B線巴士編號問題

284 發表於 2026-4-27 12:09
開帖原意只是討論新皇崗路線編號，應否順序 B10, B11...

即使如閣下所願，又如何？
一個正常智人，去到關口，風涼水冷，唯一目標就係前往市區，
個路線號碼、單層雙層、邊間公司營運，有何影響？

應該關注係有冇車上，去唔去到目的地，如何比車費，
再advance啲都係考慮下有冇位坐，快唔快，平唔平之類。

拗號碼呢啲連2020以前區議員都未必會做的事，做左都唔馨香
敢問有邊個人會宣傳自己「成功爭取某某路線是某某號碼？」

ccchhhuuunnn 發表於 2026-4-27 16:21
我一路講，B線係「接駁」過境
B線理所當然地符合，而同時西九龍亦已經符合
同你所講「你自己過境，唔係送 ...

你上面先自己講緊「一早就解釋咗B線口岸或其他接駁過境線，合理解釋係「過境」/「跨境」/"Cross Border"，而唔係單純到達「邊境」(Border)」，但又強調B線功能係「過境」，其實你知唔知自己講緊乜嘢？
係人都知B線接駁「過境」，但同時有目共睹B線去嘅口岸都係喺「邊境」，港珠澳你都仲可以拗佢唔夠「邊境」，但無人會反對嗰度算係香港邊陲，深圳灣直頭出埋境去到深方邊境你都可以形容為唔係邊境？
就算俾你講得通B線係送人去「口岸」而唔止係「邊境」，機場已經係大大個例子，既符合你所講嘅「口岸」，但又更重要嘅凌駕性身份，就係「機場」，同高鐵站一樣道理。

ccchhhuuunnn 發表於 2026-4-27 16:32
城巴包裝自己所有B線做「口岸線」

行政邊界有官方定義

原來講咗咁耐，城巴嘅宣傳術語先係權威，長智識了。

講咗好多次，法律定義嘅口岸區，同該口岸區究竟係咪獨立口岸、係咪邊境口岸根本就無絕對關係。
任何人要進入高鐵西九龍站口岸區，必先要先進入高鐵西九龍站，呢點亦係我講咗咁耐嘅莊閒問題。反之，落馬洲支線管制站，甚至羅湖管制站，都並非封閉在鐵路站內，更非附屬喺鐵路站入面，所以佢哋符合作為一個獨立邊境口岸身份。
至於點解話你「有雙邊口岸區就等於邊境」，因為你正正就係用呢點嚟解釋點解西九龍站係你所謂嘅「口岸」，而機場、港澳碼頭、中港碼頭又可以唔係。

Man@MFHK 發表於 2026-4-27 20:50
你上面先自己講緊「一早就解釋咗B線口岸或其他接駁過境線，合理解釋係「過境」/「跨境」/"Cross Border"， ...

你上面先自己講緊「一早就解釋咗B線口岸或其他接駁過境線，合理解釋係「過境」/「跨境」/"Cross Border"，而唔係單純到達「邊境」(Border)」，但又強調B線功能係「過境」，其實你知唔知自己講緊乜嘢？

你下面明明都重覆緊我講B線係「接駁過境」
點解可以扮唔知我講乜嘢咁搞笑？

係人都知B線接駁「過境」，但同時有目共睹B線去嘅口岸都係喺「邊境」，港珠澳你都仲可以拗佢唔夠「邊境」，但無人會反對嗰度算係香港邊陲

港珠澳有成15公里先到邊界
你要拗佢係邊陲的話，咁香港國際機場仲邊陲過港珠澳
咁香港機場咪要有B線？
15公里唔係一個短嘅距離，唔係幾百米可以叫附近
西九龍係遠啲無否認過，但唔係附近而係有一定距離就明顯大家都係
明明所有嘢性質一樣，會揾到apple to apple對等嘅嘢
你自己強加距離落去冇問題，但唔係你話15km係16km就唔係，所以嘢唔係你主觀感覺「覺得」遠就唔係
一定有明文或（如果係距離）量化
唔通你話姚明高得滯就唔係人咩？
啱啱先話冇官方說明，我講嘅接駁口岸都可以用過去例子做邏輯推論做到分類，你個15公里劃線就真係可以寫包單真係得你自己亂噏

深圳灣直頭出埋境去到深方邊境你都可以形容為唔係邊境？

成個后海灣都係中國大陸水域
你喺下白泥跳落水已經越咗界
條界距離深圳灣口岸成6公里，亦唔係一個短距離
同港珠澳或西九龍同理，只係實際清關位置係向中方遷移，同前兩者向港方相反
「出埋境去到深圳」係啱，但唔係「去到深圳邊境」，你已經去到深圳邊境6公里以外嘅深圳內部

邊境係雙邊對等，點解你會覺得係「直頭出埋境去到深方邊境你都可以形容為唔係邊境」？？？？
客觀解釋咪頭先講咗：「因物理空間限制，實際邊界同清關地理位置有一定距離」
而深圳灣個實際清關向中方方向設立，但港珠澳同西九龍向港方方向設立
只係一個鏡像設定，但實際意義一樣

