二元乘車優惠計劃及公共交通費用補貼計劃調整方案

nokia 發表於 2025-2-24 00:46
深圳地鐵負擔是因為免費長者乘車？

知唔知深圳地鐵起緊幾多個新地鐵線/站？

咁佢交通業務都係蝕錢喎

本身就係靠車站物業條水去養住D交通服務
同香港玩法一樣用房地產去支持交通服務

王仔 發表於 2025-2-24 09:25
我估最終睇下最後個做法係點先知。其實八達通可以做線上同離線, 會唔會有野影響左個計法都話唔定。 ...

八達通公司已經正式講過﹐按次﹑按價錢﹐完全無技術性問題。
最重要係政府confirm係要點做(即係政策點改)﹐同埋要有合理時間去改程式(包括所有收費器)。


link:

八達通卡高層親向《香港01》掃除技術「疑團」，表明不論限額或限次都可透過改八達通機設定，令八達通卡記載乘車次數或金額，無須靠網絡才做到，一超出上限便以正常車資計算，「如果第日數據返嚟你先行得到，咁無意思啦」，餘額亦可實時拍卡查閱。設限適用於所有交通工具，重點都是靠八達通卡儲存新設定處理。

kay 發表於 2025-2-23 08:30
咁政府主要收入係賣地
地又賣唔到又可以點搞

咁真係喎
60-64歲果班佔開支一半

GM 發表於 2025-2-24 10:56
咁真係喎
60-64歲果班佔開支一半

政策係咁樣

60-64歲搭巴士，現金和八達通就係全費
現在有2元乘車優惠
如乘搭978
27. 5-2=25.5元（政府需補貼）

GM 發表於 2025-2-24 10:56
咁真係喎
60-64歲果班佔開支一半

結果D政情版又吹淡風

不過又話驚出街個日搶晒風頭
寧願早幾日劇透

kay 發表於 2025-2-24 15:29
結果D政情版又吹淡風

不過又話驚出街個日搶晒風頭

應該唔難預測為左幾億去郁全世界肯定多人嘈

膠袋稅都收唔掂啦

violet 發表於 2025-2-23 10:35
最好做法就係強制公共交通工具自資搞長者/殘疾$2優惠，同埋自資恢復學生半價
...

你最多可以強制人地唔做生意，唔可以強制人地做蝕本生意

西九小確幸 發表於 2025-2-24 04:48
住聯和墟去那打素睇病？？？唔搭73B咪火車轉2次囉 跟住夜晚乖soon約出黎名都食飯 8程 completed
...

閣下上一篇文明明係用自己例子：
「小弟我返工車駁鐵再駁車，來回已經6次，如果夜晚再出街都8次啦」


咁無喇喇做乜又拋個「住聯和墟去那打素睇病」的人？
就俾你有個住聯和墟真係有個要去那打素睇病的人
星期一至星期日都要搭六程車來回兩地？


仲有乜 soon 仔約食飯咁無理頭
明知老人家要日日出入醫院仲要佢坐車出去同佢食飯
而唔係盡番少少孝道
唔好要老人家咁勞碌
要日日食飯咪就佢晌佢屋企附近、等佢唔駛要次次坐車出出入入啦
係今日去沙田聽日去中環後日去小西灣？


又舉埋一啲奇怪例子，咁同日日要良景去黃石碼頭有乜分別？

好多議員啲意見都係話要巴士公司返落車機拍卡回贈，
其實依家都有一部份地區設有依啲回贈機，
有啲路線甚至可以喺車上拍卡回贈，
但實際又有幾多兩蚊客會咁樣做呢？

再講落去，長車短搭本身就唔鼓勵，
係嘅話啲長車路線一早都可以設埋區內回贈(例如960、961)，
巴士公司唔係無入紙申請，但最後都唔批，點解呢...

GD1570 發表於 2025-2-25 11:31
好多議員啲意見都係話要巴士公司返落車機拍卡回贈，
其實依家都有一部份地區設有依啲回贈機，
有啲路線甚至 ...

我唔係太信班議員係精叻﹐想借勢去推更多路線有雙向分段﹐益下正價用家。

但係﹐你(議員)精叻時﹐佢(巴士公司)都唔笨﹐點會咁易肯同你攪雙向分段。