我又人工加得少、工時長，我都去瞓馬路！

原帖由 a396 於 2007-8-12 22:22 發表
但係, 佢地咁出街法, 我覺得解決唔到
呢個問題囉, 最好就坐低慢慢傾掂佢,
傾到大家都滿意為止, 除非建築商反口
覆舌, 死都唔認數咁先諗下一步行動係
點.

就算加到人工，佢地準唔準時收到，甚至收唔收到，都係個未解決的問題...

不過講到工時, 我試過一周做成八十幾九十個鐘,
不過無ot, 無補假, 只有飯錢同的士錢咋,
計落一日都無800蚊. 仲要大學生.

原帖由 letchan 於 2007-8-12 19:30 發表
九七年後所一直積壓的社會問題。終於都爆發。
處理得唔好，真係暴動。

當年英國山高皇帝遠奈班左仔唔何。
而家暴動？恐怕只會俾屍骨未寒既馬主席一語成讖：
中央派解放軍坦克出來當大家豬咁碌──犯站規都係咁話。

雖然搞到出暴動政府明顯責無旁貸 (就算對方被人煽動
都係咁話──唔令反動份子有機可乘係政府應有責任)，
但一去到呢個地步就基本上無轉彎餘地。

原帖由 PB602 於 2007-8-12 22:30 發表
其實班工人反而應該要求"搞手"職工盟同埋佢既政治盟友作出明確承諾, 要求佢地下次
參予討論牽涉政府工程既議案時, 要以工人利益為優先, 如果唔好再用其他理由去反對
工程上馬. 如果佢地要反對工程的話, 應該向工人給予明確交代.

不要混淆視聽﹐立法會最終否決了多少工程撥款？印象中... 好像只有十號幹線 (北段)。

好像政府根本近年連 290 億的工務基建預算﹐在推出財政預算案前也未能獲內部全數認投﹐
廖秀冬的『環境運輸工務局』、孫明揚的『規劃房屋地政局』全屬政務司管轄﹐但卻要跨部部門向
財政司申請撥款﹐職責已存在極大矛盾。

政府現將大型基建、城市規劃及發展等事宜﹐大部份都交予新成立的發展局負責﹐並由財政司管轄﹐
相信更能增加落實基建的速度。

原帖由 lch 於 2007-8-13 00:34 發表
不過講到工時, 我試過一周做成八十幾九十個鐘,
不過無ot, 無補假, 只有飯錢同的士錢咋,
計落一日都無800蚊. 仲要大學生.

咁比較係無意思ge...亦都唔好睇少做體力勞動ge，佢地隨時好搵過U grad。

800蚊一日，睇落好似好筍，
之不過，佢地係有工開先有800蚊，唔係平均有800蚊一日...

唔好講佢地有幾辛苦，工作環境有幾高風險，長期勞動有幾多後遺症先啦。
公司除佐俾份人工你之外，你仲可能有年假、強積金、勞工保險等福利，仲大多數可以準時有糧出。
而呢d野，好多工人未必會有。情況更差ge大有人在。

[ 本帖最後由 s3n370 於 2007-8-18 22:43 編輯 ]

原帖由 LV27 於 2007-8-13 00:20 發表
其實最大問題係政府, 政府工程由小型維修到大型項目o既顧問費同建造費都係價低者得,
判頭接到Project又判落去, 一般十零萬o既維修工程都可以判三層, 大型項目真係無底深潭 ,
個價錢已經好低, 甚至蝕本, 仲要判 ...

乜你認為若不是由價低者得，經判上判後工人都可以得到多ｄ工資？
價高者得，只會係中間人食水深ｄ。問題根本係供求問題，前面都有
人講左，行程係$800一工，但若有人$500都做，咁仲會唔會有人出$800？

班紥鐵大佬係慘，但用咁既方法去爭取，結果一定會失敗！

不過話時話，廿年前聽老豆講，紥鐵一日搵過千蚊都有架！建造業衰
落及大量黑工湧入，再加上金融風暴，先搞到佢地無啖好食。唉...

除了那班工人外，亞一哥都有問題：

班工人唔係第一日封馬路，點解要在封中環後先走出來講嘢，
早兩日封土瓜環、旺角又唔出聲，唔通在九龍唔近特首就睇唔
到？

即使大型工程比以前更快獲批，

近年很多主要工程的預製組件已經改由內地製作，

例如昂船舟大橋、環球貿易廣場鋼結構組件等，

香港工人比以前更難搵食。

講講下，請問有冇人解釋下紥鐵究竟係要做乜？謝！

原帖由 HY671 於 2007-8-13 11:20 發表
講講下，請問有冇人解釋下紥鐵究竟係要做乜？謝！

將鋼筋按要求排好紥妥成型, 再倒入石屎 (有錯請指正)