有議員建議大欖隧道巴士線減價

GK9509@39A 發表於 2025-3-28 20:21
車資等級表限制巴士車資不得高於某數字，但巴士佬減價係無限制

過左海未神仙，依家都冇非空調巴士咁仲唔用個冷氣豪華巴士既收費等級表?
如果當年跟冷氣豪華巴士個等級收盡會咁易全冷? 當年全冷都係跟非空調巴士個等級去加一個百分比，講緊90年代初係要將空調巴訂單唔裝空調當普通巴士行，但到90年代尾根本就再冇買過非空調巴士

shakugan2005 發表於 2025-3-28 20:28
過左海未神仙，依家都冇非空調巴士咁仲唔用個冷氣豪華巴士既收費等級表?
如果當年跟冷氣豪華巴士個等級收 ...

無錯，根本就唔可以忽略現存嘅車費等級表，係經歷過熱狗轉冷馬呢個事實
本身熱狗個車費等級表係合理嘅，但初期加冷定價係貴到超出市民接受範圍，現存嘅車費等級表就係承襲咗當年嘅尊貴冷氣巴收費
不過搞下搞下大家就淡忘咗歷史，連巴士迷都以為巴士公司拎住呢個車費等級表嚟收錢係「合理」
拎返2011年嘅九巴車費等級表出嚟 (https://www.gld.gov.hk/egazette/pdf/20111517/cgn201115172594.pdf)，用新界線做對比，可以見到冷氣巴士價錢根本係天價，特別係中距離嘅路線

公里數	熱狗價	冷馬價
3	2.5	3.7	+48%
5	2.9	5.2	+79%
9	3.3	7.3	+121%
12	3.9	8.4	+115%
15	4.6	9.4	+104%
18	5.2	10.5	+102%
23	5.8	N/A
27	6.6	N/A
31	7.4	N/A
35	8	14.1	+76%
39	8.6	N/A
43	9.4	N/A
47	10.6	17.2	+62%
65	11.6	18.8	+62%

Ohm 發表於 2025-3-28 23:21
無錯，根本就唔可以忽略現存嘅車費等級表，係經歷過熱狗轉冷馬呢個事實
本身熱狗個車費等級表係合理嘅，但 ...

根本上水出九龍嘅路線係用咗「冷氣豪華巴士」嚟計算收費，但係屯門出九龍嘅巴士路線就係「熱狗」價×1.3，加上現時「冷馬」嘅「九龍市區及新界線」嘅收費區間比以往熱狗車仲要大，所以就令到北區路線會貴過屯門（絕非因為途經收費隧道所致）

長遠嚟講，應該利用2027年九巴續牌嘅時候，重新制定冷馬「九龍市區及新界」線嘅收費等級表，跟返以往「九龍市區路線」、「九龍市區特快路線」、「新界市區路線」、「新界特快路線」及「新界郊區路線」嘅收費基準。

shakugan2005 發表於 2025-3-28 20:20
個車費等級表有等於冇，所以當年一行大欖隧道堆線急急腳全冷扮係改道減價，其實只係當時同一等級全冷既減 ...

你係咪有啲啲誤會？
除咗本身全冷嘅968真係因為里數少咗而減價之外，幾時有話過或扮過因改道而減價？
佢改道完個里數冇跌落下一格或者跌落下一格但個最高收費唔爆咪冇因改道而減價，而淨係因為全冷而減價269C唔使兜吐露港咪一樣同一格冇減過
唔好次次自己幻想就當事實好冇？

shakugan2005 發表於 2025-3-28 20:28
過左海未神仙，依家都冇非空調巴士咁仲唔用個冷氣豪華巴士既收費等級表?
如果當年跟冷氣豪華巴士個等級收 ...

而家每項路線等級只有一個收費表，每個收費表均獨立設有按里程收費上限，並不存在冷氣巴士及冷氣豪華巴士之間收費上限差別

TYChow 發表於 2025-3-29 00:02
根本上水出九龍嘅路線係用咗「冷氣豪華巴士」嚟計算收費，但係屯門出九龍嘅巴士路線就係「熱狗」價×1.3 ...

62X全冷跟259D收14.5已經話你聽冇x1.3 冇冷氣豪華巴士呢樣嘢接近廿年，x1.25同x1.3只係全冷初至中期為過區佬嘅甜頭，後期冷熱全冷冇減價呢樣嘢，佢冷熱時個冷馬價本身收得貴就貴。93K 5.8/8.1貴足四成直接全冷8.1唔通又係冷氣豪華巴士線？277X如果唔係70X全冷同日開線的話，應該同62X/259D命運一樣收咗14.5開線。咸豐年代已經處理咗，就係直接當你冇到，仲講咩2027年？

ccchhhuuunnn 發表於 2025-3-29 01:15
你係咪有啲啲誤會？
除咗本身全冷嘅968真係因為里數少咗而減價之外，幾時有話過或扮過因改道而減價？
佢改 ...

可能你有啲誤會，64m/68m/68x/69m/69x改行大欖隧道後冇減價? 不過係同一時間全冷之麻，如果唔同一時間全冷，縮短埋既69x根本就唔夠里數去收返改道前個非空調收費

GK9509@39A 發表於 2025-3-29 01:19
而家每項路線等級只有一個收費表，每個收費表均獨立設有按里程收費上限，並不存在冷氣巴士及冷氣豪華巴士 ...

都話個問題係冷氣巴士全部都係豪華巴士，本身收費上限設定係非空調既一倍左右，90年代尾至2000年代初只係巴士公司用非空調收費既30%去引人落搭，到2008年後就變到本身收幾多就幾多，仲嫌以前d歷史路線收得平想陰乾佢開貴價新線，而新線個價冇上到冷氣豪華巴士個limit連巴士迷都覺得係合理

shakugan2005 發表於 2025-3-29 06:43
都話個問題係冷氣巴士全部都係豪華巴士，本身收費上限設定係非空調既一倍左右，90年代尾至2000年代初只係 ...

專營巴士票價寫得好清楚，明買明賣嫌貴真係可以搭其他交通工具

都係嗰句 之前欖隧收咁貴都冇收貴到 係由全港分擔 而家憑咩減