機場快綫市佔率低原因

Kelvin15190 發表於 2025-6-24 00:14
應該話係AREOT完全前，只可以停8卡車。

點解咁講？

1. 訪港旅客來源地改變，中國即日來回客佔絕大多數，唔會坐機鐵。若果當年起港珠澳拉埋機鐵入去就唔同講法，呢個亦係機場城管、黨鐵、運豬物流局當年極之短視做法。

2. 機鐵兩樣優勢：酒店免費接駁已斬，另一個市區預辦登機就半死。

3. 就算西九龍駁九龍站，亦無助機鐵客量

rickywk 發表於 2025-7-1 13:48
1. 訪港旅客來源地改變，中國即日來回客佔絕大多數，唔會坐機鐵。若果當年起港珠澳拉埋機鐵入去就唔同講法 ...

咁按你既意思要點樣先有助機鐵？

petershum0711 發表於 2025-7-1 13:53
咁按你既意思要點樣先有助機鐵？

無得攪，黨鐵而家無錢，機場城管而家亦唔會理你。
當年肯將機鐵伸延到對面港豬噢人工島，由對面澳門、珠海坐金巴，45分鐘到香港人工島，再駁鐵30分鐘到中環，信德、金光飛航真係乜船都賣清

然後酒店接駁巴士，又係黨鐵自己無錢玩，同埋始終外國遊客量唔夠，玩返都係運空氣架勒。

rickywk 發表於 2025-7-1 13:48
1. 訪港旅客來源地改變，中國即日來回客佔絕大多數，唔會坐機鐵。若果當年起港珠澳拉埋機鐵入去就唔同講法 ...

1. 好懷疑豬橋有幾多客坐得起機鐵🤭拉入豬橋其實亦只係步城巴A線後塵反令自己品牌定位不清
博覽館亦應該無預留畀機鐵再延長

2. 大致同意，尖沙咀甚至中環酒店客都搵唔到機鐵站係最大問題

3. 機場快綫應該做唔到呢個角色，因為必然要二次出入境，而且落西九龍再去赤臘角比較兜路，国內高鐵站位置亦普遍唔算方便
就算有深圳戶籍可以一簽多行彈出彈入，都應該揀區對點大巴直接到機場多
反而嗰邊嘅鐵迷同政府比較期望條洪水橋-前海鐵路可以有支線駁機場，不過屯赤應該無預留起鐵，都係ban

Ricky403 發表於 2025-7-1 14:27
1. 好懷疑豬橋有幾多客坐得起機鐵🤭拉入豬橋其實亦只係步城巴A線後塵反令自己品牌定位不清
博覽館亦應該無 ...

其實由博覽館拉機鐵入港豬澳好過而家城管局自己起行車天橋同埋無人駕駛橋由人工島駁過去，當然唯一要考慮就係一咁樣起，海天碼頭無得再保留。
但機鐵既然有大量剩餘運載力，我覺得呢個做法係最大可能幫機鐵搵客源

rickywk 發表於 2025-7-1 13:48
1. 訪港旅客來源地改變，中國即日來回客佔絕大多數，唔會坐機鐵。若果當年起港珠澳拉埋機鐵入去就唔同講法 ...

1. 即日來回機鐵都做緊半價
    只係一般遊客唔會淨係局限喺機鐵站附近玩就唔吸引

JX9097 發表於 2025-7-1 16:05
1. 即日來回機鐵都做緊半價
    只係一般遊客唔會淨係局限喺機鐵站附近玩就唔吸引
...

問題係而家機鐵係無辦法做到人工島客，我再退後一步講，兩邊人工島無預計要鐵路接駁係非常失敗。

珠海、澳門果邊問題再大d，現有城際珠海站受制拱北關口，要駁入珠海人工島係異常困難，除非好似皇崗咁大重建，但我相信澳門政府唔會肯出錢，珠海市政府無呢個財力，廣鐵亦只會食花生。

而香港呢邊，博覽館拉過去，其實最貴應該係重建博覽館後勤設施、機場東消防船站同更改機鐵博覽館站，人工島站同鐵路橋我睇唔到會有特別技術困難。
有鐵路接駁嘅口岸先易吸客，而家港豬噢好彩有港車北上支撐，如果唔係其實都幾難攪。

而家我見到城管局起兩條橋去人工島，真係噴血，老實講果忽位一係你填海填埋佢算鬼數啦。

rickywk 發表於 2025-7-1 17:00
問題係而家機鐵係無辦法做到人工島客，我再退後一步講，兩邊人工島無預計要鐵路接駁係非常失敗。

珠海、 ...

不要低估海天碼頭嘅作用——地位相當於機場“T3”，坐船會去到深圳、中山和廣州琶洲等。
呢批客在大陸嘅碼頭搞掂行李托運，直接入到機場禁區，玩法等同機鐵市區預辦登機。
由大橋口岸直入海天碼頭嘅行車橋，都係玩緊呢件事（珠海口岸預辦登機，之後直踩海天碼頭入香港機場禁區）

我係讚成機鐵拉去港珠澳大橋口岸——尤其是將來搞粵車南下，大部分自駕遊客會需要在口岸停車場停車（無法直接入城）
有鐵路駁呢批客出市區，觀感會比要佢地轉A線好至少一百倍。
講真，呢批客既然肯交150人仔自己揸車過橋，自然傾向俾更多錢“歎”住入城（而不是跟其他人迫巴士）

只不過，亞洲博覽館棟樓已經把博覽館站末端路軌堵死。
即使想拆部分博覽館建築拉過港珠澳大橋口岸，也注意到博覽館站本身就是地面月台。
就這樣跨海去港珠澳大橋口岸，一會封死海天碼頭航道，二會大橋口岸既有車路衝突。

唯有好似T2重建咁，將機場至博覽館一段機鐵拆卸重建，直接拉跨海鐵路橋去港珠澳橋口岸。
既有博覽館站取消並拆卸，之後改整APM（機場禁區shuttle嗰隻 or 雲巴）接駁機場和博覽館。（同時經過11 SKIES幫後者輸血救命）
而“機鐵港珠澳大橋站”選址在“粵車南下口岸停車場”附近，直接網羅未來自駕遊旅客。
*還有種慳水方案：直接整博覽館站↔11 SKIES↔港珠澳大橋的APM

總結：海天碼頭跟機鐵客源不同，並無互相衝突，也無法互相代替；力求並存才是正道。

hellomato 發表於 2025-7-2 14:44
不要低估海天碼頭嘅作用——地位相當於機場“T3”，坐船會去到深圳、中山和廣州琶洲等。
呢批客在大陸嘅碼 ...

呢班特種兵去旅行都要窮遊，佢地肯俾多百幾蚊坐機快都成疑問啦