關於荔枝角港鐵站對附近物業的地址影響

kbh 發表於 2025-8-28 12:04
前啟德行動基地？

睇圖

南昌仲型, 香港從來冇一個地方叫南昌, 深水埗有條南昌街由海皮一路拉到上龍翔道, 街頭條屋邨落成就叫南昌邨, 斜對面有新鐵路站就叫南昌站, 對面條富昌邨個商場本來叫富昌商場, 翻新好跟車站名叫南昌薈.

好嘞, 於是地產界就將荔枝角道西南面唔理本身屬長沙灣定深水埗都改口叫南昌, 有啲就話係深水埗南昌鐵路雙站, 坊間唔少新樓客就叫嗰附近做南昌, 明明只係長沙灣 深水埗, 個名叫叫吓就變咗真.

九巴214電牌都改出荔枝角商貿區嘅時候, 荔枝角站一帶變咗做荔枝角只會係大勢, 唔駛諗住改返轉頭.

EX-TL 發表於 2025-8-28 21:17
南昌仲型, 香港從來冇一個地方叫南昌, 深水埗有條南昌街由海皮一路拉到上龍翔道, 街頭條屋邨落成就叫南昌邨 ...

南昌邨對面映岸，前排交咗畀東華營運青年宿舍，叫東華．南昌匯
講開又講，長沙灣/深水埗仲亂，凱帆軒旁邊有個長沙灣海水抽水站，維港匯對出又有長沙灣海濱公園，深水埗圖書館同深水埗體育館響海達邨旁，即係長沙灣海濱公園同長沙灣站中間

EX-TL 發表於 2025-8-28 21:17
南昌仲型, 香港從來冇一個地方叫南昌, 深水埗有條南昌街由海皮一路拉到上龍翔道, 街頭條屋邨落成就叫南昌邨 ...

美孚咪仲勁

又係沒有美孚這個地方﹐只有美孚油公司的油庫﹐附近係荔枝角(前荔園, 現盈輝台一帶)及長沙灣(即現時長沙灣廣場一帶)。

油庫改建成為美孚新村﹐個個都叫美孚。
其後有地鐵﹐站名係「荔灣」。

結果﹐地鐵都要跟隨改站名去迎合大眾。



亦有其他相類似情況包括太古及黃埔﹐都係由船廠改建成大型屋苑後﹐大家都叫相關屋苑作為地區名。
唔同的就係地鐵站一開始就叫番太古及黃埔﹐而不是以真正的地區/附近街道作為車站名稱。


ps. 錦上路都好X長的﹐同南昌街有同曲之妙

jpoon 發表於 2025-8-27 23:11
仲有紅磡警署響公主道愛民邨旁，唔通又要改?

係改﹐都係警方去改啦。

現時的紅磡警署﹐係原本的何文田警署。

原有的紅磡警署﹐位於紅磡衛環里﹐做了西九交通行動基地。


當年硬係要將何文田警署改名做紅磡警署
當年警方堅持繼續用何文田警署咪無地區地理位置的疑問囉。

ref: https://www.info.gov.hk/gia/general/200012/01/1201325.htm

JX9097 發表於 2025-8-28 09:07
牛頭角警署搬埋去新蒲崗tim

政府帶頭製造地理位置的混亂

搬咪搬囉﹐為何唔順便改埋警署名﹐例如叫 "啟德警署"。
硬係要叫番舊名。

kei_hk 發表於 2025-8-29 10:07
政府帶頭製造地理位置的混亂

搬咪搬囉﹐為何唔順便改埋警署名﹐例如叫 "啟德警署"。

負責環頭無改應該唔會改名

EX-TL 發表於 2025-8-28 21:17
南昌仲型, 香港從來冇一個地方叫南昌, 深水埗有條南昌街由海皮一路拉到上龍翔道, 街頭條屋邨落成就叫南昌邨 ...

荔枝角地鐵站叫荔枝角固然係錯，但又應該改做咩站名又係一個問題，因為長沙灣站同荔枝角站都係喺長沙灣。
唔明白點解九巴要向錯誤地鐵站名屈服，整咗「荔枝角商貿區」呢個電牌出來，明明長沙灣巴士總站同長沙灣（甘泉街）巴士總站都仲係叫長沙灣