剛剛搭中個危駕碌車王...

頭先十點四十五分在太子上93K KG3301，到十一點三十五分先到康盛!!  足足用左50分鐘，而元兇又係......碌!!  在交通情況一樣之下，我前晚搭93K，起點終點一樣，用左36分鐘。尋晚搭，用左40分鐘。今晚搭，用左50分鐘!!  沿途係冇塞車，停燈位係因為司機特登碌慢等紅燈，有幾次仲係本來明明過倒，但都用超慢速碌，到燈前真係轉紅燈，跟住一腳地板brake dum停，好明顯係有心玩野。

尋晚果個碌都話算數，今晚呢個真係好影響乘客同埋其他駕駛車。去到觀塘道開始係咁玩野，唔過30，係咁玩風琴腳，仲要係低波高轉，玩到chok下chok下，前面二百米內係完全冇車既!!  燈位既問題...上面講左，明明綠燈都等到變紅燈，本來可以好順暢咁過埋，但就等到要一腳dum停。在太子道東轉線時就出極都出唔倒...原因，係識渣車既都知，佢都唔夠速度，同隔離線d車速度相差極大，最後要差不多到分隔路口隔離完全地冇晒車先過倒線。   上到曉光街仲勁，上斜玩吊油門，仲要幾下玩到架車低速上左波，勁低轉，跟住好大力chok一下。前面仲有一大段距離先要停車，佢就又大玩風琴腳。跟住貼左前面架98A，佢就唔拉手制，一直都係用油門黎吊住架車，但又吊得唔好，搞到架車不斷衝前又溜後。   

今次呢個碌車王唔止碌咁簡單，係好有心玩野...有種感覺係，渣車渣到悶，唔想渣，一於玩下花式駕駛!!

真係想投訴，但明知食古不化既9巴唔會點理呢d，唯有係度發洩下算!!

丫，仲有樣野...就係，我落緊車，行緊落樓梯果陣佢已經叮緊=.=   如果佢真係咁碌，又何必咁趕關門？

駕到架車chok下chok下係有得投訴
因為呢程車搭到唔舒服

至於巿區線碌車就除非好離譜
否則都好難入到佢

原帖由 leefung 於 2007-8-16 00:20 發表
駕到架車chok下chok下係有得投訴
因為呢程車搭到唔舒服

至於巿區線碌車就除非好離譜
否則都好難入到佢

但夜晚十一點幾在車流很少的觀塘道上以<30km/h的速度行車...有沒有得投訴？  我坐在上層車頭，很清楚前方200米內是沒有車的...   我覺得前面有車，留返安全空間都講得通，但前方完全冇車...我真係想問個司機係咪時運高，見倒d普通乘客見唔倒既「車」 仲要一路碌一路低波高轉反覆鬆放油門...  做埋呢d小動作  完全稱唔上大師傳

係咪93K d司機個個都唔想返屋企   通常尾轉車都係飛咁去，93K既姊妹線98C夜晚係飛返將軍澳，觀繞70km/h(or above)，唔似得呢條93K咁   行咁多站路段仲要碌車

[ 本帖最後由 4056 於 2007-8-16 01:01 編輯 ]

司機個名係咪四個字架? 如果係，呢位人兄繁忙時間
經常比後車追到返總站甚至後車仲快過佢返到去，要
port 佢只要有站頭資料對返應該好易搞。

(不過印象中呢部車兩個掛牌師傅都無乜問題)

原帖由 fokck 於 2007-8-16 01:37 發表

司機個名係咪四個字架? 如果係，呢位人兄繁忙時間
經常比後車追到返總站甚至後車仲快過佢返到去，要
port 佢只要有站頭資料對返應該好易搞。

(不過印象中呢部車兩個掛牌師傅都無乜問題)
...

亦都有可能係揸第一代金車掛牌,
個車牌有3個數字相同既果位掛牌師姐
佢手車都出晒名慢....

投訴佢啦

小弟之前都開左篇文講碌車既事

不過打去 9 記佢話會跟進 , 宜家都未有回覆

不過等佢有個紀錄都好呀

原帖由 lf5499 於 2007-8-16 16:34 發表
你座上層車頭 又肯定車速係

我自己都有駕車，知道速度大概係幾多，所以我唔敢肯定佢實際速度，但肯定<30，2xkm/h左右。
我冇留意司機名字，我行緊落樓梯果陣佢已經叮緊，冇睇到佢名字...   只知係22:40由旺火開出既KG3301，係尋晚ge事...站頭會有紀錄嗎？

原帖由 4056 於 2007-8-16 18:04 發表
我自己都有駕車，知道速度大概係幾多，所以我唔敢肯定佢實際速度，但肯定<30，2xkm/h左右。
我冇留意司機名字，我行緊落樓梯果陣佢已經叮緊，冇睇到佢名字...   只知係22:40由旺火開出既KG3301，係尋晚ge事...站頭會有紀錄嗎？

理論上九巴一定check得到
每日邊個返工,"才查"邊架車都會keep record

如果將佢駕駛技術泊低video, 然後寄去九巴投訴又有冇用?