探討香港公營房屋重建問題

今次宏福苑火災搞成咁，睇下有關部門會唔會收晒啲樓重建

jpoon 發表於 2025-12-3 13:25
今次宏福苑火災搞成咁，睇下有關部門會唔會收晒啲樓重建

我相信﹐當調查完成後﹐就開始睇班業主的意願去做。

之後就叫市建局特別處理﹐由市建局主導處理。
什麼補地價之類﹐市建局/政府會內部特別處理。

問題只是 "收購價" ﹐係用什麼標準去作價。

jpoon 發表於 2025-11-9 22:25
有無先例？

有，而且佢個舖想開乜類型嘅舖都係有意向（都可以改）。例如海麗邨開邨有間百佳，到百佳唔做，當初係問過兩大集團都無興趣而丟空左一段時間。議員成功爭取開咗個細街市。只係新屋邨好多都係每樣一間，加上設計無咁好，就一直都係租唔哂。例如欣安向西沙路果行街舖，完全唔係居民出入路線上。

賣咗俾領展嘅就更加多奇怪嘢。

kei_hk 發表於 2025-12-3 14:01
我相信﹐當調查完成後﹐就開始睇班業主的意願去做。

之後就叫市建局特別處理﹐由市建局主導處理。

燒咗果堆就容易解決，反而宏志閣完全無受損比較難搞。

巴士的膠 發表於 2025-12-3 23:39
有，而且佢個舖想開乜類型嘅舖都係有意向（都可以改）。例如海麗邨開邨有間百佳，到百佳唔做，當初係問過 ...

你係咪回錯？我問緊有無唔續期政府直接收地嘅先例喎
仲有所謂議員爭取仲搞笑，好耐之前彩德開佳宝都見議員響門口拉banner話成功爭取濕貨街市

巴士的膠 發表於 2025-12-3 15:41
燒咗果堆就容易解決，反而宏志閣完全無受損比較難搞。

一般黎講呢D屋苑唔會逐幢計，全屋苑八幢都係一個整體。
每個小業主都擁有全屋苑某百分比嘅業權。

如果有人收購哂七幢著佐火嘅業權，即使無著火嘅宏志閣小業主全數唔賣，夠50年樓就夠門檻強拍。
只要有少數賣湊夠全屋苑九成，唔夠50年樓都可以強拍。

D分期嘅屋苑就個個唔同，有D名稱一樣，但實際上每一期同隔離果期係獨立個體。
有D話就話分期，但係唔同期數加埋先至係一個整體。

私樓維修就圍標，政府樓（包括出租公屋）嘅維修就未見過會圍標。

呢件事都睇到租者置其屋嘅屋邨一個麻煩之處，無賣嘅想維修咪維修，
賣咁D賣唔哂，房署仲有部分業權嘅，其實房署嘅參與度大唔大呢？
經過呢件事，如果我係租者置其屋嘅小業主，我會情願俾錢房署搞算數。

另外聽過部分賣部分出租嘅房協屋邨，房協自己揸大旗。