珀客臨時削渡輪班次惹不滿 居民擔心引入雙層巴後「以車...

siupy 發表於 2026-3-27 18:31
當年政府批個發展密度
其中一個原因就係有船 + 禁私家車
唔會用太多道路資源

地契應該有寫明個巴士/船個比例(船要過50%)，不過又有人話廢咗。唔知邊個先真

睇返D舊文件

要渡輪原因係避免青嶼幹線負荷過重

而且當年環保方案都無CUT晒船

亦有提供12班貨車比人載寵物

kay 發表於 2026-3-27 19:30
睇返D舊文件

要渡輪原因係避免青嶼幹線負荷過重

其實只要運吉修改俾魚旦和馬灣堆對外所有非專巴可以載小中型布圖上車咪可以唔駛留船俾人去出市區玩或睇獸醫.

btw,講到尾俾魚旦和珀客入雙層增加載客量根本就係想迫坐船客轉陸路車走人.

GR614 發表於 2026-3-27 18:34
地契應該有寫明個巴士/船個比例(船要過50%)，不過又有人話廢咗。唔知邊個先真
...

2008年之前地契寫到明係75%船：25%車，以每小時座椅載客量計算。2002-2012年期間繁忙時間每小時大約3班荃灣船及3/4班中環船，果陣真係做到呢個比例。

2008年已故前政務司司長許仕仁為左幫新鴻基止血，修改馬灣分區大綱圖 S/I-MWI/14 ，取消交通車船比例條文，但大綱圖仍列明「在運輸能力的角度上，渡輪在繁忙時間內為往來馬灣的主要交通工具」。

呢句說話就真係糖衣毒藥，何謂主要交通工具？實際執行上並無班次指引及比例，絕對係比新鴻基捉字虱玩法律罅。上年早繁cut中環船果陣刻意將其中一班荃灣船由10:10馬灣開變08:10 開，就係為左滿足所謂「主要交通工具」呢個所謂條款，同廢左冇咩分別。

deal5354 發表於 2026-3-27 20:54
2008年之前地契寫到明係75%船：25%車，以每小時座椅載客量計算。2002-2012年期間繁忙時間每小時大約3班荃 ...

師兄說了關鍵論點，始終說繁忙時間來往馬灣而已，沒有說一定去中環，所以就在荃灣船調動班次。
2018年珀客想cut非繁忙時間中環船班次那件事一早埋下伏筆，估計珀客爺汲取經驗，所以338S就不斷改良，連雙層巴士也願意做，證明船的成本高昂。

FBI2 發表於 2026-3-27 14:01
出中環坐乜鬼船呀，返工就話有用啫

馬灣出中環，如果路面暢通，時間與坐船沒有什麽大分別，又可以做香港站轉MTR，與愉景灣差得遠，估計珀客評估過就更想以車代船。

老老豆豆 NR330 轉東涌線都時間唔差果陣

隻船仔仲有咩意義呢

即係想拉愉景灣或者坪洲船過去都無條件果陣

AtrHenu 發表於 2026-3-27 20:52
其實只要運吉修改俾魚旦和馬灣堆對外所有非專巴可以載小中型布圖上車咪可以唔駛留船俾人去出市區玩或睇獸 ...

的士係可以進入馬灣的指定道路。
愉景灣方面﹐亦有的士提供服務﹐進入愉景灣指定地方。
同時﹐已經提出建議加大的士的服務範圍。


其實﹐係唔係應該使用的士服務﹐而不是要巴士提供運載寵物服務?

天空之神 發表於 2026-3-27 22:04
老老豆豆 NR330 轉東涌線都時間唔差果陣

隻船仔仲有咩意義呢

意義就係免轉乘、有位坐
海路亦甚少擠塞
可能到港鐵事故兼代替陸路同時塞
(參考今日東鐵兼獅隧都瀨嘢)
就會覺得佢珍貴
問題係居民願唔願 出更高嘅票價
滿足寵物同行或非繁時渡輪服務

kitarolo 發表於 2026-3-27 22:26
意義就係免轉乘、有位坐
海路亦甚少擠塞
可能到港鐵事故兼代替陸路同時塞

如果所有居民搭渡輪出入中環，都願意俾商務客位嘅高昂票價，咁又的確唔錯。