無數據，統屬個人觀察
以前假日紅隧東隧都有車龍，而家感覺少咗車行，加上夜晚消費活動明顯減少，而家塞車似乎主要集中響平日兩繁？
如果平均每日架次係拉埋假日嚟計，會唔會係平日集中咗兩繁過海，假日就少咗車過海，所以拉勻無大升呢？
|
|
|
http://jpoon9394.blogspot.com/
|
|
|
|
|
|
假日北上同夜繽紛都唔係 2025 先有
要影響 2024 都應該要有
所以我傾向可以排除
|
|
|
|
|
|
|
|
|
本帖最後由 on11358 於 2026-1-11 00:31 編輯
一條路塞唔塞，主要睇上游樽頸放幾多車落嚟，同下游樽頸疏導得幾快。源頭少咗車，下游自然壓力細。
好似汀九橋撞車嗰日，西隧就比平時暢通，原理一樣。
以西隧南行為例：之前油麻地出口封閉，上游西九龍公路假設有1/3車流去尖沙咀，2/3去西隧。呢2/3再加埋連翔道、佐敦、尖沙咀嘅車，
落到西隧港島出口只有兩線容量，根本消化唔到。直到西隧出口第三線通車，下游樽頸部份移到林士街天橋，東邊街樽頸冇變，所以十二月初入口有改善。
去到中九龍繞道通車，原本西九龍公路2/3去西隧嘅車，有部分車流目的地係去繞道，令西隧入口壓力再減，加上隧道入面車速提升，情況比十月好咗唔少。
不過而家上游樽頸又返到奧運站對出西九龍公路一段，情況同以前油麻地出口開放時一樣，私家車快線啲車臨近奧海城一期先突然切入左線出口，慢線啲車唔肯讓，就會頂住中線，阻住去西隧嘅車流，所以巴士車程都係比以往長，因為行唔到快線避開。
|
|
|
|
|
|
|
|
|
本帖最後由 castanopsis 於 2026-1-11 02:25 編輯
响一個口中強調講求數據，甚至標榜分析正確嘅人口中， 要量夾雜難下台等訴諸情緒嘅言辭，真係相當諷刺。
好心啦，又無啦啦變咗人身攻擊
原帖就喺度：
https://www.hkitalk.net/HKiTalk2/forum.php?mod=viewthread&tid=2167961&extra=page%3D1&page=20
下面將帖入面講西隧既嘢，完整地抽返出來
好明顯見到，我講既嘢，係應驗咗（i.e. 無提早畫巴士專線，西隧嚴重倒塞，三五七年都補唔到鑊）
而你講既嘢，好多都不似預期，出曬事
（i.e. 運輸署已經有準備，可以用價錢精準調控，七分鐘唔算多，唔畫巴士線就可以避免影響非過海車流）
今時今日見到咁既情況，你自己都轉軚覺得要搞巴士專線
呢個唔完全係你錯，錯在顧問報告估錯數，同埋無考慮到車龍長度非線性問題
但明顯見到，如果當年跟返我個套去做，就算顧問報告估錯數，都唔會搞成咁
而你話巴士專線會影響capacity
其實畫得好既，係唔會
下面串討論都有答案，唔重覆
————————————
（2023年6月，三隧分流前夕既討論）
castanopsis:
宜家問題係運輸署似乎無提前做準備，純粹打算分流咗之後再補鑊，或者甚至分流之後唔補鑊
東隧塞車都搞咗好多年，先開始將啲巴士線調過去西隧（980X/981P/982X/988等）
到輪到西隧有機會出事，其實應該提前喺分流之前畫定巴士專線，俾車流習慣
s3n370:
基本上西隧就算唔畫巴士專線，慢線大半都係巴士咁滯。
慢線做巴士專線，但上環出口响隧道口右邊，請問點樣連接呢？
早前就有TL連消防車都唔讓，出埋告票添。
運輸署同巴士公司試嘅方案未必理想，但明顯有諗過切線難嘅問題。
三隧分流後有乜應對，認同要做嘅應儘早做，但為何你斷言運輸署“無提前做準備”、 “分佐之後先補/都唔補鑊”？
呢板都經常有各區議會交運會嘅消息，事實上除佐巴士， 亦會講道路同其他交通問題。
