一般八達通全國通賣唔出?而家要包來回機鐡一齊賣

唔知幾時開始機埸冇普通八達通賣,只有旅客八達通 – 全國通卡 (銷售版)
今日睇MTR 網有一款旅客八達通 - 全國通卡（銷售版附兩程機場快綫單程車程）
呢款售價：港幣260元* (包含兩程機場快綫單程車程及港幣50元可用儲值額)

卡面款式就係原價42的一般八達通 – 全國通卡卡面...
甚至唔係比較靚的旅客八達通 – 全國通卡卡面款式

價格合不合理就兩睇了

睇個勢﹐都係MTR針對海外遊客而做。

方便佢地一程多地﹐玩埋澳門及國內。


正常﹐香港人及國內人﹐都唔會有需要在機場買八達通卡。
*或者係極少機會在機場買八達通卡。


至於八達通-全國通是否真係銷情下﹐未必有關係。
本身這張卡推出的時間﹐已經過了時機﹐用的人一定比較少。
八達通公司自己都應該預左。

今日睇MTR 網有一款旅客八達通 - 全國通卡（銷售版附兩程機場快綫單程車程）
呢款售價：港幣260元* (包含兩程機場快綫單程車程及港幣50元可用儲值額)

      搵咗下，你讲嘅應該係呢個

      按照呢個情況， 我認為係MTR針對海外遊客而設置嘅便利措施，方便佢哋行全國，類似後來被新規bang咗嘅：北京嘅C標準BEIJING PASS 全國一卡通，C標嘅灣區通全國一卡通咁，既可以係本地作為小額消費咭，亦可去其他地方搭鐵搭巴士。  但對大陸客冇作用，其因有多重選擇。

      不過， 八達通以前本身發行過支援全港交通嘅專項飛，例如國慶期間嘅『隨意行』超級通行證、全運期間發畀工作人員嘅『2025全運·香港』乘車證，其實後邊可以通港鐵等單位協商，直接整番個新『隨意行』二日咭，恆常發行，最好就唔限制乜人都可選購，有效期內免費搭，再加埋兩程機場快綫單程車程，過咗期限就係普通嘅八達通全國通咭一張，咁就多啲客買喇。

      畢竟而家節假日，AlipayCN就專門發行￥88嘅『超級全日通』QR Code日票，日日都售罄；隔籬廂八達通就水靜鵝飛，甚至省城正佳廣場度話派旅客八達通，都冇乜人攞，都係環境所迫啊 ，如果諗多啲新計仔就唔使俾支付寶打趴底啊