九巴13和213E開辦消息

tamabaron 發表於 2025-8-14 16:25
講到明會隨安達臣發展區居民入伙進一步按需求加強，仲想213D 上埋去應該無可能 (安盈安柏都應該準備派鎖匙 ...

按需求加強之後可以現時服務大致滿足需求
死板按13係招標會照做嘅話，以九巴性格加上車費問題，2A頂多減到20分鐘一班，大家對呢對重疊路線可以繼續咬牙切齒

雖則好多層，成座山單係13系都已經三條落旺角

其實213E可以兜埋去西九龍站，可以做埋秀茂坪山去高鐵站

peterkl 發表於 2025-8-14 17:10
其實213E可以兜埋去西九龍站，可以做埋秀茂坪山去高鐵站

廣東道戲曲中心落車咪得

同埋個巴總46都放唔入去

peterkl 發表於 2025-8-14 17:10
其實213E可以兜埋去西九龍站，可以做埋秀茂坪山去高鐵站

95係？？

流星☆雨 發表於 2025-8-14 11:34
改條老牌大線去就 13 會唔會有啲本末倒置同埋更加難呢？
招標線改動例子都越嚟越多，相信唔係冇得改，最多 ...

咁我平時一路都係話老牌大線無得改、唔可以亂改。但 2A 同 13 呢個 case，問題會變左老牌大線同招標線邊條易改少少。因為繼續咁落去長遠都唔係辦法

招標線如果只係小改分分鐘連冷河都唔使過，近年都有過招標線落地第一日行法已經同標書要求差一兩條街咁樣，13 如果想改西行深旺道直接轉入欽州街，東行東京街西直接轉入深旺道，飛起海壇街荔枝角道，應該都好容易

但如果想改到同 2A 無咁重疊就一定要過一段時間冷河。吊詭之處係過多一年半載 2A 會唔會已經由老牌大線變成普通老牌線，無左大線光環就無唔改得理由

我一直都認為 13 想一條做晒旺角深水埗大角咀就應該樂華到旺角之間跟 93P 行避重疊。但 13 落地後肯定會多左班新既得利益者，尤其是往來亞皆老街一班，咁改手術規模都唔見得細，未必過唔到但肯定麻煩左。如果好似版友建議拉埋 213D 重組，13 直頭改行中九幹，難度肯定再高唔少

所以問題會係 13 到底有無可能未全日之前，甚至每邊對開兩班果陣，就提出改路同時全日。呢點就要待知情人士補充

或者換個角度，13 來回全日行亞皆老街算唔算係幫 13D 改行中九幹提速大計進一步掃除障礙

2076 發表於 2025-8-14 15:58
招標線改動例子係唔少，但大改主要服務地區就前所未見。78X 改極都仲係做緊九龍東，79X 都冇甩過深水埗同 ...

雖然你咁樣對調 2A 2X 避開左亞皆老街一段要面對既問題，但同時亦係為三彩製造緊其他問題，唔保證真係更容易過到關