點解本港重鐵線無急行或特急列車

如題。有無人知道點解本港嘅重鐵路線(機場快綫例外)唔仿效日本設立急行或特急等停靠較少以至極少中途站嘅班次, 而要每班車都站站停?

如果你想講東鐵線，唔好意思，繁忙時間每個站都有好大需求。
如果你想講屯馬線同市區線，唔好意思，沿線欠缺避車側線。

此post已完。

tonyng 發表於 2025-4-13 01:11
如果你想講東鐵線，唔好意思，繁忙時間每個站都有好大需求。
如果你想講屯馬線同市區線，唔好意思，沿線欠 ...

可惜當初香港政府同九廣鐵路局低估咗電氣化後嘅九廣鐵路（BS）客流，淨係雙線化而唔係四線化

飛站所慳到嘅時間，無你想像中咁多。

東橫線 橫濱—澀谷 24.1km 21個站 通勤特急37分鐘 平均速度39.1km/h
中央線快速 高尾—東京 53.1km 24個站 通勤特快62分鐘 平均速度51.6km/h

東鐵綫 上水—九龍塘 25.5km 9個站 28分鐘 平均速度54.3km/h

對比之下，現時東鐵站數少，站距又長，唔飛站都已經足夠快，普通各停都贏曬日本啲特快特急。

（京急係個例外，太多細站所以必須飛曬先有競爭力：
京急本線 橫濱—品川 22.7km 37個站 快特17分鐘 平均速度80.2km/h）

香港個鐵路線長度實在無需玩飛站爬頭
好似上野東京線/湘南新宿線各停咁嘅速度已經足夠滿足大部分遠郊通勤需要
入到市區行同一路廊飛站，不如好似湘南新宿咁經新商住區設站促進當地發展

tonyng 發表於 2025-4-13 01:11
如果你想講東鐵線，唔好意思，繁忙時間每個站都有好大需求。
如果你想講屯馬線同市區線，唔好意思，沿線欠 ...

如果真係想試飛站，屯馬綫前馬鐵段其實都有潛質嘅，反正前馬鐵段一定開唔到minimum headway 105s
好似烏溪沙2台開嘅車，停完馬鞍山後直落石門或第一城；而入烏溪沙1台嘅車停第一城或石門後就直去馬鞍山
不過中間被飛站嘅人要享受疏一半嘅班次，實嘈到拆天，所以都係算數啦😂如果非繁玩飛站，直頭14分鐘一班同巴士鬥疏

點解要設立急行同特急？

Ricky403 發表於 2025-4-13 12:11
如果真係想試飛站，屯馬綫前馬鐵段其實都有潛質嘅，反正前馬鐵段一定開唔到minimum headway 105s
好似烏 ...

唔緊要㗎，反正喺馬鐵沿線服務嘅巴士線都係hea做，馬鐵點hea都唔夠巴士hea，仍然係馬鐵贏
話者可以係馬鐵1個鐘做2班區間急行，飛走恆安 大水坑 沙田圍 車公廟 顯徑 朗屏，呢幾個站偏少人，但係又未至於任何時間15分鐘一班

如果當初九廣鐵路電氣化時，選擇四線化同用日本新幹線規格起，慢線多站到地鐵咁款，快線就淨係停九龍（紅磡）、沙田、大埔墟、上水同羅湖五個站，同畀港穗直通車行，會唔會好過而家呢？
可惜冇如果