點解中環站會用咁特別嘅月台配置？

吳宗錡 發表於 2025-12-25 00:54
點解當初荃灣綫會以中環做尾站，而唔係上環？

https://www.hkitalk.net/HKiTalk2/thread-887546-1-1.html

eternalflame 發表於 2025-12-25 01:07
https://www.hkitalk.net/HKiTalk2/thread-887546-1-1.html

呢個係1967年方案，點解1970年方案嘅「港九綫」，同最終嘅修正早期系統第三期會用中環站做總站，而唔係上環站？我意思指，點解荃灣綫－港島綫最終會採取雙胞胎轉車站設計（金鐘－中環），而唔係三胞胎轉車站設計（金鐘－中環－上環），好似荃灣綫－觀塘綫咁（太子－旺角－油麻地）？

吳宗錡 發表於 2025-12-25 02:06
呢個係1967年方案，點解1970年方案嘅「港九綫」，同最終嘅修正早期系統第三期會用中環站做總站，而唔係上 ...

當年唔係規劃咗東九龍綫，上環過海咩？咁仲有無必要將荃灣綫拉埋過去？
同埋上環邊有位搞咁多嘢？

starsessions 發表於 2025-12-24 16:53
留意一下當初係先起遮打站（預留必打站擴建），再起必打站
以當初中區大廈林立 地權複雜
好難有選址做到 ...

規劃先於興建

金鐘站被規劃做轉車站，明顯中環站若要做對面月台轉車站，
可以規劃時考慮埋。
金鐘站直頭有成塊地去起，往中環方向嘅隧道走向基本上極大彈性。

德輔道中只係比彌敦道窄唔夠1米，
要响果度地底如太子、旺角站建對面月台轉車完全唔係問題。

只係中環以西頂盡去到堅尼地城，
轉車客流唔需要對面月台轉車去應付。

s3n370 發表於 2025-12-25 04:49
規劃先於興建

金鐘站被規劃做轉車站，明顯中環站若要做對面月台轉車站，

金鐘站直頭有成塊地去起，往中環方向嘅隧道走向基本上極大彈性。

你當玩緊sim city?
海軍船塢到遮打/必打（仲有側線）途中要經過幾多財團的大廈地底，
地役權又傾唔傾得成？
如果唔係點解遮打/必打當初規劃係雙層島式，最後都要變兩個站，一個窄島式，一個雙層單邊側式？


規劃還規劃，實際要起，大把政治考量
資金夠唔夠（石油危機下，興建規劃大縮水）
人口估算有冇變
收地同地權的問題

starsessions 發表於 2025-12-25 02:43
金鐘站直頭有成塊地去起，往中環方向嘅隧道走向基本上極大彈性。

你當玩緊sim city?

如果傾地役權係障礙，咁當年係點去傾响商廈地庫/預留起出入口嘅呢？

別忘記地鐵本身就係政府成立並全資擁有嘅公司化機構。
就算今日上佐市，政府有需要係會响政策同細節配合

環球大廈係地鐵中環站上蓋物業
（雖然前身係政府物業一樣要傾收地重置），當年已經識同地產商合作。
就算再收私人地，中環全部都係商廈大孖沙剩係同你計錢，
唔會有居民情感社區連結開天殺價死都唔肯賣嘅問題。
當年經濟急速增長，出錢收完再重建隨時有賺

更何況金鐘站嘅擺位本身有彈性，點解荃灣線隧道唔可以拍住港島線响路面下行走呢？
連乜鬼地役權都避埋。

你知答案就唔駛反問而係直線抽擊，仲要反問完原來係自打咀巴，
證明你只係識玩sim city

hokachung 發表於 2025-12-24 11:17
其實設計時已經係當係兩個獨立車站（遮打站、必打站）處理，根本地理上有一定距離，咁又點做到跨月台轉乘 ...

有距離？但我見只係上下唔同層

s3n370 發表於 2025-12-25 19:26
如果傾地役權係障礙，咁當年係點去傾响商廈地庫/預留起出入口嘅呢？

別忘記地鐵本身就係政府成立並全資擁 ...

別忘記當年石油危機同股災，日本財團撤資，計劃擱置咗一年最後要縮減規模去減低成本先至可以繼續去馬。

當年嘅政府唔係依家咁話使就使，
要睇盤數（殖民地一個文官唔可能問英國注資，尤其當年都唔知97之後係點）。

老實講，如果當年我有你咁好眼光，今日就唔使喺度討論公交，係討論SUV同私人飛機。
可惜當年冇你咁好眼光，又冇錢。

MK01 發表於 2025-12-25 21:15
有距離？但我見只係上下唔同層

有冇距離太主觀 唔評論。不過睇番當年文件，無論係叫遮打同必打，定係叫中環同中環西
都係2個站。

starsessions 發表於 2025-12-25 16:01
別忘記當年石油危機同股災，日本財團撤資，計劃擱置咗一年最後要縮減規模去減低成本先至可以繼續去馬。

...

你呢個係駛自己錢嘅思維。

政府錢唔係話駛就駛係任何時候都係，縮減規模唔等於乜都縮。
永遠都要睇cost benefit analysis。

政府响經濟收縮究竟係逆經濟週期定係順勢而行兩邊都有信徒，亦唔可以一概而論。香港政府亦都試過以經濟過熱為理由，擱置大型基建工程就可見一斑

當日調整完人口增長預測，有D keep有D唔keep已經說明一切。