東涌翔東邨商場命名為「翔東@潮薈」

Toz 發表於 2025-7-20 10:17
潮薈加埋都係太細，十六七萬呎仲要分散，除非當區完全無其他場，唔係都係做街坊客，唔通整間APITA賣貴野咩 ...

其實你有無去過啟鑽？
唔係話佢商場細就係社區商場，佢平日大把人經商場來往新蒲崗，點會只係做社區商場呀？
潮薈中間係綠化帶，相信都吸引到跑步嘅人過去，而且有個巴士總站，都應該吸引到鄰近屋苑嘅人，不過房署就算把啦

jpoon 發表於 2025-7-21 23:19
其實你有無去過啟鑽？
唔係話佢商場細就係社區商場，佢平日大把人經商場來往新蒲崗，點會只係做社區商場 ...

啟鑽苑最近果個大場就係荷里活，荷里活大幾倍兼更加近鑽石山站，兩個場又唔通，點鬥？

新薄崗果班係返工客，平時咪就係食下飯，星期日你估下有幾多人？佢地放工去shopping點解唔去荷里活或者Airside？貪啟鑽苑個商場夠細夠分散？

比如話你格硬整間APITA落去，咁街坊既需求點算？果度咁多座樓，釆頤花園果幾間鋪仔頂得順？

如果話民生商鋪交比對面工商厦，自己做潮客，咁你覺得無錯配？

你可以去睇下葵芳果邊，葵芳商場係點定位，點同新都會／葵涌廣場差異化競爭，葵芳商場人流一樣好多，個場又係私人業主做，擺乜野鋪先？