北都公路新田段環評報告

eternalflame 發表於 2026-5-9 17:39
長隧道本身未必係問題，但駁返落去新田公路就有極多制肘

睇返EIA講備選走線，如果用隧道方案的話

但而家係凹頭現有匯合位加入咁大規模交匯處，仲要遷就西鐵、中電線路，起伏都唔細，然後又要喺元朗舊墟、山貝起架空路段，甚至入侵埋工業邨、駕駛學院，我唔覺得呢個選項幾優勝。

而宏樂街個出入口，都幾明顯當送埋比恆基用，當安家費啦，條北都天橋起正四叔南生圍前面，長實個新盤就慘囉

busnrail_fans 發表於 2026-5-9 17:54
古洞段係咪冇打算繼續東延駁返去粉嶺繞道西段？

睇古洞段初步走線會喺介乎[紅橋新村]與[長甫頭]的一段文錦渡路之間設交匯處，

根據粉嶺繞道(西段)終點喺馬會道與文錦渡路之間，

所以估計兩者透過文錦渡路作連繫。

北都公路-新田段 速度限制 80km/hr

rickywk 發表於 2026-5-9 20:36
但而家係凹頭現有匯合位加入咁大規模交匯處，仲要遷就西鐵、中電線路，起伏都唔細，然後又要喺元朗舊墟、 ...

冒住水土流失風險都一定要起隧道過南生圍先係問題
凹頭個位反而多空間

eternalflame 發表於 2026-5-10 18:34
冒住水土流失風險都一定要起隧道過南生圍先係問題
凹頭個位反而多空間

就睇政府用咩物料興建

Apple Maps最近有新高清香港衛星圖，借圖一用



現有三號幹線匯入匯出點已經貼住中電輸電塔網絡，凹頭真係仲有位起高架再誇過三幹匯入去？

然係條高架仲要貼住蠔洲路興建中發展項目再過元朗舊墟，皇珠路式全覆蓋隔音屏都對果個發展項目做成極大滋擾

rickywk 發表於 2026-5-10 21:14
Apple Maps最近有新高清香港衛星圖，借圖一用

好明顯要收地起北都公路-新田段(凹頭部份)先夠位起。

rickywk 發表於 2026-5-10 21:14
Apple Maps最近有新高清香港衛星圖，借圖一用

係夠嘅

凹頭交匯處方案比橫過南生圍好多了，既保護南生圍，又方便連接三號幹線。不過穿越元朗果一段起得的確好勉強，係正蠔洲路個新盤門口。個新盤本身就隔涉，雖然近朗和路但係唔連接，要係南生圍路入，而家仲多左噪音

Hopuco 發表於 2026-5-16 16:54
凹頭交匯處方案比橫過南生圍好多了，既保護南生圍，又方便連接三號幹線。不過穿越元朗果一段起得的確好勉強 ...

係九號幹線，三號幹線喺西九龍嗰邊。