極光航空 Aurora Airlines HZ4699 哈爾濱 > 南庫頁島

kbh 發表於 2025-4-29 22:12
比較好奇：哈爾濱出境果陣邊檢人員有無好奇你張回鄉卡？

出境的海關人員識得分辦港澳居民通行證，相信哈爾濱機場以前有港澳航線掛？

反而係 check in 的地勤人員、同埋進入檢查隨身行李之前果個關口，兩次都要求問我出示俄羅斯簽證

S3BL100 發表於 2025-4-29 22:54
樓主呢個時勢仲去俄羅斯，真係好勇敢

一般如果係 2 小時 45 分航程，用噴射機會快過螺旋槳 ...

我見同樣由極光航空營辦的哈爾濱去海參崴/伯力航線，都係派 A319 行，唯獨係飛庫頁島用螺旋漿，唔通係因為唔夠客?!

不過你問我嘈唔嘈，其實係得起飛果時係嘈過噴射機好多，之後上到高空就同平時搭飛機差唔多，細機就一定抛得勁啲啦

Waiyin12 發表於 2025-5-2 10:28
疫情前去庫頁島，其中一個常見玩法好似係由北海道稚內搭船過去，毋須經大陸轉機；而家當然無咗呢枝歌仔唱

...

而家俄羅斯當地用唔到 VISA Master 信用卡，連中國嘅銀聯同埋所有中國二維碼付款都係用唔到，外國人唯一可以就係手持現金，不過我自己呢次旅程的體驗係，當地人個個都係用 Card Payment，變相唔係遊客區用現金就難以找續。

訂酒店只能靠偉大同志，得中國的旅遊訂購平台先可以訂到俄羅斯的酒店，講緊唔係 Trip . com 呢類，而係 CTrip 攜程網果隻，而且呢類網只可以用中國國內的付款方式畀錢，即係香港人成日用嘅港版支 X 寶都唔收，所以我都係靠人幫手的

庫頁島交通都好發達，起碼市區有超多巴士線，班次 10-15 分班仲密過香港，唔想搭巴士都可以用當地 call 車 app (Yandex GO)，可接受現金付款。

s3n370 發表於 2025-5-2 19:49
揸友好國家地區嘅護照會好D掛？

留意到有班深圳航空 經深圳往新加坡嘅航線

都係既，我傾向同意上面 Fuk19805 版友所言，最勇可能係走去坐堆無保養飛機（其實又唔係完全無保養，不過係唔會有原廠正版零件供應，要自行搵方法偷運或者拆其他飛機零件，用自家方法維修，兼唔會有詳細維修紀錄，大家要自己衡量風險了）

不過換著係我，揸緊我果本護照，我就真係唔敢踏足俄羅斯了，甚至飛越俄羅斯領空都唔會

唔講都唔覺原來深圳航空有哈爾濱經深圳飛新加坡。有無得淨係搭內陸一段我唔知，但至少肯定唔係中国航空公司唯一一條內陸停站再飛国外航線，當係呃下來往頭尾站乘客可以 direct flight (!= nonstop ) 就得。當然中国咁多間航空公司為左面子或者滿足国家需要，走去開一堆盈利能力成疑甚至蝕錢無疑既航線，都唔係第一次。睇返呢班 ZH227 原來係用 A320 飛，航距一定做唔到哈爾濱直航新加坡，可能解釋到點解會有呢條 1-stop 存在。但原來呢班機去到 SIN 係凌晨兩點半，時間奇差，除非賤賣機票，我就真係唔知有咩客願意咁坐了

S3BL100 發表於 2025-5-4 21:15
都係既，我傾向同意上面 Fuk19805 版友所言，最勇可能係走去坐堆無保養飛機（其實又唔係完全無保養，不過 ...

ZH227 深圳應該係泊國際線閘口，如果砌到轉機往第三地，呢個國內飛行、國際性質 sector 都可能塞到客，但我唔知政策是否容許。

俄羅斯遠東只係機材品質問題，歐洲區就隨時食導彈真係咪搞（之前連裏海都出事）。

DIH 發表於 2025-5-8 13:06
ZH227 深圳應該係泊國際線閘口，如果砌到轉機往第三地，呢個國內飛行、國際性質 sector 都可能塞到客，但 ...

應該係深圳清關，深圳-哈爾濱段有賣飛