2000年運輸署嘅主要道路設施計劃

eternalflame 發表於 2025-10-24 04:27
就係無，有時唔明已經要起新策略性公路，點解唔諗駁通埋個一段仔
洪水橋已經將屏山個部份抽起連埋流浮山 ...

上次立法會會議有人問係咪會將北都公路西延到洪水橋，官話"會研究"，以為檯底下已經用你早兩個月 post 出來果D 后海灣幹線東聯接線舊 plan 來研究用邊個添

chowchi 發表於 2025-10-24 07:50
上次立法會會議有人問係咪會將北都公路西延到洪水橋，官話"會研究"，以為檯底下已經用你早兩個月 post 出 ...

其實北都公路只係起咗新田段先，其他路段可能仲有修改空間？

rickywk 發表於 2025-10-18 11:10
我知當年起屯赤收費廣場就預留咗他日屯門繞道接駁，只係好多人覺得當年起屯赤唔起埋屯門繞道係最差決定。 ...

我反而覺得依家長隧道方案浪費左太多錢，屯赤本身都係兩線下全部車行龍富路都唔會塞，塞車位係皇珠路同30橋。

咁你令車輛可以唔停燈經嗚琴路、青田路出屯公就解決到問題。要嘅只係一組跨過路口嘅單線引橋（類似葵涌道模式）。即使將來繼續向北發展，興貴街都可以經和喜樓西面延伸並且幹道化。

近年新市鎮好多都係公路直接駁區內道路加一堆掘頭路，少咗舊區果種車速快又少燈兼插穿全區嘅主幹道，間接令新區巴士線原地自轉問題越來越嚴重。

chowchi 發表於 2025-10-24 07:50
上次立法會會議有人問係咪會將北都公路西延到洪水橋，官話"會研究"，以為檯底下已經用你早兩個月 post 出 ...

咁我覺得當局唔會唔拎舊plan去抄功課嘅

s3n370 發表於 2025-10-17 05:47
一路以為伶仃洋大橋一路只係得胡應湘倡議，又估唔到政府曾經擺過上正式文件 ...

香港我唔知，但大陸嗰邊應該絕對有認真對待⋯

巴士的膠 發表於 2025-10-24 10:35
我反而覺得依家長隧道方案浪費左太多錢，屯赤本身都係兩線下全部車行龍富路都唔會塞，塞車位係皇珠路同30 ...

若果唔行龍富路，替代路線我耐唔耐都用，當中最塞最耐係石排頭路同埋青田路，當中後者最差，有時十分鐘先過到支燈

1372mm 發表於 2025-10-24 18:37
香港我唔知，但大陸嗰邊應該絕對有認真對待⋯

當年珠海已經起了淇澳大橋
大陸好似話香港完全唔洗出錢
BOT都有大把財團有興趣
傳聞陳太”小心邊界模糊論“否決咗
今天睇起伶仃洋可能好過起港珠澳
就算要出錢成本都平好多
不過長遠睇邊界愈模糊對
香港是否有利就大家心中有數