[個人建議] 建議龍運 A33 A34 提速，重組 A33X E33P

E 線屯赤後直達後勤區，支持，但係唔覺得龍運會做。

A 線全日再拆嘅必要真係睇唔到，用特車方法加強繁時服務會比較合適。

2076 發表於 2025-11-11 16:26
新 A33 有去程有豐景園尾站包底，回程停華都都做到屯市，30 分鐘一班冇問題。景峰唔駛兜屯門站同塞新墟， ...

大哥，你試下攞住大大個gip喺青山公路嗰個「華都花園」站行返屯市任何一個中心區域，夏天唔出汗嘅我當你贏，
我寧願你折衷啲入返屯門公園停算，機場線唔係要快，係要就腳，要快嘅唔會上巴士

仲有，咩叫「去程有豐景園尾站包底」？
豐景園點解係客倉？你當961有30個人轉車過嚟？

EvilKo 發表於 2025-11-11 13:55
樓主住大興？定洪水橋？
其實而家A33X、A33、A34三條線已經好equilibrium
而家加多條A線只會搞到條條疏累鬥 ...

明顯唔係大興，佢係三拆四仲要將大興啲客發配邊疆，去晒最kick嘅站位

EvilKo 發表於 2025-11-11 16:46
A33有替代路線行海珠路同屯門鄉事會路走，車長唔識／唔知麻煩 1933bot

A34龍門路上唔到車就麻煩安排加班 ...

A33 日日都要改道就證明走線有問題，路過豐景園安友又唔停站係浪費資源，海榮路直行起碼慳 15 分鐘。日後入埋港珠澳，機場返掃管笏坐 80 分鐘都未到，人地 A12 已經到筲箕灣，A29 已經到寶林，你可以諗下係唔係合理。

A34 早繁開緊 15 分鐘一班，再加變 12 其實班客都係等少 3 分鐘車，但飛走大興圈慳到的車程係 10 分鐘起跳。所以當 A 車班次已經去到 15 分鐘一班，就應該諗拆線慳時間，而 A 車非繁 30 分鐘一班又唔係唔合理，密過 30 分鐘一班的 A 車其實一定有旅客成份，例如 A36 紅橋轉車客、A11 A21 市區線王。本身 A 車都係服務機場同港珠澳口岸旅客為主，行車路線少燈位穩定性高，比起班次更加重要。

至於屯赤清客，A33X 重組完之後行車時間仲短過現時走線，日後客量再上升的話，要推密班次的資源又會慳左。

brianso198 發表於 2025-11-11 19:20
A34自己做太多野固然係問題

但係咪去到非拆不可又未至於

早繁定點特車比龍門路上車，上游洪水橋 54 區繼續兜大興，效率其實唔好，而實際上因為早繁塞車，A34 行鳴琴路青雲路入機場唔係唔合理，但成條線效率就係比大興拖累。可惜 A 車唔適合分時段拆線，但計過數以龍運屯門區資源，3 拆 4 係可行的。

流星☆雨 發表於 2025-11-11 19:50
E 線屯赤後直達後勤區，支持，但係唔覺得龍運會做。

A 線全日再拆嘅必要真係睇唔到，用特車方法加強繁時服 ...

E33P 直入後勤區係甜頭比屯門東北支持 A34 重組 + E33P 唔去 GTC 非繁減班，成個 package 望落龍運會肯做 (E33P 里數大減 & 慳車)，對居民又有好處，其實係雙贏。

A 線玩繁時特車，問題都係原線點處理，同埋特車要點樣開先有效率。龍運早繁資源好緊張，正線唔減行車時間冇資源拎出來拆快車，但 A 車玩早繁另一走線亦都有問題。

skibidiot 發表於 2025-11-11 23:05
大哥，你試下攞住大大個gip喺青山公路嗰個「華都花園」站行返屯市任何一個中心區域，夏天唔出汗嘅我當你贏 ...

機場 A 車又唔係剩係服務機場旅客，仲有通勤客同港珠澳客，佢地行李輕便好多亦都會肯行少少路，機場拎大 gip 客死等 A33X 去屯門公園站都冇問題，新 A33 華都站只係多一個選擇，北行就真係唔建議入返屯門公園，燈位好惡等下，反而南行停屯市對行車時間的影響唔算好大又唔係諗唔過的。

至於新 A33 同 A33X 齊齊豐景園尾站，豐景園的確係大站，呢個站的 catchment area 好大，而且未來仲有 16 區站的新樓盤都係用豐景園站，而傳統上亦都好多機場員工住豐景園/翠寧花園/南浪海灣。