰就衰在肯 ...

就算要保都唔使明目張膽嘅
（暫時）B線唔會開到獅子山以南即係仲有香港九龍墊底，唔會死得太慘嘅
不過有機會唔會好似B7/8咁路過上水至大圍站東鐵沿線比人駁鐵

ccchhhuuunnn 發表於 2025-2-18 01:07
就算要保都唔使明目張膽嘅
（暫時）B線唔會開到獅子山以南即係仲有香港九龍墊底，唔會死得太慘嘅
不過有 ...

無B線東鐵都唔會夠跑狗爭，跑狗去新皇崗同東鐵去落馬洲／羅湖價錢差唔多，但更快更舒服

宜家睇跑狗過關轉7號線真係未必慢過南昌站東涌線轉屯馬線幾多

B1 係咪應該要開返 天恩特車 出嚟呢？
家下 276B 儲到堆轉車客返黎
另外 B1 六日假期都特登開短途班次
清一清皇巴站既客

dennis28a 發表於 2025-2-18 00:12
你係咪當元朗國班國民係死既？
知唔知 B2 去深圳灣轉深圳地鐵要幾耐先返到去福田？
...

你睇清楚先回啦 我係講緊B1堆轉乘呀  關元朗國民咩事

Toz 發表於 2025-2-18 01:09
無B線東鐵都唔會夠跑狗爭，跑狗去新皇崗同東鐵去落馬洲／羅湖價錢差唔多，但更快更舒服

宜家睇跑狗過關轉 ...

如果「過境額外費」減價，東鐵同馬鐵本地服務會加價。

更何況，蓮塘開左，東鐵江湖地位係咪動搖到減價先？
班深圳居民咪又係日日一車車羅湖落馬洲車落黎，佢地其實好怕轉巴士。

Toz 發表於 2025-2-18 01:09
無B線東鐵都唔會夠跑狗爭，跑狗去新皇崗同東鐵去落馬洲／羅湖價錢差唔多，但更快更舒服

宜家睇跑狗過關轉 ...

跑狗限時限刻限站
大區大站搭跑狗自然爽，但唔係度度都係
而且唔知新皇崗會唔會將跑狗重新洗牌

dennis28a 發表於 2025-2-18 01:15
如果「過境額外費」減價，東鐵同馬鐵本地服務會加價。

更何況，蓮塘開左，東鐵江湖地位係咪動搖到減價先 ...

鐵路過境擺明佛系
預咗多隻香爐多隻鬼但點會主動同你減價
淨係篤中羅湖市中心同東鐵過海都夠咬老本咬成世