九巴39M 修訂班次

AVD1 發表於 2026-3-24 20:02
最少作為街坊嘅我都行多過坐車，
來回要成 $ 8.60 嘅時候，行十幾分鐘落到山，當作運動又何樂而不為。

咁點都有班客係點都要坐車，早繁荃灣中心留後荃景飛站都趕唔走。
仲要多得綠小hea住做/做唔切

3bx 發表於 2026-3-24 18:41
循環線都可以有私牌，講真班次有時點都會有些唔穩定，富華街都叫做有四條線上荃威，又唔係清唔到客
如果 ...

39M本身已經係最後一段路，其他主線都不停「服務調整」，城隧定觀塘甚至290系近年都不停減，39M 本身等多10分鐘，出去嘅主線又等多5分鐘，多咗人坐又停站耐咗，坐位變企位，仲要係唔一定上到車，成個車程就變咗預計唔到。你話有替代有新服務，客少咗，fine ，荃景圍喎，大家一直都係話冇㗎喇坐地鐵啦轉車啦，開咗兩班934A三班230X 仲想點，再拉埋230X 行楊屋道先。係嘅仲有A38每個鐘一架，咁每個鐘少返兩架39M先。

你話城隧觀塘呢啲本身條線長，可能都唔覺啦多5分鐘一班，揸慢咗停多支燈已經係度。39M喎，一單咪30分鐘，即係單向都係15分鐘，減班再得閒行下ASU ATEE 等你連企位都冇，等下其他車囉，坐的士囉，咁就算啦用腳啦。

Sell 駁腳，同你講係呀過海去城隧去九龍東，叫你去對家落地底，行落山囉，送咗39M $0.1 駁腳啦，嘩，減埋你駁腳先，等唔到坐的士啦，係呀落到山送埋40送埋290車尾喇（仲要行一段路過路德圍，咁可能係行得慢啦）

39M呢，我就基本上冇見過搞牌落山，脫極都係照做落山，就算你話私牌，基本上落山都係咁上下速度，去到匯利可能都見得返。之前減班果次，上繁載唔曬，居民fb 日日數車日日投訴，搞到又要加返車又拉243P 上山。

我只係想講，而家39M要$4.3，計埋行路拍埋愉景新城$2機，落山坐巴士轉地鐵成本係$6.3，咁我咪話起扶手梯落去全民運動，收埋3部車囉。就好似大家咁話，加雙分囉，站位唔同？停曬佢囉。唔夠載？等多一班車囉，搵架12.8落39A玩3個月囉，九巴吖嘛又唔係善堂，反正等耐啲又唔係巴士公司等，佢哋等皇崗等B1B9咋嘛

其實 39M 仲有個位數班次

點解大家會FF 3 條爛班次既線可以取代到？

s3n370 發表於 2026-3-25 04:50
咁點都有班客係點都要坐車，早繁荃灣中心留後荃景飛站都趕唔走。
仲要多得綠小hea住做/做唔切 ...

95M 定係 84，朝早7-9 都係要人等車，咁個ETA 又無乜作用，84行天橋落山又要食返大涌道右轉愉景新城支燈，價錢又貴啲，所以荃威就坐39M嘅人多啲。至於荃灣中心，95M條隊都唔係短，上唔到有啲人就坐95，反正識得有分段嘅就同價，唔識嘅都唔志在，基本上啲小巴都係即捕即解，果日多啲司機返工就好啲，朝早夜晚都係講彩數，好運就車等人，唔好運就排長龍。
荃景就基本上當無小巴，除咗朝早有時有95M 吉車之外，排巴士嘅咪轉軚，中間攝咗部39A就好少少，無就繼續頂閘，下班車又唔知上唔上到，有啲人唔想行但係又唔想無定向風咁樣等就可能落咗去坐42M，243M。