港鐵已逐步移除部份車站的車費表

timewater 發表於 2025-6-16 22:50
唔係日日睇就無需要？
路線圖我都唔係日日睇 不如又變QR Code 啦

有冇用最主要睇吓使用率，有幾多人去到地鐵站先睇吓要幾多錢呀，路線圖反而好多人會搵地方，你去問絕大部份乘客，個收費表都覺得冇用，港鐵冇必要配合你保留

其實依家電子支付咁盛行

收費表都係以前比碎銀搭車
但又唔知預備幾多既人去睇

(無APP年代都係睇豬紙先知上車搭巴士要比幾錢)

不過無8仔年代都係去到部售票機
顯示幾多錢咪又照比
反正有得找錢唔會收多你

tkglobe 發表於 2025-6-17 08:37
有冇用最主要睇吓使用率，有幾多人去到地鐵站先睇吓要幾多錢呀，路線圖反而好多人會搵地方，你去問絕大部 ...

輕鐵連頭尾班車 班次 時間都變咗QR CODE
你可以反駁唔多人要呢d 資訊，但車站運作係需要喎

過去運作一直正常, 有保留嘅必要。

另外，好多資訊應該都會好多人睇, 例如車站列車開出時間表，同一線路嘅出口資訊(如圖)

而家mtr app 快捷出站都仲係唔會分樓梯電梯, 我去到車站先知邊卡有無電梯

timewater 發表於 2025-6-17 09:13
輕鐵連頭尾班車 班次 時間都變咗QR CODE

你可以反駁唔多人要呢d 資訊，但車站運站係需要喎

只要車站月台的 "電視機" 顯示資訊係足夠﹐你去到車站就一係見到 X分鐘 有車﹐一係就見到 "未有服務"之類字眼。

輕鐵又唔係個車站去到重鐵站的size﹐唔係講緊要落一兩層去到大堂才知道。

你都去到車站﹐見到月台的 eta 仲有班次﹐咪等車囉。
見到無班次﹐咪走囉。
試問﹐輕鐵的首尾車時間表﹐其實有幾大作用?


要plan 行程﹐可以看 https://www.mtr.com.hk/ch/customer/services/schedule_index.html

kei_hk 發表於 2025-6-17 09:33
只要車站月台的 "電視機" 顯示資訊係足夠﹐你去到車站就一係見到 X分鐘 有車﹐一係就見到 "未有服務"之類 ...

搭頭尾班車真係要靠佢, 有時ETA 會壞壞地. 乜都無顯示, 但其實尾班車未過頭尾班車資訊好耐先會改一次

我唔信車站連幾個數字都無位

仲有, 個QR code 入面唔係顯示嗰個車站嘅資訊, 而係去mtr 網頁自己慢慢click

有時要有why not both 嘅心態, 唔係話唔常用就可以抆走嘅

kei_hk 發表於 2025-6-17 09:33
只要車站月台的 "電視機" 顯示資訊係足夠﹐你去到車站就一係見到 X分鐘 有車﹐一係就見到 "未有服務"之類 ...

輕鐵個ETA可以嚇親人

試過屯門醫院等610尾車，對面個MON尾車過後係無資料

但係輕鐵試過唔少次507/614等ETA無車但係班車響你面前出現

toyl 發表於 2025-6-17 10:00
輕鐵個ETA可以嚇親人

試過屯門醫院等610尾車，對面個MON尾車過後係無資料

所以﹐我第一句就講左前題。

唔知而家遂步每個車站換新系統後﹐情況會如何。


ps. 輕鐵易受外來因素影響班次﹐其實尾班車的時間表﹐會唔會部車早到﹐都會到夠鐘才開車?

kei_hk 發表於 2025-6-17 10:19
所以﹐我第一句就講左前題。

唔知而家遂步每個車站換新系統後﹐情況會如何。

試過係尾班車會早2-3分鐘到。
所以列車頭尾班次係一定要保留。

睇嚟港鐵一意孤行, 並正式回覆如下:

本公司接獲您就港鐵車站大型資訊顯示版事宜提出意見，現謹覆如下：

港鐵公司致力為乘客提供優質的鐵路服務。為進一步便利乘客在車站內查閱相關乘車資訊，港鐵公司由5月底開始，陸續更新全綫車站大型資訊顯示版的版面設計，新設計包括擴大港鐵路綫圖，並將原有的大型票價表，更換為以二維碼形式的「行程指南」，方便乘客了解港鐵網絡及計劃行程，更能配合他們的出行需要。

更新版面設計後的大型資訊顯示版將會以二維碼形式顯示「行程指南」，屆時乘客只要透過智能手機掃描二維碼，就可以透過網頁版或MTR Mobile 應用程式，立即使用到「行程指南」，乘客透過輸入起點及目的地後，就能即時查閱相關車程的票價、車程時間、建議路綫、轉乘資訊等。我們相信新方法較傳統需要逐行查閱的票價表，更能針對乘客的出行需要，為乘客提供更互動及個人化的資訊體驗。


如乘客在重鐵車站內，可前往車站內的客務中心，向車站職員查詢或尋求協助。

謹此感謝您的意見。


港鐵公司
公共關係經理－客務

戚蘊貞

（宋怡薇　代行）

timewater 發表於 2025-6-17 12:33
睇嚟港鐵一意孤行, 並正式回覆如下:

本公司接獲您就港鐵車站大型資訊顯示版事宜提出意見，現謹覆如下：

港鐵角度就係調整票價唔使再印過全香港咁多個站張紙。

用家角度的確會有不便，例如決定某個非日常車程應唔應該用都會票或減$10優惠，當然電話可以操作到，但一眼望vs電話撳幾次邊隻方便？

而且app更新後比以前不好用，「車站位置圖」（即「駅構內図」）收埋咗，要入去「出口資訊」先見到，剛更新時我都搵一大餐。都未講「車站位置圖」個名唔係幾啱。