免費乘車日，抵達總站後需否清客？

城巴回覆：

本公司十分重視前線員工的表現，收到 閣下的投訴後，已轉介予有關部門跟進及調查；經調查後，已對事件作出適當處理；同時，本公司不時提醒各車長，須遵照公司指引，到達西沙灣總站後必須提示車上的乘客下車，若乘客再登上即將開出之班次前往沙田市中心，便請乘客再次拍八達通咭以享免費乘車優惠。本公司日後會繼續密切留意各車長的服務表現，從而提升服務質素。

——————————

回覆中冇講到明返到總站要清客，淨係話車長要提示車上乘客落車。但係如果要坐回程嘅話，係需要再拍卡。

「必須提示車上的乘客下車」都唔叫清客，咁點先叫清客？

TN1073 發表於 2025-4-22 19:42
城巴回覆：

本公司十分重視前線員工的表現，收到 閣下的投訴後，已轉介予有關部門跟進及調查；經調查後， ...

必須提示車上的乘客下車

仲唔係清客係咩

又加價 發表於 2025-4-22 19:44
「必須提示車上的乘客下車」都唔叫清客，咁點先叫清客？

我唔敢一刀兩斷，始終句子嘅意思係「車長提示車上乘客落車」，而唔係「車上乘客必須落車」。我可以再問下，睇下會唔會有一個更清晰嘅答案。

TN1073 發表於 2025-4-22 20:05
我唔敢一刀兩斷，始終句子嘅意思係「車長提示車上乘客落車」，而唔係「車上乘客必須落車」。我可以再問下 ...

城巴回函話，「車長提示車上乘客落車」，在回覆者的語境中，係回應緊你所關心的總站清客。

人哋唔用「必須」，係一種客氣嘅表達。巴士服務點講都係服務行業，唔駛下下都要落order「必須」、「絕對」嘅語氣待客。

再者，人哋都覆左你，你要投訴要表達嘅目的已達，何必再繼續同office 咬文嚼字？

時間多嘅，可以去影吓相、搭多程580又好287都好，人都會開心豁達啲。

ma212223 發表於 2025-4-22 07:57
平時清客最主要原因都係為咗收車費
咩揀位坐嗰啲從來巴士公司都無promise過
亦相信99.9%乘客唔care

呢度兩者就係有奇妙嘅關係😌

揀咩位的確從來冇保證過
但係清客係唔係需要？
需要嘅話
清咗客 = 一定有得揀位
而清客係必須嘅
所以其實 = 一定有得揀位

所以投訴都要識得投訴
冇得揀位係冇得投訴嘅
而冇清客就有得投訴

而規則就係規則
就算100 ％冇人care都要做

如果真係100%
我都覺得可以隻眼開隻眼閉
但依家樓主就係受影響


如果真係100%嘅情況
我建議可以修改規則
然後先做

唔係擅自違反規則

KE7066 發表於 2025-4-22 08:32
點解覺得巴士公司有義務告知你一個乘客內部運行指引？
甚至點解覺得唔清客就要等於係循環運作？
...

點解覺得巴士公司有義務告知你一個乘客內部運行指引？

巴士公司當然冇義務告知乘客內部運行指引


但係令乘客受影響
咁係唔係應該告知乘客?
佢唔係要告知內部指引係乜 , 而係乘客會受到啲乜嘢影響

例如變咗循環線
乘客受到影響, 可以唔需要落車


例如110/722 喺循環點需要等候
都要告知乘客

甚至點解覺得唔清客就要等於係循環運作？

呢個問題非常好
咁我哋分析一下
除咗循環線之外
有乜嘢情況唔需要唔清客
我就諗唔到喇


或者調返轉頭諗
如果唔係循環路線
都唔需要清客

咁即係任何路線返到總站都仲可以繼續搭? 應該唔係㗎可

HV7967 發表於 2025-4-22 19:37
你講嘅嘢冇錯，所以車長，巴士公司，市民又好，見到巴士迷神憎鬼厭唔好問點解囉
隨左啲所謂巴士迷真係冇人 ...

係呀冇錯
我係巴士迷
我對巴士嘅要求係高
但呢啲要求都只係合理嘅要求
我嘅要求只係跟規則咁做
咁樣唔算無理要求吖
如果大家冇偷雞做少啲嘢
根本冇嘢可以投訴
我只係希望透過投訴去改變呢個情況
亦都冇其他嘢可以做到
可能係好無聊㗎啦
但就係因為我熱愛巴士
所以希望佢維持到服務質素
我先至會花時間去投訴
啲人會憎
就係因為佢哋嘅利益俾人損害
呢啲唔係正確嘅利益
咁憎都冇辦法




我係睇唔過眼
係點解樓主跟足規矩派晒隊
但就係因為個司機冇跟足規矩嚟做
損害咗一個跟足規矩做嘢嘅人嘅利益
遵守規矩嘅人就係要畀人蝦?
係呀好人係難做㗎
人哋會當你係傻仔㗎
所以就唔做好人喇?
好似我依家咁呀
個個喺度鬧緊我
但我仍然覺得應該幫樓主
因為佢係遵守規矩做嘢嘅人
我覺得做嘢就係要跟規矩嚟做
咁樣做係啱嘅
(唔係話唔可以犯規唔可以做錯
可以犯規可以做錯
但係應該要改善
而唔係話犯規/做錯冇問題)
可能會俾人嘈交拍片
但可以保障返遵守規矩嘅人
咁我會選擇做

James116 發表於 2025-4-23 00:22
巴士公司當然冇義務告知乘客內部運行指引

例如110/722 喺循環點需要等候
都要告知乘客

722 目前於城巴網頁無任何關於定時點之告示
甚至定時點只有 8/8P 有出通告
而份通告三個月後就到期下架 唔係直至另行通知的

所以並不存在需要告知乘客
極其量只有實務操作時會以報站機提示乘客會作短暫停留
而所謂「對乘客之影響」告知與否決定權全在巴士公司，並不存在必須要告知之說

呢個問題非常好 咁我哋分析一下 除咗循環線之外 有乜嘢情況唔需要唔清客 我就諗唔到喇

6/6X/260/63/73 以前總站寫赤柱監獄但實務上係以赤柱村為總站
所以到咗赤柱監獄唔會有人巡車清客塞住個站

H1 疫情前尖沙咀唔會清客

反之循環點亦唔等於唔需要巡車
5B 曾經有好長一段時間係循環線，但大球場一端實質運作與雙向路線無異

咁即係任何路線返到總站都仲可以繼續搭? 應該唔係㗎可

搞清楚邏輯先
有路線總站唔需要巡車清客 =/= 所有路線到總站都唔需要巡車清客
甚至唔會清客唔等於票務上允許你唔洗比錢繼續搭落去

TN1073 發表於 2025-4-22 20:05
我唔敢一刀兩斷，始終句子嘅意思係「車長提示車上乘客落車」，而唔係「車上乘客必須落車」。我可以再問下 ...

報站句，我地已經到達到終點站.......可能已經當提左