電車底盤研究 (含 Peckham P22 P35 分析)

最近 #172 換咗副翻新底盤，發現咗一樣嘢，以前都發生過的，就係護欄沒有分方向。
絕大多數電車底盤護欄都是有一個節燒咗係一邊，類似竹樹嘅節，極少數底盤沒有呢個節。

#172 底盤的護欄，紅箭咀是節的位置


而所有電車都一致地呢個節係偏向車尾方向擺，底盤應該是無分頭尾，但裝上車後就有分前後，呢個節可能就係用來識別行車方向。
曾經 #75 號車換上剛退役 #16 號車的底盤後，呢個節也是擺向前的。

#75 底盤的護欄，紅箭咀是節的位置


現役電車裝上底盤後，有時也會進行底盤檢修，並且會將底盤掉轉方向使用，呢個可能就係間中會見到底盤被單獨推出廠外，於城西道掉頭軌掉頭後再拖回廠內的原因。

#78 將一副裝有AC摩打的M&T底盤掉頭後返回廠中


反轉底盤原意可能是平衡左右及兩端彈簧及葉片彈弓損耗，摩打運轉方向也可以反轉，不是長期用死一個方向來轉。
例如#69號車所用的18號底盤也是反轉過，只是反轉後依舊裝回#69號車繼續行駛，其餘電車也會有呢個情況。