85X減班

66702686 發表於 2026-5-29 11:06
梗係la，如果唔係點幫到屯馬做靚盤數

屯馬條數本身已經夠靚
眼紅都冇用

已經行下路避開平行屯馬都唔夠客
但下路就係唔夠上路咁多客

cky 發表於 2026-5-29 21:01
屯馬條數本身已經夠靚
眼紅都冇用

主要係因為班次越來越疏ma，所以d客先無奈行遠d保鐵算（85m算係最明顯例子）

66702686 發表於 2026-5-29 21:26
主要係因為班次越來越疏ma，所以d客先無奈行遠d保鐵算（85m算係最明顯例子） ...

隔離唔係港鐵站既地區，唔會學呢個玩法，
除非去到 30 分鐘一班時段，岩岩好走左車，下一班車29分鐘後先有車，或者會考慮下
例如 錦駿、恆安/耀安邨等等屋邨
住得同港鐵站相距 5 分鐘以上既，如果睇 ETA 發現夾唔岩時間，
寧願留返喺個站附近，夾到岩時間再出嚟等車

XZ4201 發表於 2026-5-29 19:32
問題係九龍城同觀塘/油尖旺唔同，而且屯馬通咗車

就算85x全日跟89d咁直插沙田醫院入埋鳥鐵應該都係同而家 ...

我唔係求85X全日飛沙田，上/下路/土瓜環紅磡整體咩狀況都唔駛喺呢度再重覆。我意思係，連繁時都搞到好似自殺咁樣先係問題。如果你有搭過屯馬未全通時期嘅85X，你就會明點解85X遲早連繁時都保唔住。

論非繁忙：
基本都冇咩好傾，一來今時今日沿線對土瓜環紅磡一帶比以前細好多，唔同初代由九龍搬入嚟嘅沙田人、對舊區仲有connection，以依家住緊嘅第二/三代人嚟講，土瓜環紅磡根本唔會去。

論繁時：
以往85X主要有2大類繁時客，一：大老山轉車客、二：石門小瀝源路，仲有 馬鞍山以往 以兩繁順向都出到客，
不過有屯馬之後 呢批客早就走咗大半，係後來啟德多咗堆政府部門，帶咗批新客比85X先顯得好似好好。

未有屯馬嘅時候，全新界東（連大埔上水）係完全靠哂85X，嗰段時間下繁一過大老山、可以唔見咗半車人，係過埋第一城石門得返啲窗口位仲坐緊人。
最好時期嘅85X轉車客 係多過 小瀝源路第一城多多聲，整體未算非常標青，但兩個方向各自有一堆客養住叫做可以自給自足。


但今時今日85X流走唔少客，轉車客更多咗275X揀，少咗呢批 固定轉車客搭85X 其實係傷得唔輕，仲要喺冇新增客源嘅情況下，仲有屯馬呢個競爭對手要面對，以今日得返石門小瀝源路同少量馬鞍山客嚟講，自然就頂唔到屯馬咁強勢。

飛小瀝源路對85X冇好處，所以我立場一直都唔係求85X飛沙田。
反正都冇咩可能成條85X直接cut，非繁忙要cut班次都冇辦法，雖然我都係唔同意cut到20-30＋，但數字交出嚟係唔靚都冇得強求。
我會諗 會唔會將85X個重心 重新擺返落繁時，反正85P唔衰都衰咗個頭，咁佢又可唔可以做返多啲客、唔空咁多吉位，幫85X喺繁時養返啲馬鞍山客返嚟（which is今年85P做嘅嘢）。