新皇崗口岸路線傳聞

EW9016 發表於 2026-1-20 20:54
跑狗線係得旺角 觀塘線有賺，其他都係蝕

你又知？

EvilKo 發表於 2026-1-20 16:47
錦上路好似未正常取消?

錦上路唔開好過
遲早都有北環線
嗰區又唔係多人
專心做市區好過

西記West 發表於 2026-1-20 17:26
如果無線停新田既話問題唔大
其他線應該要直入皇崗

新田本身就係駁腳位，理論上有專利直入佢嘅作用本來係可以消失，不過現實上明顯無可能全部交晒俾專利食，三間一齊都食唔晒，一來唔係每區都咁大需求，二來專利做就一定係一線多食做唔到單區點對點(其實跑狗都唔係條條得)，所以效率一定無跑狗同皇巴咁好，皇巴同新田仲有佢嘅生存空間，至少九龍公司同皇巴仲可以靠BBI做到某部份需求無咁大嘅區。

Jamesho81 發表於 2026-1-20 21:46
錦上路唔開好過
遲早都有北環線
嗰區又唔係多人

錦上路咪靠元天線做埋囉。

Jamesho81 發表於 2026-1-17 20:35
以新皇崗嗰規模理論上做到港珠澳咁區區都有都得
係鐵路會受打擊，除非佢肯減價
第日羅湖又話重建，穗深城 ...

保安局講咗羅湖無重建
只係深圳果面裝修
唔會拉東鐵過去
唔會一地兩檢
要保鐵唔洗減價
政府批巴士公司每次加價
都要B線加到盡，本地線加少少
學東鐵過境線補貼本地線
以B1做例子，只要每次加價加15%
15.3 你加四次已經等於東鐵條數
仲要取消埋兩蚊

Man@MFHK 發表於 2026-1-20 21:46
新田本身就係駁腳位，理論上有專利直入佢嘅作用本來係可以消失，不過現實上明顯無可能全部交晒俾專利食， ...

車源都係一個問題。
如果皇崗越多直車出其他區，意味巴士回車都耐咗。
唔計新田，最近嘅駁腳位就係上水、元朗同未來嘅古洞。
目前係上水最近，問題在無論上水定未來嘅古洞，都有東鐵直入福田。
而元朗去福田同樣有B1。
關鍵在元朗可唔可以同時容納到福田同皇崗嘅常規B線。
上水理論上好啲，至少好多過境客搭鐵特登出一出閘，加埋本身係新界北交通樞鈕。
但係再咁擺條皇崗B線火車站，隨時加劇周邊路面塞車情況。
個人認為係得古洞可取少少，話唔定古洞站開咗後，有班搭鐵客去落馬洲，會轉喺古洞出一出閘而唔係上水。

新田因新皇崗加科技城，雙重發展下遲下交通一定大洗牌。
科技城仲係收地階段，所以新田一定受新皇崗影響先。
新田嘅駁腳地位命運，就睇新皇崗吸咗福田（尤其是原本B1）幾多人流。
但起碼唔會降級到同普通嘅鄉村地方（例如附近嘅米埔、壆圍）冇分別，一來新田近乎係福田口岸嘅必經之路，起碼俾到福田/皇崗客做駁腳（尤其往來76K沿線鄉村地方、天北甚至機場/港珠澳大橋）。
就算霉到疫情時冇晒過境客，276B同A43P一樣停新田，連976都照開線。