就算俾你講得通B線係送人去「口岸」而唔止係「邊境」，機場已經係大大個例子，既乎口你所講嘅「口岸」，但又更重要嘅凌駕性身份，就係「機場」，同高鐵站一樣道理。

呢個真係講咗一百萬次，唔排除佢有其他原因而另起字頭
但現時setup冇排除到佢係B線本質
點解你仲可以再loop？

例子：
現時西九龍設定 -> 同公路口岸一樣有B線接駁過境通關特性，但唔排除另起字頭，好似A/E/SP/W線一樣
平行空間西九龍冇中國口岸 -> 冇B線接駁過境通關特性，亦唔排除另起字頭，好似A/E/SP/W線一樣
紅磡直通車返生但仍舊冇中國口岸 -> 冇B線接駁過境通關特性，亦唔排除另起字頭，好似A/E/SP/W線一樣

Man@MFHK 發表於 2026-4-27 21:05
原來講咗咁耐，城巴嘅宣傳術語先係權威，長智識了。

講咗好多次，法律定義嘅口岸區，同該口岸區究竟係咪 ...

原來講咗咁耐，城巴嘅宣傳術語先係權威，長智識了。

你一係成篇唔回應自說自話，一係淨係抽一句輔助證據淨係笑佢扮權威但冇論述拍下籮柚就走你都幾好嘢

任何人要進入高鐵西九龍站口岸區，必先要先進入高鐵西九龍站，呢點亦係我講咗咁耐嘅莊閒問題。反之，落馬洲支線管制站，甚至羅湖管制站，都並非封閉在鐵路站內，更非附屬喺鐵路站入面，所以佢哋符合作為一個獨立邊境口岸身份。

你唔好將我已經一早講咗嘢重新用其他文字寫過就當駁咗先啦
咪即係我一早講嘅「西九龍口岸係鐵路口岸，其他B線去嘅係公路口岸」囉
明明你咪就係講緊我講嘅嘢

至於「獨立邊境口岸」，喺中國口岸清單係冇呢個官方定義，純粹你自己老作
（「獨立」呢兩個字好敏感，你應該唔會喺中國所有官方文件見到用呢個名詞）

「有雙邊口岸區就等於邊境」

Again
你又亂塞嘢入我口，從來都話行政邊界或邊境係冇實質意義

ccchhhuuunnn 發表於 2026-4-27 21:31
你下面明明都重覆緊我講B線係「接駁過境」
點解可以扮唔知我講乜嘢咁搞笑？

建議你查吓字典究竟乜嘢叫「邊境」。
原來你覺得「邊境」只係一條線，唔怪之得你會話深圳灣口岸既唔係港方邊境又唔係深方邊境。
你都係搞返清楚邊境同邊界嘅分別先繼續討論落去啦⋯⋯

ccchhhuuunnn 發表於 2026-4-27 21:41
你一係成篇唔回應自說自話，一係淨係抽一句輔助證據淨係笑佢扮權威但冇論述拍下籮柚就走你都幾好嘢

乜原來你都知「西九龍口岸係鐵路口岸，其他B線去嘅係公路口岸」？乜呢句嘢唔係我話你知咩？
既然你識得分，咁仲有乜好拗？

高鐵西九龍站口岸：
位於高鐵西九龍站內
單純嘅鐵路口岸

深圳灣、香園圍、港珠澳：
位於邊境/邊陲地帶
口岸是為一個獨立個體而非處於任何交通樞紐內部
公路口岸，容許公眾以公共交通前往，同時亦容許任何合資格跨境車輛通過。

幫埋你列點分清楚。

Man@MFHK 發表於 2026-4-27 21:51
乜原來你都知「西九龍口岸係鐵路口岸，其他B線去嘅係公路口岸」？乜呢句嘢唔係我話你知咩？
既然你識得分 ...

認真？？？？？

#49我已經講緊同樣嘅嘢
但你#48仲講緊西九龍係站唔係口岸
你要唔要返轉頭睇睇邊個話比邊個聽？

ccchhhuuunnn 發表於 2026-4-27 21:59
認真？？？？？

#49我已經講緊同樣嘅嘢

「西九龍站」、「西九龍站口岸」係兩樣嘢嚟㗎，一直都講緊你個「西九龍站口岸」係喺「西九龍站」入面，你唔行入「西九龍站」又點樣去到「西九龍站口岸」

Man@MFHK 發表於 2026-4-27 21:47
建議你查吓字典究竟乜嘢叫「邊境」。
原來你覺得「邊境」只係一條線，唔怪之得你會話深圳灣口岸既唔係港 ...

所有邊境我都aka行政邊界

你要企硬邊境的話就仲衰
咁港珠澳就一定唔係
深圳灣都未必係，我會話后海灣個海可以算係邊境但好少人用邊境形容一個海，但深圳灣口岸陸地唔會係