我又人工加得少、工時長，我都去瞓馬路！

原帖由 da54 於 2007-8-20 16:05 發表
點解一 d 高度勞動的工人的人工要高過果 d 大學生就唔得？
難道扎鐵唔係專業？唔通果 d 名牌大學畢業生又識扎鐵？

希望各位唔好憎人富貴厭人貧.... ...

無錯扎鐵係專業, 要去VTC考牌. 但比起同樣響建築地盤工作既土木工程師, 邊樣
涉及既專業成份多D? 邊樣既要求大D? 邊樣既責任重D? (工程師計錯數要承擔刑
責, 好可能俾人拉去坐監, 扎鐵工人扎錯鐵最多俾人炒)

呢個唔係憎人富貴厭人貧既問題, 而係社會供求問題, 藍領工人比白領受薪者平均
收入低, 幾乎係全球現狀.

唔係無例外既, 北韓就應該例外. 而六十年代既中國, 智識分子同工農階段收入亦
都相近.

其實好認真咁講, 如果市民大眾普遍認同日薪$850屬於偏低, 而事實上市場又俾
唔到呢個價的話, 可以考慮實行價格管制(即行業最低工資)甚至國有化(即所有扎
鐵工人由政府聘用, 地產商規定必需使用政府作為建築商)等等左傾手法.

原帖由 chai 於 2007-8-20 20:25 發表
正因他們是散工﹐所以根本將 $850 x 30 等於他們月薪是有問題﹐
根本在體力和供應數量上﹐也難以達至每月超過20天工作的數目....

地盤工人係一星期開六日工既, 一個月開工26日, 九七年高峰期時甚至好多人
(包括搭棚, 釘枝, 扎鐵等高需求工作)真係一個月只休息一兩日.

佢地習慣左體力勞動, 而且體格亦已經操到好Fit, 所以比一般嘆慣冷氣既學生
或白領更耐勞.

其實以前亦有人提出過工人應該轉為月薪, 但香港建築商而家根本無咩香港工
程可接, 要紛紛去澳門競投工程既程況下, 亦好難作出呢類轉變.

既然大家認為扎鐵商咁無良, 或者可以考慮由政府建築署以公務員聘用條件去
聘請各類地盤工人, 然後立法規定以後香港所有由公帑支付既建築工程都必需
由建築署承接, 咁就可以解決薪金又或者係開工不足既問題.

原帖由 PB602 於 2007-8-20 20:50 發表


無錯扎鐵係專業, 要去VTC考牌. 但比起同樣響建築地盤工作既土木工程師, 邊樣
涉及既專業成份多D? 邊樣既要求大D? 邊樣既責任重D? (工程師計錯數要承擔刑
責, 好可能俾人拉去坐監, 扎鐵工人扎錯鐵最多俾人炒)

呢個 ...

本身札鐵工的的公價機制就係為此黎來，之不過當有關制度比設計呢個system的人濫用的話……

商會成日就係敦起個「當你班扎鐵佬係傻仔」的心態，以為餓下班人幾日佢地就會驚的古代logic，先會搞成咁……
(可惜宜家扎鐵佬係冇野可以做本咁輸，宜家一撻着佢地把火的話，對佢地落再多的冷卻都只係白用)
有句說話好：你係精，但我都唔係好似以前咁笨啊……

[ 本帖最後由 500 於 2007-8-20 22:34 編輯 ]

原帖由 PB602 於 2007-8-20 20:57 發表

地盤工人係一星期開六日工既, 一個月開工26日, 九七年高峰期時甚至好多人
(包括搭棚, 釘枝, 扎鐵等高需求工作)真係一個月只休息一兩日.

佢地習慣左體力勞動, 而且體格亦已經操到好Fit, 所以比一般嘆慣冷氣既學生
或白領更耐勞.

其實以前亦有人提出過工人應該轉為月薪, 但香港建築商而家根本無咩香港工
程可接, 要紛紛去澳門競投工程既程況下, 亦好難作出呢類轉變.

既然大家認為扎鐵商咁無良, 或者可以考慮由政府建築署以公務員聘用條件去
聘請各類地盤工人, 然後立法規定以後香港所有由公帑支付既建築工程都必需
由建築署承接, 咁就可以解決薪金又或者係開工不足既問題...

