點解港鐵車站d Design咁old school?

自從機鐵通車後，近年港鐵d新車站設計太過old school，特別係絕大部分地底車站。已經比唔上大陸同其他國家嘅車站design。點解佢哋死都要用焗漆版同紙皮石，又唔肯盡量整到個站豪華d同樓底高，或者用其他物料?

整到個站豪華啲係咪你比錢先，如果唔係邊個負責出錢？

近年比較豪華應該係金鐘站
個中庭幾有商場feel

clivetock 發表於 2025-4-2 11:47
整到個站豪華啲係咪你比錢先，如果唔係邊個負責出錢？

我唔係呢個意思，我既意思係，點解港鐵係1998-00年代初個陣車站設計得好靚，但到後期就設計得Old school（除左金鐘站擴建部分）。

你都識講地底車站，咁要有位起先得㗎
當京港都起到符合你所描述嘅大堂同月台嗰陣，根本唔係龜無技術或者insight，而係香港地底無咁好嘅條件

Ricky403 發表於 2025-4-2 14:38
你都識講地底車站，咁要有位起先得㗎
當京港都起到符合你所描述嘅大堂同月台嗰陣，根本唔係龜無技術或者ins ...

係，但現時大部分新車站設計仲用緊紙皮石，搞到好似7-80年代咁。😥

係啊,
啟德站應該用舊機場做主題。指示牌應該好似舊機場咁
宋皇臺應該用皇宮做主題

一式一樣死咕咕無乜趣味

一個地鐵站造價都億計

timewater 發表於 2025-4-2 14:50
係啊,
啟德站應該用舊機場做主題。指示牌應該好似舊機場咁
宋皇臺應該用皇宮做主題

啟德站已經有用舊機場主題，月台焗漆板有啟德機場及人物暗花、近出口通道有啟德機場歷史展板。

宋皇臺本身唔係皇宮，而且都有古物展。你講呢兩個站正正就係有特別設計。

至於樓主的問題，遊客認為紙皮石車站係香港特色，所以近年新站用紙皮石係特登復古。

地底車站每挖多一吋都係錢，亦要考慮土壤承受力等，與其講風格不如整多幾個出口同電梯比較實際。

西鐵站起得豪華，結果使大咗搞到馬鐵站係另一個極端簡單到無輪，到頭來又串連做同一條線。

要講不如講南港島綫得三卡車太短，海洋公園月台太窄。

唔好對呢間抱殘守缺不思進取既公司有任何期望
人地其他地方不斷進步佢就抱殘守缺食老本落後outdate當時興