點解中國高鐵無新幹線嘅兩個唔同班次連結安排

中國高鐵有好多分岔路線，有不少班次都有重疊的路段，
例如北京到廣州及北京到張家界嘅高鐵，至少在北京與長沙之間一千多公里的路段是重疊，
點解中國高鐵無類似日本秋田新幹線嘅安排，在長沙站拼結或分開，
如果有唔同班次連結，就無需分開兩個不同車次在2個不同時間行駛，而是在同一個時間開一列前往兩個不同目的地列車，到某個站點分開各走各路，
這樣可以增加空檔安排更多不同目的地的高鐵運行

因為路線繁忙，例如京滬要搞出第十七卡。而且呢啲車站月台資源都緊張，你拆裝一次連埋開車間距起碼搞15-20分鐘。月台緊張亦係要轉凳嘅車次（例如香港去廈深、江湛嘅車次少）嘅原因。

調轉諗，萬一要合返埋嘅時候，其中一邊delay的話，咁應該等定唔等？

CR400AF-1006 發表於 2025-3-7 12:06
調轉諗，萬一要合返埋嘅時候，其中一邊delay的話，咁應該等定唔等？

我試過因東北新幹線大停駛半日，復駛後E6系入秋田單線慢路快唔起，時間表一亂就救唔返，架南行E5喺盛岡等架E6等咗45分鐘。

国鐵唔係JR，唔夠料玩5分鐘併結/解結

內地過去多年用基建谷經濟，線路運力唔夠嘅首選梗係起新線

巴士的膠 發表於 2025-3-7 01:33
因為路線繁忙，例如京滬要搞出第十七卡。而且呢啲車站月台資源都緊張，你拆裝一次連埋開車間距起碼搞15-20 ...

中途併結嘅最大原因，正正係主幹太繁忙又要加車，
咪搵D短編成/無咁多客嘅班次去併。
例如兩班八卡响主線併做一班十六卡重聯，
咁主線咪有空間加多班車，而原有嘅目的地又繼續有直達車


真係要加卡拆卡，一般做法係去到無咁繁忙嘅站先至拆。
調番轉支線入番繁忙嘅主線，主線都係預一個slot俾抽車行。
所以都係响無咁繁忙嘅線一早二合一。

CR400AF-1006 發表於 2025-3-7 04:06
調轉諗，萬一要合返埋嘅時候，其中一邊delay的話，咁應該等定唔等？

應該係問點樣先至會等？

正常列車嘅delay大過預先設定嘅buffer，
除佐行預先設定嘅protocol外，控制中心都要run過運行圖。

咁响併結嘅case，最起碼要另外諗：
等的話，等待嘅列車响月台會唔會影響其他列車嘅運作呢？
（或者諗點樣等法會減低影響呢？）

唔等的話，遲佐果抽車會佔用原本已嚴重延誤路段嘅月台/軌道，
咁樣會唔會令delay惡化呢？
如果呢抽車去到目的地係另有任務，架車唔行到尾嘅knock on effect會唔會比遲到更大呢？

內地唔行clock face scheduling，行併結去騰空軌道空間係比行clock face scheduling嘅地區複雜N倍

啱啱諗到一樣野：正常併結列車係會編埋邊抽行先邊抽殿後。
如果其中一班遲佐都照等，正路係維持原有嘅先後次序。
因為調轉佐之後再執都係咁煩。

唔知有冇人試過併結列車嘅先後次序會調轉佐呢？

s3n370 發表於 2025-3-8 16:20
中途併結嘅最大原因，正正係主幹太繁忙又要加車，
咪搵D短編成/無咁多客嘅班次去併。
例如兩班八卡响主線 ...

咁呢個国內係叫你轉車。因為日本基本上都有各停嘅列車包底，而国內就算俾人叫站站樂嘅高鐵都未必停哂。即係某一部分車可以直上主線，覆蓋面都唔會多幾多，只係多咗空間俾地方充值啲「含金量高」嘅車次。

另外回埋另一個問題，假如你得返半抽車行先，咁全對號入座下俾唔俾班客上車？點檢票？