您真係計漏打風落雨呢d野，足以令地盤工人開少數日工
...仲有係建築署承接都可能外判

另方面，小弟曾經係地盤做過文員，知道扎鐵唔似墨斗呢ｄ工種係建築工程各階段都會出現的．．

原帖由 Crotone 於 2007-8-20 22:05 發表

您真係計漏打風落雨呢d野，足以令地盤工人開少數日工
...仲有係建築署承接都可能外判

另方面，小弟曾經係地盤做過文員，知道扎鐵唔似墨斗呢ｄ工種係建築工程各階段都會出現的．． ...

冇野ge，有人要assume每天都係fine weather的話都係無可厚非的……

不過，有人連地盤工同扎鐵工的分別：地盤工每週開六日工 = 扎鐵工都係每週開六日工呢個謬論都講得出的話……

[ 本帖最後由 500 於 2007-8-20 22:39 編輯 ]

原帖由 500 於 2007-8-20 22:31 發表
冇野ge，有人要assume每天都係fine weather的話都係無可厚非的……

不過，有人連地盤工同扎鐵工的分別：地盤工每週開六日工 = 扎鐵工都係每週開六日工呢個謬論都講得出的話…… ...

咩叫"地盤工"? 地盤入面係有好多工種, 而扎鐵係其中一種. 無錯一個地盤唔會由開始到完工都需要
扎鐵工(同地釘版同搭棚都係一樣), 但香港九十年代建築業興旺時扎鐵工(同其他專門工種)係做完一
個地盤之後就接住做另一個, 根本度度都要人(如果唔係機場又點會引入咁多外勞), 肯做的話一個月
只休一兩日搵三四萬蚊一個月既大有人在, 呢樣野你又知唔知? 如果認為而家既扎鐵工人一星期開唔
到六日工就以為佢地以前都開唔到六日工先至係謬論.

而家正正係因為工程唔夠(地盤唔夠無得做完一個即刻做第二個, 因為而家地盤少, 你做完時人地個地
盤又因為工程進度問題而未需要扎鐵佬住. 以前地盤多, 幾時都遇到有扎鐵工開既地盤), 再加上而家D
住宅又多數用預製件(onsite扎鐵工作少左, 因此即使有工開, 工期都比以前短), 兩個因素下需要用到
扎鐵既工作少左好多, 所以先至搞到好多人即使有一個地盤做, 但好快就做完然後無工開.

原帖由 Crotone 於 2007-8-20 22:05 發表
您真係計漏打風落雨呢d野，足以令地盤工人開少數日工
...仲有係建築署承接都可能外判

另方面，小弟曾經係地盤做過文員，知道扎鐵唔似墨斗呢ｄ工種係建築工程各階段都會出現的．． ...

如果將"國有化"推行到底的話, 建築署就應該利用公務員一手包辦都唔應該將工程外判啦.

建築工人月薪制/包薪制呢樣野講左好耐, 咁點解無人借呢個機會拎出黎講呢? 穩定收入更勝
較高既日薪, 對工人更有保障.

除以上提及過既"國有化"之外, 唔想咁激既, 政府可以帶頭要求政府工程承建商實施工人直
接包薪制, 並且要有僱用合約及糧單以作對照. 當大判被迫養住一班人之後, 就唔會輕易再
將工程判出去, 少左判上判既問題.

當然, 咁做既代價就係標價直線上升, 納稅人負擔多左. 但為左捍衛呢班為香港建設出力出
汗既工人, 即使要納稅人俾多D錢又有咩所為?

原帖由 petcity 於 2007-8-20 23:10 發表

如果樣樣事因為有背景可以做到咁激，咁好多野仲
有秩序？如果你係要覺得我講既唔岩，我唔會怪你
但我覺得，因為咁仲要影響到到其他人，他日換轉
角色時，千萬唔好咁話人影響到你 ...

唉，人家理想抱負遠大無比，
我們這些小人物還是不要自暴其短好一些。

原帖由 238X 於 2007-8-20 23:21 發表


唉，人家理想抱負遠大無比，
我們這些小人物還是不要自暴其短好一些。

言則一般「世界仔女」級的港人去一個目的地時遇上遊行的blockage的話就唔識玩detour？

又，宜家的社會成日都話向和諧出發，但現實就已經唔係向果邊行……
就好似上便咁：個個人只能lock死人地對自己的影響，而唔去understand一下人地的苦況。

你話有人想抱負？對唔住，我自問就唔係咁ge人。
之不過我家庭係一pair由地盤出身的父母關係，我個人唔主張一般人成日玩的1 side game law……