1990年的香港過海隧巴服務

當年101極風光之時，觀塘都未升格被叫老母，又搶佔傳統九龍及港島住宅、工業及商業命脈，加上絕大部份路段地鐵不能到，船程又太慢，甚至取代101要轉車駁地鐵，費時失事，101長期穩佔５０部車以上。加埋111本身夠兩巴養起大部份蝕錢路線。
而102同112配搭，基本上又係遊客至愛，又係住宅區與商業核心命脈，兩間巴士公司加埋呢兩條線，先可以令到咁多蝕到喊嘅線去營運落去。
到101, 102, 111, 112號客量放緩，970又未開到，602又輸俾城巴118。顏氏已經話炒樓好過做巴士，全力將心力搬哂去物業身上。可見港島巴士無得做之餘，人口及交通流量已經係夕陽了。

城巴5B北岸流水線，自誇２分半鐘一班車，新巴用18捷徑王去打。新巴8P崛起，城巴用8X去打爛仔交嘅日子，銅鑼灣１分半鐘有一部車去小西灣的兩場大戰，其實好明顯，城巴因為當時投中巴88線已買好哂車，因為爆冷新巴贏咗，得車得人無所用，所以用車浸同員工浸去浸大個市場佔有率，明顯，如果唔係先有930，後有962及969系填氹，城巴何來有彈藥去打呢場爛仔交。5B本身同10號，開幾多蝕幾多，18號優勢係用少好多部車，避開大部分癱瘓路段。淨係呢度只用人哋約四分一嘅車輛，營業額好人哋Ｎ倍。

只係巴士迷對通宵線好大情意結，緣於城巴隧巴24小時化計劃。九巴自己都話通宵車開幾多蝕幾多，成日都想通宵線可以最疏15-20分鐘一班，由銅鑼灣或油尖旺直接返屋企。社運前就算夜生活遍地開花，但從來未見咁容易坐爆一部通宵巴。就算九巴大力鼓勵貓頭鷹日子，N216開到最密６分鐘一班，鼓勵全世界轉N216去油尖旺，結果咁樣構思下的通宵路線模式，N216密密車都係唔夠20人行彌敦道。

N102同N122，老實話，兩隻老虎點會可能並存？N122討好之處就係有由1975年開始嘅免費隧道過車優勢，N102下下都唔夠３０人過海。

所以好老實，過海線好睇，但香港生態係靠一兩條養起全家，都係一句，人口老化同大幅下滑情況下，加上地鐵系統完善化，傳統市區線及隧巴線，只會一路拖後腳陀衰家。所以導致今日巴士公司以收費標準重塑去做好新一輪重組準備，單向分段，短途路線已經不再合時宜，邁向長途線多段短距收費，精簡路線架構，開闢新跨區客源，新小區建立品牌形象等，才為巴士公司自救策略。

ENS529 發表於 2026-2-20 17:00
咁606X的確有係做小西灣去九龍灣嘅客喎，
而且608P開車時間又完全睇住九巴時段嚟食

如果九巴要反對 608 經觀塘
最直接方法就係衝出嚟幫自己半條 606 加時
咁你估城巴會唔會肯一齊加？

唔會嘅話
自然兩件事都唔會發生