11號幹線分階段興建

https://news.tvb.com/tc/local/68 ... 4%E9%80%9A%E8%BB%8A

青龍大橋會起先
明年招標

路政署署長邱國鼎說：「青龍橋是11號幹線一個最南的部分。無論行大欖隧道，我們上個月收回，或行屯門公路，都要上汀九橋。汀九橋早上開始有繁忙情況出現，所以青龍橋除了可以做到，11號幹線本身北部都會區，與我們維港都會區連繫外，本身也可以解決屯門公路，大欖或汀九橋擠塞情況。」

屯門至赤鱲角連接路開通後,已讓往來元朗,屯門,深井與大嶼山的車輛提供相對直接,便捷的路徑.與其大費周章建造多條橋梁和隧道,反而改善屯門區內連接道路佈局和建造沿青山腳的高架橋,連接洪水橋,兆康苑,54區,龍門路至屯赤入口,也許更為實際解決現有道路擁塞,且造價較低.

wln162 發表於 2025-6-12 23:14
屯門至赤鱲角連接路開通後,已讓往來元朗,屯門,深井與大嶼山的車輛提供相對直接,便捷的路徑.與其大費周章建 ...

粵車南下實行在即，加上大嶼山、新界西北將有大量新發展區落成，唔可以用現時車流去判斷道路是否足夠，青龍大橋而家開工差唔多。以前我都會諗使唔使起咁多，但見到北都及洪水橋新發展區個規模，都係有兩手準備較好。

「沿青山腳的高架橋」即係屯門西繞道，地區人士不滿之下大改走線，變成屯門東面隧道並改名屯門繞道。屯門市區內空間有限，屯公市中心段做完擴闊都係塞，唯有將跨區車流完全引離屯門市方能解決塞車問題，屯門繞道就係為了呢個目的。

題外話，屯赤隧道及順朗路本應屬於10號幹線，但未能與已編為10號幹線的港深西部公路連接，故現時無編號。屯門繞道通車連成一體後，唔知會否畀返編號。

我覺得應該盡快起屯門繞道先真，而家話就話有屯赤，但上下繁根本塞死晒

DIH 發表於 2025-6-13 11:06
粵車南下實行在即，加上大嶼山、新界西北將有大量新發展區落成，唔可以用現時車流去判斷道路是否足夠，青 ...

會。屯赤路牌依家有貼紙遮住10仔logo，依家只係等屯繞將屯赤+港深連成一線

wln162 發表於 2025-6-12 15:14
屯門至赤鱲角連接路開通後,已讓往來元朗,屯門,深井與大嶼山的車輛提供相對直接,便捷的路徑.與其大費周章建 ...

今日嘅青龍大橋已經唔再係未有屯赤前，入大嶼山嘅替代道路

唔計十一號幹線全段係三幹新界段嘅複線，只要睇下現今道路網，
屯門公路同大欖隧道一去到汀九橋，D車聚哂過去；
過橋後去到青衣有長青同南灣兩條隧道；
出到九龍有西九龍公路+連翔龍計半條。
呢個行程入面，汀九橋段得一條路，明顯係樽頸。

咁一旦起佐青龍大橋，經屯門公路出市區嘅車就可以經青龍+青馬出市區，
舒緩佐呢個樽頸位。
之後到邊度爆鑊就顯而易見。

s3n370 發表於 2025-6-19 19:24
今日嘅青龍大橋已經唔再係未有屯赤前，入大嶼山嘅替代道路

唔計十一號幹線全段係三幹新界段嘅複線，只要 ...

套餐另一味即係呢樣啦：
https://www.hkitalk.net/HKiTalk2/thread-2155990-1-1.html

之後就到西九龍公路飽和，咁要靠交椅洲，唔知交椅洲而家進展係點，暫時話「港島西至大嶼山東北連接路，爭取在 2033 年完成」：
https://www.centralwaters.hk/tc/ ... ort-infrastructure/

預計 2033 年左右好多新路落成。

屯門繞道急切過青龍大橋好多

起碼而家汀九橋繁忙時間無事無幹都唔會點塞

但皇珠路/30橋至紅橋一段屯公例牌塞到喊

唔解決 30 橋問題反而走去起青龍先，真係high 大左

天空之神 發表於 2025-6-20 14:08
唔解決 30 橋問題反而走去起青龍先，真係high 大左

依家佢哋直頭不分先後，完全唔知邊D應該優先做，邊D應該遲D先做，
所有野倒轉哂黎做，笑死人。

明眼人都知最先一定係起屯門繞道處理咗 30橋 + 屯市上下繁日日例塞問題，
冇啦啦走去起青龍大橋先，屯赤開咗之後屯公塞車重災區一早改咗啦，訓醒未啊班人。