[UK] 英國大部分載客路線為什麼都沒有號碼和名稱？

miklcct 發表於 2025-11-14 22:25
喺德國，城際列車（ICE/IC）係睇班次號碼，近郊列車（S）就真係用路線號碼，區域列車（RB/RE）就兩套號碼 ...

我所見到嘅德國區域嘅RE/RB都唔覺有用班次編號了，之前拜仁州都係用班次編號，但剛剛查過只淨返路線號碼了。

係喎，講起，英國不論短途定長途車原來係連班次編號都無！原來我嘅路線編號就更加係奢想！對於一個咁先進嘅國家竟然咁抗拒用編號，我惟有表示佩服！

至於巴黎RER，我當個CODE MISSION都算係路線編號啦，只不過佢又唔會出現喺路線圖上，稍為低調啲，咁至少ABCDE已經係好清晰嘅系統，好似倫敦Southern, Western, Chiltern咁，我亦無聽聞過有橫跨AB線或CD線嘅班次，可以話同德國相似，都係近半世紀有系統地規劃出來嘅成果，同英國線路左穿右插嘅情況好唔同。所以RER雖然一條線有好多MISSION嘅變化，但相對來講，服務模式都係較穩定，以B線為例，每個終端都有15分鐘一班，講緊而家晚上十點喎。大家可以欣賞下佢嘅時間表。

s3n370 發表於 2025-11-14 21:29
其實我想知除佐响12306逐站/線/班 search外，
邊度可以搵到路線圖同完整嘅班次表呢

網上見過有人比喻大陸搭火車唔好用外國鐵路個心態，你用航空個心態對待佢可能啱啲

正如大家買機票都係上網打起點終點 + class 去 search，大部分人都唔會走去研究航空公司路線圖或者時間表

clivetock 發表於 2025-11-15 09:20
網上見過有人比喻大陸搭火車唔好用外國鐵路個心態，你用航空個心態對待佢可能啱啲

正如大家買機票都 ...

一次半次仲要係point to point旅遊探親就話直接search啫，
Multi point、常搭嘅通勤客同要有flexibility嘅商務客就唔同講法。
雖然search都解決到，但有份圖係易好多。
最簡單嘅自己延誤定係某線出事可以點走？app唔係下下update得切問站務排長龍。

大部分地方當有快軌提佐速，甚至有高速鐵路線後，
舊有線都會repurpose做多D local / commuter service。
中國大陸嘅國鐵似乎唔多係咁。
佢自己都宣傳度度都一小時生活圈，都仲係咁點搞？
等於以前睇廠，知道附近細站幾時有車都可以揀。
連當地人都唔太理解，下下都要車遠D响大站集合，無話唔得不過唔夠效率囉。

飛機同火車嘅本質分別已經注定兩者唔應該用同一種方式處理。飛機係點對點交通工具，你起飛降落一次起碼加你一個鐘，而飛機場嘅服務單位係城市，你唔會下行過隔籬城市搭飛機（香港／深圳呢啲係罕有嘅例外），最重要嘅係唔可以超載；火車就唔同啦，停一個站加你一分鐘，可以揀唔同車站／唔同路線，喺呢啲情況下路線圖就重要啦。