佢做得好唔好、你認唔認同佢嘅做法係一回事， 但無做、無提早做，難道引述嘅板友造謠生事？ 你唔見有做就當無做，似乎係你嘅pattern。
castanopsis:
咁你不如解釋下運輸署做咗啲乜嘢去mitigate三隧分流對西隧巴士線既影響？ 又想了解下
s3n370:
當日估算全面實施三隧分流後，西隧繁忙時間嘅行車時間比今日多大約7分鐘。
要留意呢個估算，假設沒有分時段收費，即係三隧唔同時段嘅總車流維持今日嘅數字。 今日三隧分流嘅隧道收費，都要分階段去加，而唔係一次過調整， 即係時間唔會長好多。
咁任何估算都有誤差，睇埋第一階段先至決定點做， 係咪更穩妥嘅做法呢？
更何況，你自己都會批評我提嘅巴士專線，即係有機會做佐仲衰過唔做啦係咪？
castanopsis:
西隧塞多7分鐘其實已經頗為嚴重
全盛時期既將隧，塞到機樓，都係多大約10分鐘左右
我同意應該分階段去做，而唔係一次過去做
但個人覺得應該加咗巴士專線，run順咗保證對車流無大影響，先去做三隧分流
搵一條overcapacity既路去試巴士專線唔同畫法，係好愚蠢既一件事
設計咗巴士專線先，然後逐步引多啲車落去，按效果再做微調，明顯合理好多
s3n370:
請留意以下幾點：三隧分流收費唔會一舖過改， 估算亦未考慮到分繁忙及非繁忙時間收費。
最壞情況亦只會早上繁忙時間出現。 以前將隧塞車無論早晚繁週末都會出現，嚴重情況不能同日而語。
castanopsis:
西隧本身朝早已經慢車 再額外塞七分鐘，點睇都係頗為significant既影響
當然我認同塞車時段無將隧咁長，但呢個塞車既程度，已經等同將隧塞到機樓
My point is，點都應該係設立咗巴士專線先，run順咗，再引車落去
而唔係分流搞到塞車，然後再補鑊
甚至至今都無見到運輸署有研究過西隧設立巴士專線
三隧分流如箭在弦，宜家局方係咪打算分流完塞死曬9字頭車，然後再研究多三五七年先補到鑊？
恕我難以認同咁既處理手法
s3n370:
單單從西隧巴士嘅角度，畫巴士線係合理諗法。但睇埋big picture又如何？
三隧分流嘅目的，除咗減輕紅隧東隧嘅負荷外，
更重要嘅係避免呢兩條過海隧道嘅車龍，影響非過海交通。
包括你好著緊嘅死亡交叉。衰D講句，今日嘅基建係得咁多，
行開西隧嘅點都會中招，問題係多定少咁解。
你都識得講响東廊民康街起畫巴士專線，會令入東廊嘅車龍更長。 難道西隧畫巴士專線就唔會？
雖然三線撥一線做巴士專線嘅影響，一定不及二線撥一線。
當少佐車因為西隧無咁暢通而繼續行紅隧東隧，
咁原本塞少好多嘅紅隧東隧線搭客，無慳得咁多時間之餘，非過海巴士繼續陪塞。搞唔好的話，西隧嘅車龍一倒塞番西九龍公路，會連累出尖沙咀嘅巴士。 難道呢D就係你想要嘅結果？
再講多次西隧嘅7分鐘，係基於無分時段收費嘅計算。
一實施埋分時段收費，一定幫到手。
況且要比較，點解拎條非過海嘅隧道，而唔係直接同紅隧東隧比呢？
7分鐘係唔理想，但比較番呢兩條過海隧道，根本係小巫見大巫。
castanopsis:
紅隧式巴士插隊位
係唔會點影響道路既capacity同車龍既長度
就算將西隧其中一條線改做巴士專線
你上面都有講，要倒塞到好遠，先會影響到尖沙咀車流
本身亦可以再畫條雙白線，保障去尖沙咀既車流，唔會受隧道口塞車影響
另外，如果巴士流量太少，亦可以容許某啲搵食車行埋巴士專線
令整體capacity唔好跌太多，當然前提係要保障巴士專線暢通
宜家問題，反而係前面太多slip road匯入 如果巴士專線畫喺慢線，要做到連貫又安全，唔容易
一係就掉轉，類似BRT system咁，將中線或者快線改做巴士專線
當然要將西隧巴士轉車站搬去路中心，但呢個本身都小事，至少地理上係有空位做得到
