運輸署運輸藍圖建議推出按需求模式提供巴士服務

黃志光指，測試主要選擇特定場景，如深宵時間和偏遠地區，而日後或在特定環境應用，如機場通宵巴士、或地方偏遠而客量不定的路線：「如有人（機場通宵巴士乘客）想到北角或鰂魚涌，本來路線係去中上環，突然有班乘客想去特定地點，編配一班特別車，可以直接甚至走一條快的路線。」

他舉例指，如機場通宵巴士，市民可預先預約，然後由巴士公司額外安排車輛或特別班次，但行車路線仍會有「基本盤」，而且「需求導向智慧公交營運模式」仍需測試，如要照顧不懂得用手機的市民等。黃志光又說，在該模式下「可以用盡啲巴士」，乘客亦可以更快歸家，現時仍要研究法律框架等。

黃志光：「這種不算是個人化，比如機場通宵巴士，平時半小時至一小時一班，因為需求不同，去很多地方跨區，20、30個站，這種模式（需求導向智慧公交營運模式）如果預先預約，例如落飛機前預計10點至11點，本身有條特別巴士線，額外會不會有巴士線安排車？如有人想到北角或鰂魚涌，本來特定路線去中上環，突然有班乘客想去特定地點，編配一班特別車，可以直接甚至走一條快的路線。」

網約小巴非網約車　運輸署稱有特定路線　機場通宵巴可研不跟站行https://www.hk01.com/article/603 ... utm_medium=referral

AV133-GX7685 發表於 2026-2-10 13:44
黃志光指，測試主要選擇特定場景，如深宵時間和偏遠地區，而日後或在特定環境應用，如機場通宵巴士、或地方 ...

其實運輸署長近年唔知有無搭過巴士
好難想像深宵時分
龍運會因為好多人預約
叫司機額外開車
仲要係行正常路線
(而中間無人預約
理論上唔會有人截車)

反而我覺得日間郊區
例如53, 94, 99之類
仲可能有得諗
可能有若干人預約就加車
無的話就一個鐘一班?

下白泥都可以係測試對象之一呀
一到週末個個睇完日落，又有堆釣魚場，沿路成堆人喺到截車
然後小巴 33 個時間表呢… 你與其信佢有車，不如信我係秦始皇啦

近年入過呢個地方兩次，兩次都等咗個幾鐘 33，兩次都係搵市區 fd 幫手 call 車入嚟接人走

WM-ateu12 發表於 2026-2-10 12:54
咁就可能要拆AB 線⋯始終大口環個位置比較尷尬，同埋用域多利道出返堅尼地城同上環一帶港島北岸係最快的 ...

A線即M47伏活

On-demand係香港好難搞，例如兩個口個班話機場巴士夠客可以整班飛站特車出黎
咁如果巴士公司收唔夠籌開唔到，盞忙死站長或者巴士公司CS食投訴

用外國經驗黎睇，on-demand通常都係有需要人士（例如長者）預先約好明日或未來
需要外出嘅去程／回程地點同時間，等巴士公司排好路線
路線亦以local trips為主，俾有需要人士外出購物、睇醫生、見朋友
因為每個客會去唔同地方，車程會比直接來回長
呢種模式嘅on-demand係高齡化社會入面係可以探討嘅

至於偏遠地區，用類似on-demand方式去整
我覺得最遠只會去就近市中心或轉乘點，咁同一般綠色小巴無分別
可能個分別在於個base service會係2個鐘一班
夠客就可以on-demand加車，只係個trigger由站長／司機去左個客個度

最後就係邊個咁有米整到個booking system
如果整完之後圍唔到皮，咁不如做返常規一至兩小時一班車好過