律政司司長對搭巴士睇法

司長個意思係，炸晒所有隧道，要全部新界巴士翻山越嶺出市區

slsso 發表於 2025-11-13 10:38
搭巴士最緊要係啱路線，唔通唔啱路都跳上車咩

以上評論只係講緊搭巴士

其實司長無引錯例，佢都講明架巴士係曾經行錯路，咁正常做法一定係報上台(阿爺)然後等指示等派上面派人嚟帶領返呢隻迷途小羔羊重回正軌。呢個比喻都幾精準。

流星☆雨 發表於 2025-11-14 00:17
用巴士比喻其他嘢都可以貼 B2？呢個post係咪應該返去 N 版呢？

btw, 投票呢家嘢梗係問返專業嘅政制及內地 ...

由治及興下
全港欣欣向榮，有錢搵
當然唔會坐巴士咁cheap

以下故事都係講巴士

話說之前去迪士尼酒店Staycation，包佐架巴士走人。
巴士公司老闆話因為要交牌，換佐另一老闆接手不過師傅同架車不變。
佢同接手嘅新老闆傾好佐，應承佐會車我哋去東涌站。

臨去到迪欣湖師傅話總台落柯打，話出面整緊路，
要兜一兜入去等到出面整番好先至再開車。

有人話微言話點解唔係講好佐咩，有人話睇番運輸署嘅實時鏡頭，
出面好暢順喎，亦有人覺得遲到好過無到，
當然有人話出到去都係塞梗係等等好。
最終大家都係响架車上面等

等佐一陣起錨開車行佐一陣，臨轉入竹篙灣公路時總台直接廣播，
話呢架車升級做跑狗，目的地係廣州地鐵4號線嘅東涌站。

有客開始同師傅理論，有部分乘客起哄，呢個時候有乘客响車廂中間企佐响度，
話你咁騷擾師傅唔啱架。
當然亦有人話總台英明，可以搭咁遠路、廣州地鐵嘅東涌站更加好...。

過佐青馬橋架車停低佐，有陀鎗嘅上車拉佐帶頭理論嘅人，
唔少想去東薈城、富東邨、衫轆軨嘅人D見係咁落佐車，
又咁啱有入東涌機場嘅A車E車師傅經過停低望望發生乜事，
有D人上佐E車去大嶼山，有D人見機場A車都照上直去機場仲唔知點解上埋飛機。
不過有D人唔熟巴士線、有D人八仔負佐值、有D人見巴士無位坐又企唔到咁耐...留佐响度。
而家總台同師傅都話要去東涌站，至緊要齊齊上車。
車上面嘅人話唔上車阻住哂；
有人叫唔好返上車，點知又有陀鎗出黎嘅拉佐呢個人...

弊在自製塞車位,好像三隧分流咁

上咗㗎巴時但唔知幾時先開到總站，就死得啦；如果車程係好大嘅不確定性，相信唔少人會選擇去搭地鐵

Waiyin12 發表於 2025-11-14 23:02
上咗㗎巴時但唔知幾時先開到總站，就死得啦；如果車程係好大嘅不確定性，相信唔少人會選擇去搭地鐵 ...

事實上巴士跌客其中一個原因就係不確定性

一個平時唔搭巴士嘅人用巴士做比喻，錯咗好出奇呀？以前的確有郊區巴士線冇固定站頭，但起碼行車路線都係固定

講開巴士路線，以前幾多人上車都好，依家反正上車嘅人少，係唔係應該直接減班甚至殺線？成日都話車源緊拙，由90架車減到9架都夠載，仲可以億億聲咁慳。