第四條過海隧道東西兩難全

Toz 發表於 2026-2-15 23:26
可以起雙層橋，好似青馬咁非常大風時車都行下層
同時單車／行人路都起下層，無咁食風，圍網就算啦，阻住影 ...

當年鯉魚門大橋仲想起埋油塘筲箕灣輕鐵
九龍駁東九龍線
港島駁電車
位置好似岩岩好

彩虹/慈雲山-筲箕灣段雖然都可以 1067mm，但係肯定要用現代規格闊身車卡同埋爬坡能力較強嘅電車
同埋如果雙層電車去到油塘都幾正

Toz 發表於 2026-2-15 02:31
鯉魚門兩邊既山都超過六十米高
反而係起太高唔容易搵位落地

得60米唔夠啦
曾經泊過啟德郵輪碼頭嘅最大郵輪海洋奇蹟號本身已經高73.5米，以啟德為母港嘅最大郵輪海洋光譜號亦高72米，呢個高度數字仲要已經係最大負重時嘅高度 (吃水線以上高度)，通常都唔會喺最大負重姿態出現
如果要起橋，通航淨高已經起碼要80米，橋面就要再高幾米，仲要預留未來可能有更大郵輪進出鯉魚門，橋面有機會要高達100米
100米嘅橋面，要落返地，以坡度3.5%去計，引道就要長超過2.5公里
睇下依家昂船洲大橋80米嘅橋面，要落去興華街西個地面迴旋處，就已經超過2公里

起海底隧道就唔會出現咁長距離嘅引道，一黎最深嘅地方唔會去到100米 (e.g. 西隧最深處只係大約-30米)，二黎海床最深處通常都喺中間，近岸兩邊已經可以幫手爬升唔少

i-Lens 發表於 2026-2-23 12:34
得60米唔夠啦
曾經泊過啟德郵輪碼頭嘅最大郵輪海洋奇蹟號本身已經高73.5米，以啟德為母港嘅最大郵輪海洋光 ...

60米只是港島一邊既地表高度，九龍果邊更高，兩邊都係石頭山，地表高可以降低橋柱高度

九龍落點接駁將軍澳跨海大橋直線都兩公里遠，至於接駁油塘，宜家去墳場條路去到一半都過左百米線了，就算80米淨空坡度唔係問題
港島果邊去柴灣方向都拉得開，就差另一邊點算，圍住鯉魚門公園果座西灣山落斜？係海邊拉到太古城？

80米淨空其實已經over 左，真係要咁高淨空既郵輪泊到幾多地方？金門大橋都只係六十七米淨空，同埋維港又唔係得一個入口

至於隧道，係非常依賴交椅洲填海，唔填做唔到
仲有如果按宜家個需求三隧繁時都超飽和，加埋北都同交椅洲本身既需求其實多一條都係Ｏ岩Ｏ岩好

jpoon 發表於 2026-2-20 03:15
邊度地底先? 仲有點駁東區走廊? 夠唔夠buffer?

港島仲可以明挖穿過鯉魚門公園，由柴灣道中間匯入柴灣道，取消亞公岩道燈口，甚至可以參考中九幹上觀繞，迫柴斜落山嘅車由筲箕灣巴總上橋。

i-Lens 發表於 2026-2-23 12:34
得60米唔夠啦
曾經泊過啟德郵輪碼頭嘅最大郵輪海洋奇蹟號本身已經高73.5米，以啟德為母港嘅最大郵輪海洋光 ...

鯉魚門好似43米深，但得420米咁窄，唔知要點起海底隧道？

巴士的膠 發表於 2026-2-24 21:03
港島仲可以明挖穿過鯉魚門公園，由柴灣道中間匯入柴灣道，取消亞公岩道燈口，甚至可以參考中九幹上觀繞， ...

如果你要響鯉魚門起隧道，咁九龍／將軍澳果邊點駁？

仲有你駁柴灣道，要啲車剷上到咁高再落地底，好嘥油電啫，唔通要小西灣／工業區啲車行柴灣道入去？

Toz 發表於 2026-2-23 20:04
60米只是港島一邊既地表高度，九龍果邊更高，兩邊都係石頭山，地表高可以降低橋柱高度

九龍落點接駁將軍 ...

墳場條路有幾多空間畀你擴闊？

鯉魚門道每邊得2綫，食唔食到咁多車流？

成個郵輪碼頭咁近鯉魚門，唔係要人兜另一邊走咁搞笑呀？

jpoon 發表於 2026-2-25 06:23
墳場條路有幾多空間畀你擴闊？

鯉魚門道每邊得2綫，食唔食到咁多車流？

填場條路點解擴闊唔到？
山邊既龍翔道西段去到呈祥道三十年前擴闊左一半到一倍，亦都拉直左好多地方，你去睇下係乜野結構先

呢條橋實際上主要係比將軍澳用，係藍田出發點解唔行東隧？鯉魚門最多就係食埋去柴灣筲箕灣既車流，點解你會覺得會唔夠用？

郵輪過唔到？港島果邊地表都六十幾米高（九龍果邊更高），條橋再起高十幾廿米，已經七十幾米淨空，高過昂船洲大橋，點樣過唔到？一話你覺得將來Ｄ郵輪會造到一百米高？有無諗過郵輪要去其他港口，其他港口都可能有橋？例如金門大橋淨空"只有"67米，巴拿馬運河上既美洲大橋淨空得61米左右

Toz 發表於 2026-2-25 07:15
填場條路點解擴闊唔到？
山邊既龍翔道西段去到呈祥道三十年前擴闊左一半到一倍，亦都拉直左好多地方，你去 ...

起得呢d橋，都應該會係快速公路，引道會唔會係條1:7-1:8嘅大斜路？諗下都知唔會用填場條路擴闊，要另外再起一條冇咁斜，但兜到唔知點樣嘅引道

金門橋係六十幾米淨空，但人地條橋差唔多成百年前，當年有冇船六十幾米高？佢點解要起到六十幾米高？

jpoon 發表於 2026-2-25 06:20
如果你要響鯉魚門起隧道，咁九龍／將軍澳果邊點駁？

仲有你駁柴灣道，要啲車剷上到咁高再落地底，好嘥油 ...

其實可以考慮下焗柴i搬去北都大學園，然後用原址起呢條隧道嘅港島出入口，駁通東廊杏花段