近年居屋綠置居外圍鐵閘問題

為何近年新建居屋外圍都重門深鎖，禁止外人進入屋苑公共範圍，例如啟德啟欣苑，啟盈苑，鑽石山啟翔苑，相反綠置居就冇呢個問題，例如長沙灣麗翠苑，都可以比任何人進入屋苑範圍

麗翠苑係公屋綠置居混合嘅屋苑（5，6座為公屋），所以跟返公屋嘅配置？

1234567 發表於 2026-2-20 12:30
麗翠苑係公屋綠置居混合嘅屋苑（5，6座為公屋），所以跟返公屋嘅配置？

其實以前居屋就係公屋隔離有幾座賣

用黎填補埋起公屋既支出

所以同而家綠置居一樣，只係唔同左個名

你都幾有趣，居屋同私樓都係賣散咗業權畀小業主，只係未補地價嘅居屋有轉售限制咁解，人哋屋苑點管理自己嘅保安有人哋嘅自由，只要無違返批地條款就可以
仲有，你個近年都幾唔近年吓，求其揾吓都揾到啲舊居屋（例如天祐苑、天麗苑）有門禁限制進入屋苑範圍

hokachung 發表於 2026-2-20 14:21
你都幾有趣，居屋同私樓都係賣散咗業權畀小業主，只係未補地價嘅居屋有轉售限制咁解，人哋屋苑點管理自己嘅 ...

咁好多舊屋苑都冇門禁，廣明苑，富康花園都冇門禁，到底居屋用咩準則去定立門禁，如果棟大廈地下有社區設施，例如有幼稚園，老人院，商店等係咪都唔會有門禁？

反而唔明廣明苑 富康花園呢D所謂「舊」屋苑點解要整得咁open, 始終賣出去嘅當然係要規格高一d.

當公屋都意識到保安問題, 由以前完全冇掩雞籠增加鋼閘同保安守衛, 居屋有圍牆或鐵欄柵圍住成個屋苑其實好應該.

EX-TL 發表於 2026-2-20 16:06
反而唔明廣明苑 富康花園呢D所謂「舊」屋苑點解要整得咁open, 始終賣出去嘅當然係要規格高一d.

當公屋都意 ...

仲有觀塘寶珮苑都係，反而居屋第三期嘅康田苑係有閘，以我所知藍田康盈苑係有閘，但夜晚先會關閉，因為要就地下間幼稚園？
我反而想知興建中嘅九龍灣盛緻苑點解會加圍欄，我見基座頭幾層係展能中心,特殊幼兒中心，如果加左鐵閘咁外人點入去呢啲社福設施，定係跟返康盈苑咁夜晚先閂返對閘，反而隔離嘅宏緻苑就冇呢個問題，完全係開放式設計

li1872903 發表於 2026-2-20 14:33
咁好多舊屋苑都冇門禁，廣明苑，富康花園都冇門禁，到底居屋用咩準則去定立門禁，如果棟大廈地下有社區設 ...

上水翠麗花園

除咗屋苑商場鳳南路行人出入口（270巴士總站外坑對面馬路）同埋隔籬嘅街舖之外
基本上全個屋苑範圍（包括第4-5座地舖幼稚園，同埋鳳南路街舖以外嘅成個屋苑商場舖位）都係喺門禁範圍之內

而商場鳳南路出入口本身已經比其他門禁出入口隔涉得多之餘，門口嗰一級地台仲要係一般樓梯嘅2-3級高度
（aka 輪椅、手推車或行李人士要用門禁出入口）

P.S. 本身個屋苑有圍牆但係冇門禁，係大約2016年左右時任業委會認為屋苑太多街外人出入，於是喺商場鳳南路出入口以外嘅所有行人出入口加門禁，初頭仲要所有出入口嘅門禁都係24小時生效

係屋苑改做法團制之後，時任法團先至將門禁放寬返做每晚21:00至第二朝清晨（停車場正門）同埋每日早晚兩繁以外所有時段（西閘，aka 270巴士總站出口斜對面）先有門禁
但係天平路嗰邊嘅兩個出入口（建造訓練局九巴站對面馬路、翠麗第3座九巴站旁邊）就照keep 24小時門禁

EX-TL 發表於 2026-2-20 16:06
反而唔明廣明苑 富康花園呢D所謂「舊」屋苑點解要整得咁open, 始終賣出去嘅當然係要規格高一d.

當公屋都意 ...

第一城、太古城、黃埔等等呢啲老牌大型藍籌私樓屋苑，由街外至到各座住宅大廈地下大堂門口嘅屋苑範圍，都係冇門禁
又唔見當地居民強烈要求加返門禁

busnrail_fans 發表於 2026-2-20 22:23
第一城、太古城、黃埔等等呢啲老牌大型藍籌私樓屋苑，由街外至到各座住宅大廈地下大堂門口嘅屋苑範圍，都 ...

我講緊居屋, 點解你舉埋啲私樓嘅, 私樓佢哋各自為政啦, 居屋係房委會/房協, 兩樣嘢點撈得一齊嚟講呢!

其實以保安角度計, 真係要有牆或欄柵圍住屋苑, 盡量減少外人自由進出, 以及減少保安人手, 減低管理費成本, 尤其現今新屋苑管理費越來越高, 舊嘅屋苑唔整由得佢繼續唔整冇所謂, 新嘅應該整得就整.