呢個亦可以避免巴士出西隧時cut線既問題
過去十幾年 紅隧塞車，啲隧巴改曬去東隧，然後東隧塞車，啲隧巴就改去西隧
三隧分流，唔應該搞到巴士乘客連最後一條暢通既隧道都無埋
s3n370:
當條路有三條線俾車排隊，變到得番兩條，條龍長幾多唔難計算。
更重要嘅係，除非完全唔畫巴士線，否則你放多幾多類嘅車用條巴士線都好，
你嘅諗法完全defeat佐三隧分流嘅原意，就係盡用西隧嘅capacity減少紅隧東隧嘅擠塞，
及佢哋嘅車龍牽連到嘅非過海交通。
castanopsis:
分返開兩個scenario
（1）插隊位
（2）隧道撥一條線做巴士專線
第一個scenario
插隊位係唔會影響capacity
因為入隧道既時候仍然係三線full capacity
每小時處理既車流亦唔會有乜嘢跌幅
點會影響三隧分流既效果？
第二個scenario
會唔會影響三隧分流效果，好視乎巴士佔車流幾多，同容許幾多巴士以外既車行
容許得太少，就會如你所講產生倒塞 容許得太多，就唔會倒塞但就廢巴士專線武功
不過留意 流量達到某一個critical threshold既時候，車速係non-linear咁跌
意思係，其實如果調控得好，係可以保持巴士專線大致暢通，而唔會對容量有大影響
因為你只係稍為降低某一條行車線既流量，令條專線fall under個critical threshold
但呢樣嘢唔容易做，究竟係用汽車類型定pricing去達致都要再傾
s3n370:
若果整插隊位，請問可以點整呢？
另外車速同流量嘅關係唔可以話錯，但係講緊另外兩線超負荷塞緊車喎 呢D咪就係你慣常，piecemeal睇野唔理其他囉
|
|
|
|
|
|
|
|
|
本身三條隧道已經飽和，正常都唔會大升
問題係，當未分流已經用盡流量
再引多少少車落去，會令車龍非線性惡化
呢點s3n370版友都有講
|
|
|
|
|
|
|
|
|
咁我轉個用字，無顯著性增幅，因為我目測能力有限又無興趣走去計數所以直接講無大升
與其得我係度講不如你睇下數據再睇下大家把尺係咩意思先
唔好曬時間係度講「多少少車」呢啲無得量化嘅嘢
|
|
|
|
|
|
|
|
|
可以睇返數字
2023年三隧平均每日246,216架次
2024年三隧平均每日256,161架次
升咗約一萬架車
有幾多係induced demand，有幾多係人口變動，難以區分
但一萬架私家車排埋一齊，換算返已經係60幾公里既車龍
固然有啲會係非繁增幅，亦除返開幾條行車線，但唔可以話係小數目
|
|
|
|
|
|
|
|
|
奧海城問題間唔中我都有LOOP
不過明顯唔係大家關注既位
不過一D應該關注既野唔去關注
又唔去做下功課先再傾野
結果一擺事實好多人都語塞
三隧分流紅隧少左車
但真係睇數據
私家車係無明顯減少用紅隧
而西隧一年多左6球私家車用
洗左次牌
before and after既基本因素差太遠
不過以前睇新聞講西隧加價
都好易搵到D市民訪問話貴唔過西隧/減價會考慮用
即係本身西隧用量係嚴重undervalue
所以先提出多樣野
依家定以前邊個先係正常
呢樣野都係搞到人語塞
|
|
|
亂UP者無好下場
|
|
|
|
|
|
本帖最後由 KE7066 於 2026-1-11 14:13 編輯
請見 #108 同 #149。
633 無錯有引咗班車出嚟
但根本解釋唔到點解 consultant paper 係 2024 會係近磅但去到 2025 年係幾何級別惡化
尤其紅隧架車 2025 年頭十個月同 2024 年比直頭係跌個隻
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
