我又人工加得少、工時長，我都去瞓馬路！

原帖由 HY671 於 2007-8-13 11:20 發表
講講下，請問有冇人解釋下紥鐵究竟係要做乜？謝！

原帖由 LV27 於 2007-8-13 00:20 發表
紮鐵呢行唔係人人都做得黎, 除o左需要o既技術好講究之外,
仲要日日o係天面度紮鐵模比其他工人落水泥, 日灑雨淋,
你試下走上地盤天面就知環境有幾差, $800一日算平啦!

原帖由 PB602 於 2007-8-12 22:30 發表
由來$800加至$850, 加幅已經達6.25%, 相信香港無幾多勞動行業有咁好加幅. 如果
咁都唔滿意, 仲要利用妨礙公眾既行動去爭取, 相信只會失去市民支持.

其實香港建造業工人最大問題係唔夠工程, 而家私人樓已經起得少, 而好多重建工程
及政府基建工程又因為面對各式各樣既反對而一拖再拖唔能夠上馬, 呢個先至係問題
關鍵.

而家"商會價"雖然係$800一工, 但有位示威者都承認佢地俾人壓價嚴重, 有時壓至$500
一工都有. 如果市場上建造業工人仍然係供過於求的話, 即使商會價升至$2000一工都
好, 工人都最後一樣會俾人壓價, 咁你搞咁多野又點?

其實班工人反而應該要求"搞手"職工盟同埋佢既政治盟友作出明確承諾, 要求佢地下次
參予討論牽涉政府工程既議案時, 要以工人利益為優先, 如果唔好再用其他理由去反對
工程上馬. 如果佢地要反對工程的話, 應該向工人給予明確交代.

西區地鐵起一個通風口都可以嘈一大餐,
龍鼓灘個後欄填海都有人反對
要發展香港,談可容易

真係要多得一班為民請命區議員,

請勿對號入座

原帖由 Bristoll5g 於 2007-8-13 11:48 發表


將鋼筋按要求排好紥妥成型, 再倒入石屎 (有錯請指正)

我讀poly 時, 都係工場扎過鐵....本身要扎其實好簡單,
一條鐵線"對接", 放好, 再用個勾, 勾住個頂, 轉轉轉就ok...
唔駛點大力的....不過辛苦是, 正如版友講左, 在天面的工作....

但工人本身個個都辛苦, 我那時夏天去地盤做窗的防水測試,
要關晒d窗, 裡面真係焗到傻, 又大麈, 所以工程界的,
度度都有辛苦之處吧.....

原帖由 Wattyung 於 2007-8-11 23:01 發表
早幾日唔知乜事，有班師傅走晒出馬路抗議，初頭以為又有無良顧主唔
出糧，有汗出、無糧出！但連續幾天都見呢班大佬遊行、集會、瞓馬路，
原來係話要加薪+減工時。

大佬，香港地好多人都話加人工加得少，好多人都話工時長。咁點呀，
...

香港人實在是很務實，說得難聽一點
就是世界仔，事不關己己不勞心。

然而，閣下既然知道香港許多人工時長，人工又不足，
知道我們許多人都是坐在同一條船上，
為甚麼不團結一致，反對這些不公義的剝削視若無睹？

我不是說一定要以行動支持、參與工人的行動
（至少我亦相信工人也許能有更好的方法表達訴求）
不過至少也不要在他們困難的時候，落井下石，傷感情吧。

記得有一句名言，出自德國牧師Martin Niemoller：

「當初他們（法西斯德國納粹黨）殺共產黨，我沒有作聲，因為我不是共產黨；
後來他們殺猶太人，我沒有作聲，因為我不是猶太人；
再接下來他們殺天主教徒，我仍然保持沉默，因為我不是天主教徒；
最後，當他們開始對付我時，已經沒有人為我講話了……。」

香港人，公民力量已不夠強盛，
別四分五裂，墮進資本家的剝削魔掌了。

[ 本帖最後由 S3BL100 於 2007-8-13 21:33 編輯 ]

原帖由 chai 於 2007-8-13 00:55 發表
不要混淆視聽﹐立法會最終否決了多少工程撥款？印象中... 好像只有十號幹線 (北段)。

認為立法會通過撥款 = 唔拖延工程先至係混凝視聽.

