將軍澳綫額外行車時間

剛才 8:50 鑽石山出閘﹐仲有早鳥折扣。


ps. 我車程無受影響﹐只係避開觀塘線改兜屯馬線。

DIH 發表於 2025-7-18 12:07
第二句的同事係咪康城出，或者遇着康城車清客？康城車臨時改成唔過海。

我都明實際班次會同公布有好大出 ...

仲有一樣野﹐MTR係唔會主動講的﹐或者去到件事攪左好耐才會講。

就係鄰近的路線會同樣受牽連﹐初時會行慢車﹐減少轉車站的人流。
之後會正式收車減班﹐視乎實況睇下是否需要再增加牽連的減班路線。


我平時會青衣經荃灣線去觀塘線返鑽石山的。所以﹐今早我都係一車去南昌轉屯馬線比較穩陣。

總之﹐MTR出得警示﹐真係要執生。

除左按實際情況避開出事路線之外 (eg. 改用路面交通)﹐亦要考慮埋受無辜牽連的周邊路線。

petershum0711 發表於 2025-7-18 12:40
點解MTR係唔會主動講﹐或者去到件事攪左好耐才會講 ？

主要係要轉車站人流問題﹐但又唔想比人覺得成個網絡唔只一條路線出問題﹐所以咪講D唔講D囉。

當係荃灣線出事﹐就會有太子﹑旺角及金鐘 3大轉車站。

荃灣線班次因事故縮減﹐轉車站的人流就會因為上唔到車而積聚。
一兩班車清唔晒客﹐都未必頂到對面月台。
一旦頂到對面月台﹐對面月台的路線(即觀塘/港島線)就會慢慢減少班次﹐令到少D人去到轉車站轉車﹐控制月台的人流。

但係此時此刻唔會講觀塘/港島線減班﹐因為唔係直接受影響﹐當係月台有delay處理(eg. 多次開關車門)。

慢慢直到塞車嚴重﹐頂到好多個車站都要等開車﹐才會考慮宣佈牽連路線減班。



以今早情況﹐我唔相信觀塘線沒有增加停站時間﹐拖慢乘客去到油塘轉車﹐控制人流。
當增加了停站時間﹐亦代表班次密度降低﹐行車時間一定增加。

Ricky403 發表於 2025-7-18 15:06
據聞有車觀塘清客

一點都不出奇﹐因為唔做這些野﹐油塘肯定塞爆晒。

所以﹐經驗就與出事路線有關的可轉車路線﹐都係要盡量避開。

kay 發表於 2025-7-18 22:18
今朝見D REPORT遲返既同事話
觀塘線去黃埔九龍塘完全上唔到車
平時無呢個問題

因為唔拉疏觀塘線﹐油塘站轉車去北角﹐肯肯定爆鑊。
當黃埔去油塘一邊要慢車﹐就會慢慢頂番去黃埔﹐再倒頂另一行車方向。




MTR 又點會輕易講﹐有其他路線無辜受牽連。


真係東鐵轉車去黃埔﹐這樣就輸經驗啦。
直接東鐵去紅磡﹐在紅磡轉巴士/小巴/步行﹐都好過挑戰一大段觀塘線。
又或者紅磡轉屯馬﹐何文田再轉番觀塘線﹐最多只係車疏﹐最後一個站應該可以即班上到車。

如經觀塘線再轉荃灣線﹐就直接去尖東/美孚/金鐘轉回荃灣線。

kay 發表於 2025-7-18 23:15
個問題係好多人剩係諗將線出事
唔會諗會唔會影響其他線
MTR又無廣播其他線會人多等耐左

經驗係要經過中伏才能吸取的。
去到MTR宣佈﹐周邊路線受到牽連減班﹐即係同你講唔好再去坐MTR。