如果而家立法會通過一項工程就代表可以上馬的話, 咁皇后碼頭司法覆核又係
咩一回事? 事件背後係有立法會議員支持喎! 你睇長毛, 反對中環填海工程又係
佢, 支持班工人阻街又係佢, 咁究竟佢響呢件事上既立場係點?

如果佢係事事以工人優先的話, 就應該支持中環填海工程, 甚至支持填海區起多
D大廈等工人有工開. 工程唔夠, 工人開工不足, 到最後即使爭取到商會出$950一
工都好, 實際上工人都會俾人壓價, 損失既都係工人.

而如果佢係以保育及環境優先, 反對香港進行太多工程的話, 就不如想辦法幫工
人轉業又或者幫佢地爭取去澳門搵食.

原帖由 HY671 於 2007-8-13 09:25 發表
乜你認為若不是由價低者得，經判上判後工人都可以得到多ｄ工資？
價高者得，只會係中間人食水深ｄ。問題根本係供求問題，前面都有
人講左，行程係$800一工，但若有人$500都做，咁仲會唔會有人出$800？

班紥鐵大佬係慘，但用咁既方法去爭取，結果一定會失敗！

不過話時話，廿年前聽老豆講，紥鐵一日搵過千蚊都有架！建造業衰
落及大量黑工湧入，再加上金融風暴，先搞到佢地無啖好食。唉...

九七前工程一樣係判上判, 地產商比而家更無良(你睇長X集團起盈X半島時咁偷工
減料就知道佢扣大判錢扣到人地幾咁無啖好食), 而且仲有合法外勞競爭, 但點解紥
鐵工人薪金反而有千幾蚊一工?

點解? 講到尾就係供求問題. 當時地產市道旺, 有大量公私營樓宇地盤, 再加上機場
核心計劃多項超級工程, 市場對工人需要大, 咁幾無良既建築商同判頭都要出高價
請人, 否則無人開工要延期的話, 仲人Claim都Claim到破產.

原帖由 3ASV196 於 2007-8-13 20:27 發表
我讀poly 時, 都係工場扎過鐵....本身要扎其實好簡單,
一條鐵線"對接", 放好, 再用個勾, 勾住個頂, 轉轉轉就ok...
唔駛點大力的....不過辛苦是, 正如版友講左, 在天面的工作....

但工人本身個個都辛苦, 我那時夏 ...

做紥鐵係辛苦, 但地盤工有邊個唔辛苦? 倒石屎個D咪又係響天面開工, 做搭棚就更要
搵命博添. 最慘係做無牌個D雜工, 擔擔抬抬, 一日分分鐘得三百蚊一工渣!

原帖由 3ASV196 於 2007-8-13 20:27 發表


我讀poly 時, 都係工場扎過鐵....本身要扎其實好簡單,
一條鐵線"對接", 放好, 再用個勾, 勾住個頂, 轉轉轉就ok...
唔駛點大力的....不過辛苦是, 正如版友講左, 在天面的工作....

但工人本身個個都辛苦, 我那時夏 ...

如果係就咁紮梗係容易啦...
體力上最辛苦ge，係用人手將鐵枝，根據圖則分配到適當的位置。
遇上d鐵打哂交ge，更巧工夫同體力。
所以，幾乎個個紮鐵工人都大隻過港男。幾乎肯定佢地係工地上最惡的工人。

無記錯的話，紮鐵工人要包辦埋開鐵料同屈鐵，呢d都要有d技術先做得好ge，如果唔係點會貴過雜工咁多？

原帖由 S3BL100 於 2007-8-13 21:22 發表


香港人實在是很務實，說得難聽一點
就是世界仔，事不關己己不勞心。

然而，閣下既然知道香港許多人工時長，人工又不足，
知道我們許多人都是坐在同一條船上，
為甚麼不團結一致，反對這些不公義的剝削視若無睹？

我不是說一定要 ...

視若無睹?
我開文之用意係要表示我對這班人的行為不滿,唔係
話佢地無理由喎!係咪要全港人一齊瞓馬路去支持?

落井下石?
我有邊句說話有呢個意思?

唔通用呢D行為來達到自己目的還要支持?

唔係呀馬!

請賜教!